Wlɛ̀velesɔ̌n 2:10 - Nyesoaa Kuo Win Jajle

¹⁰ Noǎǒ diěe ï kɔn sònwɛ a mii jěba, aǎ pe ii fano. A tanàle, kǔ wɛ̀ le mɔ̀ keǒ bɔ po aa tìe wùlo le ɛ̈ di ɛɛ numa u mǐ a měne tɛ̀n a mǐ sònwɛ jě klě chnɛ̀ jlǒ wěe pù wlòmo. Baǎje bǎ ke kǒba mii chɛ̀, a kɔn wlò kpaea klěě mǒ, è Mǒà Mǒ mi a kmɔ̌ sie fònfnoo snǒ sàba.’

Wlɛ̀velesɔ̌n 2:10 ပူးပေါင်းရင်းမြစ်များ

Matiɔ̌n 10:22

plě nyopò wùɛ miǎ a faenma keǒ Ně tè mɔ̀, kɛɛ nyopòà ü miǎ tè wlò popoɛ kɔnma ü miǎ lěe tǐ jakěǒ wlòmo tìe bɛɛ̌ba nù miǎ waba klě uu kpni kukwǐi plɔɔ tu kɛn bo maěa bobo.

Matiɔ̌n 10:28

Aǎ pe nyopòà ü dbɛ̌ɛ blǒ fǒ uu fano, kɛɛ ü slě wɔ̀ bü dbǎ aa sùsu. Ɛ̀ sìnʼǒ Nyuu do kɔn fano ba pee Nɔ̀ moo Nyesoa Ɔ̈ wɔ̀le je Bɔ̈ sùe aa blǒ fǒ klee sùsu gbè klě na slè.

Matiɔ̌n 24:13

Kɛɛ nyopòà ü miǎa tè wlò popoɛ kɔnma ü miǎ lěe tǐ jakěǒ wlòmo tìe bɛɛ̌ba nù miǎ waba klě uu kpni kukwǐi plɔɔ tu kɛn bo maěa bobo.

Mǎkè 13:13

Nyopò wùɛ miǎ a feanma keǒ Ně tè mɔ̀, kɛɛ nyopòà ü miǎ tè wlò popoɛ kɔnma ü miǎ lěe tǐ jakěǒ wlòmo tìe bɛɛ̌ba nù miǎ waba klě uu kpni kukwǐi plɔɔ tu kɛn bo maěa bobo.”

Mǎkè 8:35

È bɛ̌ nu nyu wùɛ ɔ̈ɔ̌ jlǎ bɔ̈ na Mǒo de ɛ̈ di ɛɛ numa ɔɔ̌ di ɔɔ fònfno mǎ, ɔ mi kmɔ̌ sie fònfno mǎma, kɛɛ nyuà ɔ̈ mi ɔɔ fònfno mǎma keǒ Ně tè mɔ̀ klee keǒ Nyesoaa kàan tuposàà ɛɛ tè mɔ̀, ɔ miǎ kmɔ̌ sie fònfno kɔnma.

Lǔkù 21:12

Plě imo noǎ wùɛǒ i miǎ tùɔn kpa, nyopò miǎ a kmema u miǎ aa tè mɔ̀ tè. U miǎě a Nyesoa keǐi nyefòapo mɔ̀ kpaba u miǎ a tè mɔ̀ tù, u miǎ a wùlo le po plě u miǎǒ a klɔ̀bapoo klee blǒo je si nyo jemǒ kpa keǒ tà a nɛ Mǒo de ɛɛ tè mɔ̀.

Jɔ̀ɔ̌n 12:25

Dɛɛ doǒ nɛ̀ ɛ mono, nyu wùɛ ɔ̈ noɛɛ ɔɔ fònfno mǒ ii tè ɔ̈ se Něe tè kàan tè po, ɔ mi fònfnoǒ mǎma. È nyuǒ mi Mǒo mǒ noɛɛma ɛ miǒ ɔɔ fònfnoo tè mǒ sìn kělɔ kmɔ̌ɔ mɔ̀, nɔ̀ miǎ kmɔ̌ sie fònfno kɔnma.

