Wlɛ̀velesɔ̌n 2:18 - Nyesoaa Kuo Win Jajle

¹⁸ È Jùsu tmɔɔ̌aǎ ne de Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Taetawlà wlòmo, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyesoaa Jǔ Ɔ̈ kɔn jǐ wnee wòje napèpɛlo klee Ɔ̈ kɔn be nee wlekě wlekě ï wnee wòje kanwɛɛ ɛ̈ u sonwaa fǒ měne.

Wlɛ̀velesɔ̌n 2:18 ပူးပေါင်းရင်းမြစ်များ

Matiɔ̌n 17:5

Klě jǐ kapǒa wlòmo, win kɛ̀naě Pitɛ̌ wan bo, è nukpǎ ɛ̈ plɛ̌aa nɛ̀ chlìa u dlǒ. È Nyesoaa Win sonwɛa lě nukpǎǒ wlòmo kě I dɛ̌a I je, “Ně Jǔ Ě noɛɛ nee mǒ Nɔ̀à, Ně wlò bloo Ɔ kɛn chɔɔ. A po Ɔɔ win nɔkǔ jebo!”

Matiɔ̌n 27:54

È tà Wlǔmɔ nyoo tabɔ̀ klee uu jǐgbàdiɔ ü tùiaa Jùsu jǐ mɔ̀ u jěaa blǒo de sèkea klee noǎ wùɛ ï kpalaa tùɔn, è kètekee bea u bo wan, kě u dɛ̌a u je, “I moo kàan tè Nyuà Ɔ moo Nyesoaa Jǔ!”

Matiɔ̌n 3:17

Klě tǐi doo tǐǒ wlòmo Nyesoaa Win sɔnaě jɔkɛn mǒ, kě I dɛ̌a I je, “Ně Jǔ Ě noɛɛ nee mǒ Nɔ̀à. Ně plɔ bloo Ɔ kɛn chɔɔ.”

Lǔkù 1:35

È najiǒpòiǒ ɔ tùa ɔ kɛ̀ɛn ɔ je, “Ngmà Je Ne Sùsu Nɛ̀ miěè mǒ diba, Ja Tmɔ Nyesoaa kbě miěè mǒ be. Tèǒ nì kɔn tè ngmà je ne Jijlǎeǒ mìi kɔnma u mi Ɔ Nyesoaa Jǔ daeba.

Jɔ̀ɔ̌n 1:14

Win beaě tùonyu tǔn wlòmo Ɔ̌ nea nɔ ä slè klě tǐ gbei wlòmo. Tà Ɔ neěa jèɔ ämoo slè, ä jěa Ɔɔ tè jǐ boaboǎ ɛ̈ Ɔ kɔnaa wòje Ɔɔ Gbeǐ Nyesoaa Jǔu do. Ɔ kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ plě Ɔ̌ tmɛɛ̌ ä kàan dɛ.

Jɔ̀ɔ̌n 1:49

È kě Nataniɔ̌ dɛ̌a Ɔ je ɔ je, “Tee Nyu, Mòà Mò moo Nyesoaa Jǔ plě Mò moo Ǐsòwɛ̌ kwɛɛn Klɔ̀ba!”

Jɔ̀ɔ̌n 10:36

kɛɛ tà Nyesoa sà Mǒo Ɔ̈ dbo Mǒo kělɔ kmɔ̌ɔ mɔ̀ kělɔ a mɔ̀, a tmɛɛ̌ Mǒ ɛ̈ moo tà Ě je Ě moo Ɔɔ Jǔ, Ě pe Ɔ wan fla.

Jɔ̀ɔ̌n 3:16

È nè wan gbà dɛǒ ɛɛ kɛ̀ɛn tùtuɛ nɛ̀ moo Nyesoa noɛɛ kmɔ̌ɔ nyopòà mǒ no chɔɔ dɔ̌, tèǒ nì kɔn tè Ɔ nyee Ɔɔ Jǔu do keǒ Bɔ moo äa kpni kukwǐi chɔ̀no ɛ̈ di ɛɛ numa nyu wùɛ ɔ̈ mi Ɔɔ tè kàan tè poba ɔɔ̌ di kǒ, kɛɛ ɔ miǎ kmɔ̌ sie fònfno kɔn.

