Wlɛ̀velesɔ̌n 2:14 - Nyesoaa Kuo Win Jajle

¹⁴ Kɛɛ Ě kɔn mòngmɛ noǎa ï moo kɔɔ̌ dɛ keǒ a jleě mǒ. A kɔn nyopòo tìe neě amoo slè ü blěǒo Belìanʼa teea mɔ̀ kwa ɔ̈ teeaa Belɛ̀ ke bɔ nuaa Ǐsòwɛ̌ kwɛɛn nunuɛ u mǐaa kpni kukwǐ nu keǒ bu dia digbaǐà u sàea nǔkpuǐ bɔ̀ je klee bu nea se wòn mɔ̀ɔ wɛ̀ kmɔ̌.

Wlɛ̀velesɔ̌n 2:14 ပူးပေါင်းရင်းမြစ်များ

Matiɔ̌n 18:7

Chlǒ keǒ kmɔ̌ mɔ̀ keǒ noǎ fòfoaà ï neɔ ɛɛ mɔ̀ ii tè mɔ̀ ï peěe tùonyopo tè wlawlǎ slè. Ɛ wɛɛnʼǒ le keǒ měne tèntɛn bɛ diě, kɛɛ chlǒ keǒ nyopòà mɔ̀ ü kɔn mǒ měne tèntɛnʼǒ ɛ diiěe.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:29

aǎ di nmià u sàe lee nǔkpuɔ̌ bɔ̀ je klee nymɔ klee nmià u cheanʼa doe le ɔ̈ kǒo. È aǎ ne gblà kmɔ̌. Bɛ̌ nu noǎ wùɛà ä sèsle wan le bǎ tùǒ i bo, è a mi kàan dɛ numa, ii tè ä kpa a wluò.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 21:25

È keǒ kuodakwɛ̌ mɔ̀ ü moo Tentǎn Jǔu wǎn, ä chleěa u chněedɛ̌ mɔ̀ ɛ̈ ä chlàlaa ɛ̈ tmɛɛ̌ uu ɛ̈ moo buǔ di nymɔ klee nmià u sàe lee nǔkpuǐ bɔ̀ je klee nmià u cheanʼa doe le ɔ kǒo, è buǔ ne gblà kmɔ̌.”

Wlǔmɔ 11:9

È dɛ klɔ̀ba Dèběsee chɛ̀ boɔlaa nɛ̀à ɔ je, “Nɛ bo u chɛ̀ɛ ngmna bɛ moo chlǒ keǒ u mɔ̀ u mǐ wɔ̀ɔn le be u mǐ plɔɔ tu kɛn bo maěaǒ blɛɛ uu je jě.

Wlǔmɔ 14:13

Tèǒ nì kɔn tè a nɛ bä bɔ̌ tè jejɛɛa, kɛɛ a po ɛ ble keǒ baǎ ni dɛ tɛ̀ɛ ɛ̈ a jii ɛ̈ mi aa mamǔ numa ɔ miěe kpni kukwǐ slè be.

Wlǔmɔ 14:21

Ɛ miǒ le wɛɛnma bò nè di nmi, bò nè nɛ̌ nmɔ plě nè ni dɛ tɛ̀ɛ ɛ̈ mii nyu tɔ̀ɔ wɔ̀ɔn poba klě kpni kukwǐ slè plě ɛ̈ mi ɔɔ tè wlò popoɛ kbě ja le wɔ̀ba.

Wlǔmɔ 9:32

Mɛ kɔɔ̌n kɛ tè u seǒo jebo siǐn ni? Dɛ nu ɛɛ nɛ̀ moo u pɛ̀n jebo siǐan le klě dɛ u nii mǒ ɛ̈ se bu kɔn tè wlò popoɛ. Dɛǒ nɛ̀ kɔn wlòmo klě u bòoě bojoɛɛ keǒ Seɔ̌ jleě mǒ Ɛ̈ moo Tentǎn Jǔ

1 Kwnɛtiɛ̌ 1:23

kɛɛ ä boɛɛ kɛn Tentǎn Jǔu tè Ɔ̈ kɔɔaǒo pète bɛ̌ tu jleě. Jùwɛ nyo mǎ tuposàǒ ɛɛ snǔ nu plě kuodakwɛ̌ jě lɛ ɛ̈ moo ɛ moo plɔɔ kokǒ dɛ,

1 Kwnɛtiɛ̌ 7:2

Kɛɛ kě Ě dɛ̌ a je ɛ̈ moo, keǒ ba mǐ gblà kmɔ̌ mɔ̀ tmɔɔ no, jbɛju wùɛ blɛɛ je bɔ kɔn ɔɔ chɛ̀ɛ nynɔ plě nynɔ wùɛ blɛɛ je bɔ kɔn ɔɔ chɛ̀ɛ jbe.

