Wlɛ̀velesɔ̌n 2:19 - Nyesoaa Kuo Win Jajle

¹⁹ Ě ji dɛ a nii ni. Ě ji ɛle a noɛɛ neě mǒ no klee tùonyopo plě ǎ kɔn tè wlò popoɛ klěě mǒ klee ǎ niniǐ konkwa mɔ̀, è a kɔn wlò dbadbǎ klě tǐ jakě slè plě a ni noǎ fòfoa klě tǐà wlòmo keǒǒ mɔ̀ ɛ̌ sìnʼǒ noǎ a niaa mǒ klekle.

Wlɛ̀velesɔ̌n 2:19 ပူးပေါင်းရင်းမြစ်များ

Lǔkù 1:23

Tà ɔɔ konkwa ɔ kɔnaa nunuɛ klě kǎ fòɛǒ bo ɛ wɛ̀aa mɔ̀, è nɔ̀ǒ muaě koǔ bo.

Jɔ̀ɔ̌n 15:2

Ɔ bɛ̌ ti beě wùɛǒ ïǐ too bui keǒǒ jleě mǒ, è beěǒ toee nì Ɔ snɛ̌ fǒ měne ɛ̈ di ɛɛ numa i mǐ bui fòfoa to.

Klasɔ̌n 3:14

Mǒ noɛnoɛ nɛ̀ bɛ pɛnʼǒ dɛ wùɛ dlǒ mǒ bo. Mǒ noɛnoɛ nɛ̀ ni nyopò wùɛ ǔ kenkmeeǒ mɔ̀ ble kpǎkpǎ.

1 Tɛseloniǎ 3:6

Kɛɛ Timɛtě nɔ̀à kèkeà ɔ̈ tbae je ɔ̈ sɔnʼě a mɔ̀ mǒ, ɔ jaě kàan win ï kwɛɛǒ aa tè wlò popoɛ klee mǒ noɛnoɛ a kɔnʼɔ jleě mǒ bo. Ɔ je a boɛǒ ä kàan tè jleě mǒ plě ǎ jlɛ̌ ba jě ämo wòje keà ä nii.

2 Tɛseloniǎ 1:3

Tǐi pɛpɛ mɔ̀ ä kɔn bä pe Nyesoa tàto keǒ aa tè mɔ̀. Ɛ wɛɛnʼǒ le keǒ bä nu ɛ. Mɛ̌oǒ joo nɛ̀ moo aa tè wlò popoɛ a kɔnʼɔ klě Jùsu mǒ ɛ kwin ni ɛ̌ bebee kɛn le plě aa měne nonoɛɛa bebee kɛn le.

1 Timɛtě 1:5

Dɛ kɔn tè Ě tmɛɛ̌ mòo dɛà nɛ̀ moo u mǐ nyopò tùu mǒ noɛɛ ne ɛ̈ sonwɛ lěe wlèà snǎ lěe kɛn le mǒ klee kàan tè le jbojbɛ mǒ plě klee uu tè wlò popoɛ mǐ ɛ nynɛ̌ sɛ̀n.

1 Pitɛ̌ 4:8

È dɛ neǒo noǎ wùɛ dlǒ mǒ nɛ̀ moo a nonoɛɛ měne keǒ aa wlò wùɛ mɔ̀. Bǎ nonoɛɛ měne, è a miě ɛ wɔ̀ba keǒ ba popoo aa kpni kukwǐ fòfoaa tè wlò le.

2 Pitɛ̌ 1:7

Nyopò kàan dɛ mǒ nunuɛ nɛ̀ ba mǎ aa Nyesoa dɛ debo klee a mǎ mǒ noɛnoɛ nyopò kàan dɛ mǒ nunuɛ debo.

2 Pitɛ̌ 3:18

Kɛɛ a muu nya, a kun klě äa Koɔn Jùsu Tentǎn Jǔu wlòo jlajlǎ dɛ mǒ ɛ̈ɛ̌ sà Ɔɔ wlò kǔ mǒ keǒ a mɔ̀ klee klě Ɔɔ de jijiɛ mǒ. Nɛ Bɔ kɔn de bìsea klě tǐà wlòmo plě ke kmɔ̌ mii jleě mǒ bo tonma, kě bɛ ne.

Wlɛ̀velesɔ̌n 2:13

Ě ji tà a neǒo no, tàa teěnʼǒ Setɛ̀nʼɛ klɔ̀ba gbèsɛɛ neǒo keǒ a neǒ. Kɛɛ kaǒ a kɔn wlò kpaea klěě mǒ. Ɛntèpa ɔ̈ mooa Ně sàsepoi ɔ kɔna wlò kpaea klěě mǒ. Tà ɔ nua Něe konkwa klě aa diě wlòmo, tàà Setɛ̀n tǐnʼěe, u dbǎla ɔ lo, kɛɛ aa tè wlò popoɛ a kɔnʼɔ klěě mǒ a sea ɛ mǎ.

Wlɛ̀velesɔ̌n 2:9

Ě ji ɛle ɛ̈ moo a jě sònwɛ plě sònwɛ ni amo, kɛɛ a pàn ne klě wakǎ tɛ̀ɛ wlòmo. Ě ji ɛle ɛ̈ moo nyopòǒ dɛ uu chɛ̀ Jùwɛ nyo, kɛɛ ü moo Setɛ̀nʼɛ nyopò ɔ̈ moo kǔ sìsii klɔ̀ba, noǎǒ kɔn tè u wǒ amoo le i moo sen.