Jɔ̀ɔ̌n 3:18

Nyu wùɛ ɔ̈ mi Ɔɔ tè kàan tè poba ɔ se tè jɛɛa kɔn, kɛɛ nyu wùɛ ɔ̈ se Ɔɔ tè kàan tè po tè jɛɛa nɛ̀ neǒ ɔ kɛn ɛ̌ wɛ̀ mɔ̀le. Mɛ̌oǒ joo nɛ̀ moo ɔɔ̌ po Nyesoaa Jǔu doo tè kàan tè.

Jɔ̀ɔ̌n 5:25

Kàan tè Ě tmɛɛ̌ amo, tǐ diě le plě i nyni ni ɛ̌ wɛ̀ mɔ̀le, tà nyopòǒ se Mǒo ji u mi Něe win wɔ̌nma Ě mi nuu daba, uu nyopòǒ mi Mǒo nɔkǔ jebo poba u mi kmɔ̌ sie fònfno kɔnma.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 16:14

Nynoǒ peaa nɔkǔ bo u nyuu doo nynɛ̌ mooa Ledèa. Ɔ sɛ̀a Nyesoaa wɛ̀ plě ɔ̌ mooa manǐwlù dalee pɛlě po nyu, ɔ sɔnaě mǒ dě fòɛǒ moo Taetawlà kɛn. Koɔn knana ɔɔ wlò je keǒ bɔ poa tèǒ Pɔ̀ɔ̌ boɛaa kàan tè.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:36

Tà u keaa je tèe le u keaa mi kaǒ, è nùǒ wǒaǒ ně wien. È kě nyefòɛǒ ɔ dɛ̌a Felɔ̌ je ɔ je, “Tanà le, deě dɛ tɛ̀ɛ siǐ jè kɛǒ ɛ̈ kɔn tè Ě se je blɛɛ le boǒ poo ně dlǒ le?”

Wlǔmɔ 1:4

Kɛɛ klě Ɔɔ sùsu mǒ ɛ tee ɛ sɛje ɛ̈ moo Nɔ̀ moo Nyesoaa Jǔ klě kpě kɛne tǔn wlòmo Ɔ̌ dǔa Ɔ jemǒ Ɔ̌ sàlaě Ɔ kǒla mǒ. Nɔ̀ moo Jùsu Tentǎn Jǔ Ɔ̈ moo äa Koɔn

Wlǔmɔ 8:32

Bɛ̌ nu Bɔ̌ sea Ɔɔ chɛ̀ɛ Jǔ son kɛn bo mǎ, kɛɛ Bɔ̌ nyea Ɔ ämo Bɔ̌ kǒa keǒ äa wùɛ mɔ̀, è ke a je Ɔ slě wɔ̀ Bɔ poǒ kɛ Ɔ klee ämoo sɔ̌n ngmna mɔ̀ keǒ noǎ wùɛ Ɔ kɔnʼɔ mɔ̀?

Wlɛ̀velesɔ̌n 1:11

kě i dɛ̌a i je, “Chlě dɛǒ jèe klě chněedɛ̌ wlòmo mì ɛ dbo klě Tentǎn Jǔu wǎnʼa tàkpɛ̌ɛ nyiɛtaǒ mɔ̀ ü neěe deě fòeà monoo Ɛfèse kɛn klee Smanà klee Pɔkemɔ̀ klee Taetawlà klee Sɔdè klee Feledɛfìa plě klee Lodisìa!”

Wlɛ̀velesɔ̌n 2:1

È Jùsu kpɛɛa Ɔɔ win nya Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛ moo Ɛfèse wlòmo, kě bò dǎ ɔ je u je, ‘Winʼà i sɔnʼě mɔ̀ mǒ Nyuǒ blěe jɔtnèe nyiɛtaǒ kwa klě Ɔɔ dilǎ son mǒ klee Ɔ̈ nɛɛ le klě klò nǎpea tii nyiɛtaǒ slè.

Wlɛ̀velesɔ̌n 2:24

Kɛɛ tèà nì Ě boɛ aa wùɛǒ je ü neěe Taetawlà üǔ blěǒo Jesèbɛɛ teea mɔ̀ kwa klee ü see dɛ u dɛɛ Setɛ̀nʼɛ je wɛ̌ dɛ ji, Ě see kɛ̀ a dɛ tɛ̀ɛ nyema mu keǒ ba nu,