Wlɛ̀velesɔ̌n 2:25 - Nyesoaa Kuo Win Jajle

²⁵ ɛ̀ sìnʼǒ dɛɛ do ba nuu nɛ̀ moo a blěǒ tè wlò popoɛǒ a kɔnʼɔ klěě mǒ mɔ̀ kwa kpankpa ɛ mǐ ɛ kpa kpa Ě miǎ de di.

Wlɛ̀velesɔ̌n 2:25 ပူးပေါင်းရင်းမြစ်များ

Jɔ̀ɔ̌n 14:3

Bɛ̌ nu Bo mu de klě Ně Gbeǐ mɔ̀, Boǒ wɔ̀ tùɔn mɔ̀le keǒ a mɔ̀, Ě mi de diba Ě mǐ a kpa a miǒǒ gbàa bo ne ɛ̈ di ɛɛ numa tà Ě neěe a mǐě ne.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:28

U nyuu doo nynɛ̌ mooa Akèbɔ, nɔ̀ nynana bo ɔ̈ sɛ̀a wan klě Ngmà Je Ne Sùsuu kpě wlòmo ɛ̈ moo, “Dodopà fòɛ mi kmɔ̌ wùɛ kɛn bo wlɛba, ɛɛ dɛ seǒ mɔ̀ tmɔ.” Dodopàǒ ɛ bea blǒ mǒ tǐǒ jleě Klɔdìɔ mooa klɔ̀ba keǒ Wlǔmɔ nyo mɔ̀.

Wlǔmɔ 12:9

A noɛɛ nyopò tùu mǒ aǎ niǒ ně kɛn le. È a faen dɛ kukǔ a miǒ kàan dɛ mɔ̀ kwa blě.

1 Kwnɛtiɛ̌ 11:26

Tǐ wùɛ mɔ̀ bǎ di flɔ̌ɔǒ bǎ naě kàeǒ mǒ, nɛ̀ tmɛɛ̌ nyopò wùɛ le ke Koɔn nuu kokoɛ̌ ɛ mǐ ɛ kpa kpa Ɔ miǎ de di.

1 Kwnɛtiɛ̌ 4:5

Tèǒ nì kɔn tè baǎ tùi aa bǐì tè mɔ̀ plě tǐ miǒ nyni, a fo Koɔn Jùsuu de di tǐ, Nɔ̀ miě noǎ wùɛà wɛ̌ɛ klě kwijlě slè pepě mǒ jaba plě noǎ wùɛà tùonyuu wlò poo ble Ɔ miǒ i pepě mǒ poba. È klě tǐǒ wlòmo Nyesoa miǎ nyu wùɛ le bìseba ɛ̈ blɛɛ ɔmoo nyuǒ je.

1 Tɛseloniǎ 5:21

A chechlǎ win wùɛǒ a mǐ ɛ jě bǐ moo kàan, ii dɛǒ monoo kàan nɛ̀ ba nee kmɔ̌,

Hiblǔ 10:23

A nɛ bä blěǒ kmɔ̌ sie fònfnoo wlò je kunkuɛnʼà ä kɔnʼɔ mɔ̀ kwa kpankpa ɛ̈ kɔn tè ä tmɛɛ̌ nee nyopò tùu. Mɛ̌oǒ joo nɛ̀ moo ä kpae Nyesoa wlò Ɔ̈ peeě ɛ ämoo.

Hiblǔ 3:6

Kɛɛ Tentǎn Jǔ mǎě bo sèn wòje Nyesoaa Jǔ Ɔ̈ kɔnʼɔ Nyesoaa nyopò win kwa. Bɛ̌ nu bä ke nya mii ni bä ke wlò kpaea klee kponkpɛ kwɛn klě Tentǎn Jǔu do mǒ, è ä moo Nyesoaa nyopò.

Hiblǔ 4:14

Ke ɛ toon jleě mǒ bo ä kɔnʼɔ Nyesoaa Jǔà Ɔ̈ moo Jùsu Ɔ̌ moo äa Bodiɔ Ɔ̈ muěe jɔkɛn, a nɛ bä blěǒ äa tè wlò popoɛ mɔ̀ kwa kpankpa ɛ̈ kɔn tè ä boɛɛ nyopò tùu je.

2 Pitɛ̌ 3:10

Koɔnʼɔ de di chnɛ̀ jlǒ waěǒ nyu seǎ ɛ wlò tɔɔnma mu wòje keà jlǐ nyu diěe klě tǒn wlòmo. Klě tǐǒ wlòmo jɔ miǎ fǎnma ɛ miǎ klu, noǎǒ neěe jɔ mǒ na miǎ i gbè sùeba, è kmɔ̌à klee noǎ wùɛ ï neɔ ɛɛ mɔ̀ i miǎ sinma.

Wlɛ̀velesɔ̌n 1:7

A tanà le, Tentǎn Jǔ miǎě nukpě kɛn diiba! Nyopò wùɛ miǎǒ Ɔ jleě mɔ̀ kpaba, jà nyopòo chɛ̀ǒ dbǎla Ɔɔ. Dakwɛ̌ wùɛà neɔɔ kmɔ̌ɔ mɔ̀ u mi Ɔɔ sònwɛ chìnma. Imo tèà nì moo kàan tè, kě bɛ ne.

Wlɛ̀velesɔ̌n 22:20

Jùsuà te imo noǎà ämo je, kě Ɔ dǎ Ɔ je, “Sɛjesɛ, Ě miě diba pase!” Koɔn Jùsu diě, kě bɛ ne.

Wlɛ̀velesɔ̌n 22:7

Jùsu je, “A tanàle, Ě miě diba pase! Nyopòà poo wnɔsà winʼà neɔɔ chněedɛ̌ɔ wlòmo ii tè kàan tè, u kɔn ngmna.”

Wlɛ̀velesɔ̌n 3:11

Ě miě diba pase, ii tè aa tè wlò popoɛǒ a kɔnʼɔ a blěǒ ɛ mɔ̀ kwa ɛ̈ di ɛɛ numa nyu tɔ̀ɔ ɔɔ̌ se aa snǒ sàe dɛǒ kpa.

Wlɛ̀velesɔ̌n 3:3

Tèǒ nì kɔn tè bi beě a wlòmo, dɛà a wɔ̌nʼɔ plě a chěnʼe a tùǒ ɛ bo a mǐ aa wlè bo bitǐ. Kɛɛ bǎ se ɛ nu, keà jlǐ nyu diěe nyu ně ji ɔɔ tè, kě Ě miě didiɛ numa, a se tǐǒ Ě miě jaba jiba mu.