Wlɛ̀velesɔ̌n 19:8 - Nyesoaa Kuo Win Jajle

⁸ Jǐlenmɔ daleà wneaa klee ï plɛ̌aa nì nyeea tǐnma nynɔǒ bɔ poa měne.” Daleǒ i nynanaǒ pènmo bo jebo siǐn noǎà Nyesoaa nyopò nuaa.

Wlɛ̀velesɔ̌n 19:8 ပူးပေါင်းရင်းမြစ်များ

Matiɔ̌n 17:2

Ɔ̌ sàea keǒ u jemǒ, Ɔɔ jigbà wnea wòje wɛn, è Ɔɔ dale plɛ̌a pɔpɔ wòje wɛnʼɛ pepě.

Matiɔ̌n 22:12

Ɔ gbàla ɔ wan ɔ je, ‘Bě, è ke nùǔ kɛɔ bììɔ slè didiɛ è seě tǐnma mu wlawlǒ mǒ po?’ Kɛɛ jbɛjuǒ ɔ sea win kɔn ɔ mia nɔɔ kɛ̀ɛn tù.

Mǎkè 9:3

È Ɔɔ dalee plɛplɛ̌ keklɛ̌a uu jǐ. Nyu wùɛ nɔ̀ seɔ kmɔ̌ɔ mɔ̀ nee chɛ̀ ɔ̈ wɔ̀le je bɔ jlaa dalo ɛɛ plɛplɛ̌ bɛ jɛɛ Ɔɔ daleǒ ii plɛplɛ̌ kɛn.

Lǔkù 24:4

Tà u nynanaǒo bǐtìeǒ wien bo feanfeǒ kea uu ni, è keà nyu kɛpǒo jǐ u jěa jbɛjluu sɔ̌n ü nynanaǒ uu wakǎ mǒ bo, uu daleà u peaa fǒ měne i plɛ̌a pɔpɔ wòje tɛ̀nʼɛ pepě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:10

È nùǒ suuu ü chèěa jè lě jɔ mǒ bo klě tàě Jùsu muua lěe. Keà nyu kɛpǒo jǐ tàii sɔ̌n ü peaa wlawlě plǐ měne nù nynanaǒ u gbàa bo,

Wlǔmɔ 13:14

kɛɛ dɛ ba nuu nɛ̀ moo a poě aa chɛ̀ Koɔn Jùsu Tentǎn Jǔ kwete mǒ, a bɔ̌ dɛ kukǔu dlǒ le sìɛnsiɛn tǐ wùɛ mɔ̀.

Wlǔmɔ 3:22

Nyesoaa jebo siǐan keǒ ä mɔ̀ ɛ diiě äa tè wlò popoɛ mǒ ɛ̈ ä kɔnʼɔ klě Jùsu Tentǎn Jǔ mǒ. Ɛ neǒ no keǒ nyu wùɛ mɔ̀ ɔ̈ po lii kàan tè. Mɔ̀le bebɛ̌ seǒ Jùwɛ nyo klee kuodakwɛ̌ pǎnpe ne.

Wlɛ̀velesɔ̌n 15:4

Koɔnʼò, Nè do Mò ne ngmà je, ii tè nyu wùɛ miì dɛ mǒ jěba ɔ mǐ Nè nynɛ̌ le bìse. Nè jebo siǐan be mǒ pepě, ii tè dakɔ̌ wùɛ miě diba u mǐ Nè wɛ̀ sà!”

Wlɛ̀velesɔ̌n 15:6

è najiǒpòo nyiɛta nùǒ pěa ǔ blěa nyopò dɛ wan le pae noǎa nyiɛtaǒ klee ǔ pea dale plǐ měne plě klòo jlǐ papɔ̌ bɛɛ̌aě u kekeě jleě tìe le.

Wlɛ̀velesɔ̌n 19:14

Tabɔ̀ǒ neěe jɔkɛn nù nɛa Ɔ de keǒ sòkwe plǐ kɛn. U pea měne wlawlě plǐà wɛ̀aa mnǒ le.

Wlɛ̀velesɔ̌n 3:18

Ě pe a mǒ tɔ̀n keǒ ba tɔ̀n kàan kpankpaa klò kělɔɔ̌ mɔ̀ ɛ̈ di ɛɛ numa a mǐ pàn. A tɔ̀n wlawlě plǐ ke a mǐ i měne po, a mǐ aa gblàgblo popoɛɛ tònwe kmɔ̌ǒ kɛn kan klee jǐi chlì a mǐ jǐ mǒ po ɛ̈ di ɛɛ numa a miě ɛ wɔ̀ keǒ ba jě le.