Jɔ̀ɔ̌n 13:2

Ɛ nua wìti noǎ le di tǐ, è kǔ poaě ɛ Jùdǎse dlǒ wlòmo ɛ̌ wɛ̀a mɔ̀le ɔ̈ moo Saemɔ̌ Esekalìaa jbɛju keǒ bɔ sàlaě Jùsu bo demǒ.

Jɔ̀ɔ̌n 13:27

Tǐi doo tǐ jleě tà Jùdǎse dia ɛmoo flɔ̌ɔǒ, Setɛ̀n ɔ̈ monoo kǔ sìsii klɔ̀ba nɔ̀ beaě ɔ ja. È kě Jùsu dɛ̌a ɔ je Ɔ je, “Nu jǐ měne, nu dɛǒ kɔ̀nʼɔ nunuɛ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:24

Kɛɛ ke ɛ mii jleě mǒ bo tonma, bɛ̌ nu boǒ wɔ̀le je boǒ wɔ̀ ně konkwa mɔ̀ ɛ̈ Koɔn Nyesoa nye mǒo keǒ bo po Ɔɔ kàan tuposàà ɛ̈ kwɛɛǒo Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ jleě mǒ bo keǒ tùonyopo wùɛ mɔ̀, mǒà Ě se ně chɛ̀ɛ fònfno dɛ mǒ jě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 21:13

Kɛɛ kě Pɔ̀ɔ̌ nia ä wan gbògba ɔ je, “Mɛ kɔɔ̌n tè a fìǐn kɛ plě a ni něe wlò ɛ gbɛ̀ɛ̌ ja? Ě wɛ̀ le mɔ̀ Ě mǐ pìin ni klě Jlǔsnɛ, ɛ se ɛɛ doǒ, Ě wɛ̀ le mɔ̀ bo kǒo chɛ̀ keǒ Koɔn Jùsuu tè mɔ̀!”

1 Kwnɛtiɛ̌ 9:25

Nyu wùɛ ɔ̈ monoo jǎgbàiple ɔ peě kbě ɔ̌ chěn gbàe wònwɔn ɛ̈ di ɛɛ numa ɔ mǐ duduɛ kɔn. Bɛ̌ nu bɔ̌ du u nye ɔ dudu flɛ̌ ɛ̈ see wlɛ̀ɛba mu, kɛɛ ämoà dɛ ä wɛ̀ɛn nee kɛn nɛ̀ moo duduɛ ɛ̈ see bo wèwɛ kɔn.

Ifisiɛ̌n 2:2

Klě tǐǒ wlòmo kpni kukwǐà neɔɔ kmɔ̌ɔ mɔ̀ nì a neea kmɔ̌ ǎ tùiaǒ sùsuu win ɔ̈ moo sìsi kukwǐà nea lěe jɔ mǒ ii win kwa kɔn sùsu, ɔɔ doǒ nɔ̀ kɔn nyopòà seǒo Nyesoa bo tùtuɛ kɔn win kwa.

Ifisiɛ̌n 6:12

Bi beě a wlòmo ɛ̈ moo ä se tùonyopo mɔ̀ wɔ̀n, kɛɛ ä wɛ̀n mɔ̀ kpni kukwǐ nae nyo klee klɔ̀bapoo klee sìsi kukwǐ ï neěe jɔ mǒ.

Jìmǐse 1:12

È nyuà ɔ̈ nynɛɛ měne tèntɛn jebo ɔɔ plɔ ble le. Mɛ̌oǒ joo nɛ̀ moo Nyesoa bɔ̌ poo ɔ kòo kɛn ɛ̈ moo ɔ wɔ̀le tè, Ɔ mi ɔ duduɛɛ gbàkla nyema ɛ̈ moo kmɔ̌ sie fònfno ɛ̈ Ɔ peeěe nyopòà ü noɛɛ Ɔɔ mǒ.

