Wlɛ̀velesɔ̌n 2:16 - Nyesoaa Kuo Win Jajle

¹⁶ A kɔn ba bitǐ aa wlè bo, nɛ̀ bǎ se nu, Ě miě a mɔ̀ diba pase Ě mǐ pan nu ɛ̈ sonwɛ Mǒo wan mǒ Ě mǐ a mɔ̀ wɔ̀n.’

Wlɛ̀velesɔ̌n 2:16 ပူးပေါင်းရင်းမြစ်များ

Ifisiɛ̌n 6:17

Keǒ tabɔ̀poi nii ɔ̌ tuu to gbàkla dlǒ, kě ba nu a kɔn wowa dɛ keǒ aa kpni kukwǐ mɔ̀. A kɔn Ngmà Je Ne Sùsuǒ Ɛ̈ monoo Nyesoaa win a mǐ dɛ kukǔ je wɔ̀n wòje keà tabɔ̀poi blěe pan.

2 Tɛseloniǎ 2:8

È nyuǒ ɔ̈ɔ̌ tùǒo teteǎ Nyesoa miǎ ɔ pepě mǒ poba. Äa Koɔn Jùsuu winʼǒ Ɔ miǎa boɔba nì miǎ ɔ dbǎba klee bɛ̌ nu Ɔmo Koɔn Bɔ̌ diǎ le, Ɔɔ tùɔn kɛn neneɛ nɛ̀ miǎ ɔ gbè sùeba.

Wlɛ̀velesɔ̌n 1:16

Ɔ blěa kwa jɔtnèe nyiɛta klě Ɔɔ dilǎ son mɔ̀ plě panʼà wɛ̌nʼɛ ɛ̈ kɔnʼɔ jǐi sɔ̌n ɛ̌ sonwɛaě Ɔ wan mǒ. Ɔɔ jigbà wnea wòje keà wɛn wulee blǒ mǒ ɛ fɛnʼɛ.

Wlɛ̀velesɔ̌n 16:9

Tà kpě kɛne naa funfǔ keaa nyopòǒ le fɛɛn ne, u pea Nyesoaa nynɛ̌ fla wan Ɔ̈ kɔnaa nyopòo dɛ wan le pae noǎ win kwa, kaǒ uǔ sòa bu bitǐa uu wlè bo u mǐa Ɔ tè jǐ boaboǎ nye.

Wlɛ̀velesɔ̌n 19:15

Wonwɛ̌n pan nɛ̀ sɔnaě Ɔ wan mǒ ɛ̈ Ɔ miaa numa Ɔ mǐaa dakwɛ̌ wan du. Ɔ mi u win kwa kɔnma klě kpě kɛne tǔn wlòmo. Ɔ mi nmɔɔ tòuǒ duba ɛ̈ moo Nyesoaa kpě kɛne jlo.

Wlɛ̀velesɔ̌n 19:21

Uu wùɛǒ siaǒo panʼǒ nɛ̀ dbǎla u ɛ̈ sɔnaěe sòkoo kɛn nae Nyuǒ wan mǒ, è noe wùɛ dia uu fěǒ ii kwliǎ jǐaě le.

Wlɛ̀velesɔ̌n 2:12

Jùsu kpɛɛa Ɔɔ win nya kě Ɔ dɛ̌a Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Pakemɔ̀ kɛn, kě bò dǎ ɔ je u je, ‘Tuposàà nɛ̀ sɔnʼě Nyuà mɔ̀ mǒ Ɔ̈ kɔnʼɔ wonwɛ̌n pan ɛ̈ kɔnʼɔ jǐi sɔ̌n.

Wlɛ̀velesɔ̌n 2:5

Bi beě a wlòmo tà a nynanaǒo bo plě ǎ keaǒo kplɛɛ le. È ba bitǐ aa wlè bo a mǐ noǎǒ a niaa klekle nu. Bɛ̌ nu bǎ se aa wlè bo bitǐ, Ě miě diba Ě miě aa nǎpe tuǒ klě ɛɛ tùɔn kɛn sà ɛ̈ ɛ neǒo kɛn.

Wlɛ̀velesɔ̌n 22:20

Jùsuà te imo noǎà ämo je, kě Ɔ dǎ Ɔ je, “Sɛjesɛ, Ě miě diba pase!” Koɔn Jùsu diě, kě bɛ ne.

Wlɛ̀velesɔ̌n 22:7

Jùsu je, “A tanàle, Ě miě diba pase! Nyopòà poo wnɔsà winʼà neɔɔ chněedɛ̌ɔ wlòmo ii tè kàan tè, u kɔn ngmna.”

Wlɛ̀velesɔ̌n 3:19

Nyopòà Ě noɛɛ nee mǒ nù Ě peě snǔ mɔ̀le plě Ě sɛ̀ě le. Tèǒ nì kɔn tè a sɛ̀n ɛ nynɛ̌, a bitǐ aa wlè bo.