Wlɛ̀velesɔ̌n 19:7 - Nyesoaa Kuo Win Jajle

⁷ A nɛ bä nu chǒn le plě äa plɔ bɛ blo klee bä nyeǒ Ɔ tè jǐ boaboǎ. Mɛ̌oǒ joo nɛ̀ moo ɛ nu tǐ keǒ Blajǔu blě popa mɔ̀ plě Ɔɔ tǐnma nynɔ wɛ̀ mɔ̀le keǒ Ɔ mɔ̀.

Wlɛ̀velesɔ̌n 19:7 ပူးပေါင်းရင်းမြစ်များ

Matiɔ̌n 1:20

Tà ɔmoǒ ɔ keaa dɛǒ dlǒ mɔ̀le sìɛn ne, è Koɔn Nyesoaa najiǒpòi nɔ̀ jǎla ɔ dlǒ mɔ̀ klě jajie mǒ ɔ je, “Jòsɛ̌fo, mòà kɔn lěe klɔ̀ba Dèběsee jlǔu jlǔ slè, bɔ̌ fano pepeɛ keǒ bò kɔn Mɛwlě nynɔ mǒ. Kwlěǒ ɔ ne mǒo ɛ moo Ngmà Je Ne Sùsuu nunu dɛ.

Matiɔ̌n 22:2

“Nyesoaa win kwa konkɔn wǒ je keà klɔ̀ba wɛ̀ɛ blě pa digbaǐ mɔ̀le keǒ ɔɔ jbɛjuju mɔ̀,

Lǔkù 12:36

wòje keà nyopò fe uu chì kpa ämo kɛn mǒ bɔ̌ sɔnʼɔ tǐnma mumuɛ de ngmnengmnɛ̌ kɛn mǒ bɔ̌ dii de, bɔ̌ bee chnu, tǐi doo tǐ jleě ǔ knɛ nɔɔ je.

Jɔ̀ɔ̌n 3:29

Nynejajloǒ ɔ kɔnʼǒ ɔɔ jbe mɔ̀, è jbeǒ ɔɔ nenawai nynaǒ u gbàa bo ɔ̌ pe ɔɔ win nɔkǔ jebo, è ɔɔ plɔ ble le bɔ̌ ke ɔɔ win wɛ̌n. Dɛɛ doǒ nɛ̀ ɛ mono, mǒà ně plɔ blo lo klě tǐà wlòmo. Mɛ̌oǒ joo nɛ̀ moo Ě ji ɛle Nɔ̀ moo Nyesoaa Tentǎn Jǔ.

2 Kwnɛtiɛ̌ 11:2

Ě kɔn chea keǒ a mɔ̀ wòje keǒ Nyesoa nuu. Ě jlɛ̌ ba nye aa chɛ̀ Tentǎn Jǔ sosǒ wòje keǒ nynejuà ɔ̈ see jbɛju tè ji ɔ̈ tùiǒ ɔɔ chɛ̀ bo keǒ jbɛjuu do sosǒ mɔ̀ ɔ̈ miǎ nɔɔ tǐn koǔ bo paeba.

Ifisiɛ̌n 5:23

Mɛ̌oǒ joo nɛ̀ moo jbe nɔ̀ kɔn kpě keǒ ɔɔ nynɔ dlǒ mǒ wòje dɛɛ doǒ ɛ mono Tentǎn Jǔ kɔnʼɔ kpě keǒ Ɔɔ wǎn dlǒ mǒ ü moo Ɔɔ chɛ̀ɛ fǒ Ɔ gblàa klě kpni kukwǐi plɔɔ tu kɛn bo maěa bobo.

Ifisiɛ̌n 5:32

Imo winʼǒ noǎ fòfoa neě i wlòmo, kɛɛ Ě je i kwɛǒ jleě mǒ bo Tentǎn Jǔ klee Ɔɔ wǎn

Flepiɛ̌n 3:3

Ämoà ämo sɛje u moo foeě bɛ̌ nyopò. Mɛ kɔɔ̌n tèǒ joo nɛ̀ moo ämo sɛ̀ Nyesoaa wɛ̀ klě Ɔɔ Sùsu mǒ plě ä kun kɛn le Tentǎn Jǔ Jùsuu tè plě äǎ kuun foeě bebɛ̌ wlò je ɛ mǐ ä jebo siǐn nyo mǒ nu.

Wlɛ̀velesɔ̌n 11:13

Klě tǐi doǒ wlòmo, è kpě kɛne blǒ sèkea bea bo, è dě fòɛǒ ɛɛ wakǎ peǎn gbe nɛ̀ wlɛ̀a blǒ mǒ, è nyopòo taslěwɛɛ nyiɛta nù kǒa. Nyopòǒ siaa kmɔ̌, dɛǒ ɛ jaěa uu fě dlǐ, è nùǒ nyea Nyesoa tè jǐ boaboǎ Ɔ̈ kɔnʼɔ jɔkɛn win kwa.

Wlɛ̀velesɔ̌n 19:9

È kě najiǒpòiǒ ɔ dǎlaǎ je ɔ je, “Chlě dɛà ɛ̈ moo, ‘Ngmna keǒ nyopòǒ mɔ̀ ü dae lee Blajǔu tǐnma digbaǐǒ kɛn.’ ” È kě ɔ dɛ̌aǎ je ɔ je, “Noǎ wùɛǒ chlèe nì moo kàan tuposà ɛ̈ sɔn lěe Nyesoa mɔ̀ mǒ.”

Wlɛ̀velesɔ̌n 21:2

Ě jěa ngmà je ne diě ɛ̈ moo Jlǔsnɛ jajlo ɛ̌ sonwɛaě jɔkɛn mǒ klě Nyesoa mɔ̀ ɛ̌ diaɔ wɔ̀ɔn. U wɔ̀a ɛ mɔ̀le wòje keà tǐnma nynɔ pee jǐlenmɔ dale měne ɔ mi ɔɔ jbe je mɔ̀ɔma.

Wlɛ̀velesɔ̌n 21:9

È najiǒpòo nyiɛtaǒ blěaa fuii nyiɛtaǒ ï jǐaa sònwɛ jěe noǎa nyiɛta je nù kɔn nyuu do dia lěě mɔ̀, kě ɔ dǎlaǎ je ɔ je, “Diě, Ě mǐì tǐnma nynɔà tee le ɔ̈ moo Blajǔu nynɔ.”