1 Pitɛ̌ 5:4

È bɛ̌ nu Tentǎn Jǔ Ɔ̈ moo Jǐ Mɔ̀ Tùɔ̌ fòɛ Bɔ̌ diǎ lě, Ɔ miǎ a tè jǐ boaboǎ nyema ɛ̈ mooǎ snǒ sàe dɛ ɛ̈ see sìnsiɛn kɔn.

1 Pitɛ̌ 5:8

A wlǎě wlò bo, kɛɛ a gbɛ̀ɛ le. Mɛ̌oǒ joo nɛ̀ moo aa jlae nyuà monoo kǔ ɔ wǒ je jejǎ sà ɔ̈ ngmìi le ɔ̈ pɛ̀nʼɛ nyu le ɔ mǐi di.

Wlɛ̀velesɔ̌n 13:14

Nɔ̀ booa nyopò wùɛ ü nea nɔɔ blǒɔ mɔ̀ keǒ ɔɔ wlòlekaen noǎ ɔ niaa mɔ̀ ï u sɔnaǒ ɔɔ mɔ̀ mǒ bɔ nuaa keǒ klekle nmiǒ pènmo. Ɔ tmɔɔ̌a nu bu nua klekle nmiǒ ɔɔ sùsu tu bɛ nynanaǒ ɔ pènmo bo keǒ ɔɔ tùtuɛ mɔ̀ ɔ̈ u nuaa pan u tbalaa dɛ, kɛɛ ɔ̈ neěa jèe kmɔ̌.

Wlɛ̀velesɔ̌n 13:2

Nmiǒ Ě jěaa ɔ wǒa chì. Ɔɔ be wǒa kòkǒwɛ̀ɛ be plě ɔɔ wun wǒa sàa wun. Dɔsmɛǒ ɔɔ kpě ɔ kɔnaa nì ɔ nyea nmiǒ klee ɔɔ klɔ̀ba gbèsɛɛ klee ɔɔ kbě fòe.

Wlɛ̀velesɔ̌n 13:7

Ɔ sàeaǒ wun mɔ̀ bɔ kpala Nyesoaa nyopò to mɔ̀ bɔ dua lu. Kpě nyeea nɔ keǒ dakwɛ̌ wùɛ mɔ̀ klee nyopò wùɛ klee nyopòà pee dɔ̌ɔdɔ̌ win plě klee blě wùɛ.

Wlɛ̀velesɔ̌n 17:14

U mi Blajǔ to mɔ̀ kpaba Ɔ klee Ɔɔ nyopò Ɔ sà lěe Ɔ daa bü na Ɔɔ de plě ü ma lěe sèn bo keǒ Ɔ mɔ̀. U mi nyopòǒ duba. Mɛ̌oǒ joo nɛ̀ moo Blajǔǒ Nɔ̀ moo koɔnpòo Koɔn plě Nɔ̀ moo klɔ̀bapoo Klɔ̀ba.”

Wlɛ̀velesɔ̌n 2:13

Ě ji tà a neǒo no, tàa teěnʼǒ Setɛ̀nʼɛ klɔ̀ba gbèsɛɛ neǒo keǒ a neǒ. Kɛɛ kaǒ a kɔn wlò kpaea klěě mǒ. Ɛntèpa ɔ̈ mooa Ně sàsepoi ɔ kɔna wlò kpaea klěě mǒ. Tà ɔ nua Něe konkwa klě aa diě wlòmo, tàà Setɛ̀n tǐnʼěe, u dbǎla ɔ lo, kɛɛ aa tè wlò popoɛ a kɔnʼɔ klěě mǒ a sea ɛ mǎ.

Wlɛ̀velesɔ̌n 2:9

Ě ji ɛle ɛ̈ moo a jě sònwɛ plě sònwɛ ni amo, kɛɛ a pàn ne klě wakǎ tɛ̀ɛ wlòmo. Ě ji ɛle ɛ̈ moo nyopòǒ dɛ uu chɛ̀ Jùwɛ nyo, kɛɛ ü moo Setɛ̀nʼɛ nyopò ɔ̈ moo kǔ sìsii klɔ̀ba, noǎǒ kɔn tè u wǒ amoo le i moo sen.