Wlɛ̀velesɔ̌n 2:2 - Nyesoaa Kuo Win Jajle

² Ě ji dɛǒ a nuu nu, keǒ a nuě kbě le popoɛ a nuu konkwa nunuɛ klee ke a nuu wlò dbadbǎ konkɔn. Ě ji ɛle ɛ̈ moo a se dɛ kukǔ nu nyo sòa plě a tɛ̀n nyopòà měne ü see Nyesoaa tuposà kpa nyo ü je u moo ɛɛ plě a jě ɛ ɛ̈ moo u moo sen le tmɔ̌ nyo.

Wlɛ̀velesɔ̌n 2:2 ပူးပေါင်းရင်းမြစ်များ

Matiɔ̌n 7:23

Kɛɛ Ě mǐǎ u tmɔɔ̌ma ɛ̈ moo, ‘Amo dɛ kukǔ nu nyoà, Ě se a ji, a sɔnʼǒǒ jemǒ!’ ”

Jɔ̀ɔ̌n 6:6

Jùsu jia dɛ Ɔ wɛ̀aa mɔ̀ Bɔ nuaa ne, tèǒ nì kɔn tè Ɔ gbàla dɛǒ wan keǒ Bɔ tbalaě Felɔ̌ bo.

Kalesiɛ̌n 1:7

Sɛjesɛ dɔ̌ tuposà tɛ̀ɛ nɛ̀ se tà ne ɛ̈ sɔn lěe Nyesoa mɔ̀ mǒ. È tè kɔn tè Ě dɛɛ ɛɛ dɔ̌ tuposà nɛ̀ moo nyopò tùu tɛ̀n ɛ mǒ bu sakaeě a jǐ měne klee keǒ bu sà tuposàà de ɛ̈ kwɛɛǒo Tentǎn Jǔ jleě mǒ bo.

Ifisiɛ̌n 4:14

Ii tè äa ka bɛɛ̌ wě je jlǔ klɔkwlěe kɛ̀ üà nyopò mǒ boo nyo booa mǒ ü nii nyopò tùu kplakplǒ kmɔ̌ jele plě ü pe ɛ ble bü po uu kenkan snǔ wan.

1 Tɛseloniǎ 1:3

Bä keě äa Gbeǐ Nyesoa mɔ̀ boɛ, ä pe aa tè wlò mɔ̀ ke a nii konkwa nunuɛ keǒ Tentǎn Jǔ mɔ̀ Ɔ̈ kɔn tè a poo kàan tè klee ke aa mǒ noɛnoɛ a kɔnʼɔ keǒ Nyesoa klee nyopò tùu mɔ̀ ni amoo nunuɛ ǎ peě kbě le ǎ nii konkwa plě klee ke aa wlò je kunkuɛn a kɔnʼɔ klě äa Koɔn Jùsu Tentǎn Jǔ mǒ ni amoo nunuɛ ǎ nynɛɛ měne tèntɛn jebo.

1 Tɛseloniǎ 5:21

A chechlǎ win wùɛǒ a mǐ ɛ jě bǐ moo kàan, ii dɛǒ monoo kàan nɛ̀ ba nee kmɔ̌,

2 Timɛtě 2:19

Kɛɛ Nyesoaa winʼà i slě de sèsa wɔ̀ wòje keà kǎngmà jakǎa le ɛ slěe ngmàa wowoɛ̌ wɔ̀. Ɔɔ tuposà je, “Sɛjesɛ Koɔn ji nyopòǒ moo Ɔɔ nyopò no,” (Num 16.5) è “Nyu wùɛ bɔ̈ dae ɔɔ chɛ̀ Koɔnʼɔ nyu, ɔ kɔn bɔ tmɔɔ kpni kukwǐ mɔ̀.” (Num 16.26)

Hiblǔ 6:10

Nyesoa moo Mǒ Slɛɛ̌ Nyu. Aa konkwa klee mǒ noɛnoɛ a tee lee keǒ Ɔ mɔ̀ Ɔ se ɛɛ tè snùma mu ɛ̈ kɔn amo mɛ̌ǒ Ɔɔ nyopò mɔ̀ klee ü kpɛɛ ɛɛ nya keǒ uu mǒ sɛ̀ɛa mɔ̀.

1 Jɔ̀ɔ̌n 4:1

Ně mǒ noɛɛ nyopò ane, aǎ pe nyu wùɛɛ tè kàan tè ɔ̈ dɛ̌ bòo ɛ̈ moo ɔ kɔn Ngmà Je Ne Sùsu, kɛɛ ba tɛ̀n ɔ mǒ a mǐ ɛ jě bɛ̌ nu bo Sùsuǒ Bɛ̌ sɔnʼě Nyesoa mɔ̀ mǒ. Dɛ ɛ nuu nɛ̀ moo sen le tmɔ̌ wnɔsàɔpo fòfoa nù neɔ kmɔ̌ɔ mɔ̀.

Wlɛ̀velesɔ̌n 2:5

Bi beě a wlòmo tà a nynanaǒo bo plě ǎ keaǒo kplɛɛ le. È ba bitǐ aa wlè bo a mǐ noǎǒ a niaa klekle nu. Bɛ̌ nu bǎ se aa wlè bo bitǐ, Ě miě diba Ě miě aa nǎpe tuǒ klě ɛɛ tùɔn kɛn sà ɛ̈ ɛ neǒo kɛn.

Wlɛ̀velesɔ̌n 2:6

Kɛɛ a kɔn kàan noǎ ï moo a se noǎ kukwǐ mǒ noɛɛ ne ïǒ Nikaplɔ̀ kwɛɛn nii wòje ke Ě nuu Ě se ii mǒ noɛɛ ne.’

Wlɛ̀velesɔ̌n 2:9

Ě ji ɛle ɛ̈ moo a jě sònwɛ plě sònwɛ ni amo, kɛɛ a pàn ne klě wakǎ tɛ̀ɛ wlòmo. Ě ji ɛle ɛ̈ moo nyopòǒ dɛ uu chɛ̀ Jùwɛ nyo, kɛɛ ü moo Setɛ̀nʼɛ nyopò ɔ̈ moo kǔ sìsii klɔ̀ba, noǎǒ kɔn tè u wǒ amoo le i moo sen.

Wlɛ̀velesɔ̌n 3:1

Jùsu kpɛɛa Ɔɔ win nya Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Sɔdè wlòmo, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyuà kɔnʼɔ Nyesoaa Sìsii nyiɛta klee jɔtnèe nyiɛta. Ě ji dɛ a nii ni. Nyesoa dɛɛ nynɛ̌ nɛ̀ neǒ a kɛn a nee kmɔ̌, kɛɛ a moo kokǒ nyo.

Wlɛ̀velesɔ̌n 3:15

Ě ji dɛǒ a nii ni, a se wlɔɔ lo plě a se smuu nu klě Nyesoaa konkwa nunuɛ mǒ. Ně wlò jlɛ̌ ba monoo ii sɔ̌n wùɛǒ i dɛɛ do,

Wlɛ̀velesɔ̌n 3:8

Ě ji dɛ a nii ni plě Ě ji ɛle ɛ̈ moo a se kpě fòe blě, kɛɛ a tùǒ Ně win bo klee a sěɛlǎ Ně nynɛ̌ɛ tè mǒ chnɛ̀. Tèǒ nì kɔn tè Ě nye a fɔ̌ keǒ ba nunuǔ konkwa mɔ̀ ɛ̈ nyu wùɛ slě wɔ̀ bɔ sà amoo kwa.