Hiblǔ 13:4

Nyu wùɛ bɔ kɔnʼǒ tintiɛ̌n bo tùtuɛ, è nynɔ klee jbe bu kunkuu wlò je. Mɛ̌oǒ joo nɛ̀ moo Nyesoa miǎ nyopòǒ se wòn mɔ̀ɔ wɛ̀ kmɔ̌ neěe ja klee nyopòà nii wlawle uu plɔ tu kɛn bo maěma.

1 Pitɛ̌ 2:8

È kě Nyesoaa win dɛ̌ de i je, “Ɛmo Tiblěǒ Nɛ̀ nyopòo tìe mi bòba, è Nɛ̀ mi u wɔ̀ɔn le poba.” (Is 8.14) U se Nyesoaa win kàan tè po, ii tè u bò bojoɛɛ. Dɛǒ nɛ̀ moo Nyesoaa ble po dɛ keǒ u mɔ̀.

2 Pitɛ̌ 2:15

U sɔnʼǒ mǒ slɛɛ̌ snǔ mɔ̀ mǒ ǔ nɛ dɛ kukǔ de wòje dɛǒ Belìan nuaa ɔ̈ mooa Beɔ̀ɔ jbɛjuju seela tǐ jleě ɔ̈ noɛɛa wlě mǒ ï bɔ̌ nuaa dɛ kukǔ u mia nɔɔ nyema.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:11

Nyesoa miě uu plɔ tu kɛn bo maěma. Mɛ̌oǒ joo nɛ̀ moo uu kmɔ̌ǒ u nee ɛ wǒ je kmɔ̌ Keèn neaa. U kpa chìnchin keǒ bu nu kenkan dɛɛ doǒ Belìan nuaa keǒ bɔ mǐaa wlě fòfoa jě. U sɛ̀ɛǒ Nyesoaa tè le wòje dɛǒ Kowlà nuaa, è u mi gbè sùeba klě tǔnʼu doǒ wlòmo.

Wlɛ̀velesɔ̌n 2:20

Kɛɛ kɔɔ̌ dɛà nɛ̀ Ě kɔn keǒ a jleě mǒ, a sɔnʼǒ kpnii jǐlenymi nynɔǒ moo Jesèbɛ mɔ̀ mǒ ɔ̈ dɛɛ ɔɔ chɛ̀ Nyesoaa wnɔsàɔ ɔ̌ tee le ɔ̌ gbee Ně na wien po nyebajle klee nynejlu mǒ keǒ bu nu se wòn mɔ̀ɔ wɛ̀ noǎ klee bu di digbaǐà u sàe lee nǔkpuǐ bɔ̀ je.

Wlɛ̀velesɔ̌n 2:4

Kɛɛ kɔɔ̌ dɛ nɛ̀ Ě jěǒ a jleě mǒ, keǒ a nua Mǒo mǒ noɛɛa klekle, a see kɛ̀ Boǒ mǒ noɛɛa nu.

Wlɛ̀velesɔ̌n 21:8

Kɛɛ nyopòà kɔnʼɔ fano klee nyopòà moo nyu bo demǒ sà nyo klee ü kmɔ̌ sòan neěe ja klee mnùngma po nyo klee se wòn mɔ̀ɔ wɛ̀ kmɔ̌ nyo klee sàlesa nu nyo klee nǔkpuǐi wɛ̀ sà nyo plě klee sen le tmɔ̌ nyo wùɛ u miǎ u blěe wakǎ kɔnma klě wnewne seɛ̌ɛ na wulǒ mǒ ɛ̈ moo sɔ̌n nenɛ kokoɛ̌.”

Wlɛ̀velesɔ̌n 22:15

Nyopòǒ slě dě fòɛǒ wlòmo ne u moo gbùo klee sàlesa nu nyo klee se wòn mɔ̀ɔ wɛ̀ kmɔ̌ nu nyo klee mnùngma po nyo klee nǔkpuǐi wɛ̀ sà nyo klee nyopò wùɛà noɛɛ ɛɛ mǒ bü boo loo nyopò tùu mǒ.