Wlɛ̀velesɔ̌n 19:14 - Nyesoaa Kuo Win Jajle

¹⁴ Tabɔ̀ǒ neěe jɔkɛn nù nɛa Ɔ de keǒ sòkwe plǐ kɛn. U pea měne wlawlě plǐà wɛ̀aa mnǒ le.

Wlɛ̀velesɔ̌n 19:14 ပူးပေါင်းရင်းမြစ်များ

Matiɔ̌n 21:5

“Tmɔɔ̌ Jlǔsnɛ kwɛɛn bu tanʼǒ le, uu Klɔ̀ba diě le, Ɔ diiě klě ja tìe tǔn wlòmo, Ɔ nɛɛ jakǎsè kɛn, jakǎsèǒ nuu bòto.” (Is 62.11, Zech 9.9)

Matiɔ̌n 26:53

Sè kɛ i ji ɛ̈ moo Mǒà Ě wɔ̀le je Boǒ poě Ně Gbeǐ wun mɔ̀ tǐi doo tǐ jleě Bɔ dbo Ɔɔ najiǒpò fòfoa ü sìnʼi taslěwɛɛ wlèe tan tùo pù (70,000) kɛn kělɔɔ̌ mɔ̀le?

Matiɔ̌n 28:3

Ɔ plɛ̌a pɔpɔ wòje tɛ̀nʼɛ pepě, è ɔɔ daleà neaǒ ɔɔ fǒ mǒ i plɛ̌a wòje fankpɛ̌.

2 Tɛseloniǎ 1:7

Bɛ̌ nu bo Koɔn Jùsu Bɔ̌ wǒǎ tàmo Bɔ̌ sɔnǎě jɔkɛn mǒ, Ɔ klee Ɔɔ kpě kɛne najiǒpò, Nyesoa miǎě a klee ämo sònwɛ jejeɛ̌ǒ slè sàba.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:14

Tà Ɛdɛ̌mo kǒaa, Inɔ̌ke nɔ̀ mooa gbeǐpòo nyiɛta nonɔ ɔ̈ sàla ɛɛ wan keǒ u jleě mǒ, kě ɔ dǎla ɔ je, “A tanà le, Koɔn Nyesoa diě le Ɔ klee Ɔɔ ngmà je ne najiǒpòo taslěwɛ fòfoa

Wlɛ̀velesɔ̌n 14:1

È tà Ě keaǒo le tɛn, Ě jěa Blajǔǒ Ɔ̌ nynana bo keǒ Sàna togbee dlǒ. Nyopòǒ neaǒ Ɔɔ gbàa u nua taslěwɛɛ wlèe nyiɛta tùo hɛ̀n (144,000), u blěa Ɔɔ nynɛ̌ plě u blěa Ɔɔ Gbeǐi nynɛ̌ ɛ̈ chleěaa keǒ uu jigbàa gblee wnana mǒ.

Wlɛ̀velesɔ̌n 14:20

Klě tòuǒ wan klě u duuaě kwlepòǒ klě dě fòɛǒ ɛɛ ngmì demǒ. Nymɔ sɔnaě tòuǒ wan mǒ ɛ̈ chlìaa le, nymɔǒ ɛɛ de chlìchlɛ dɛ ɛ nanaa kɛn ɛ nua patěe taslěwae ne le hɔ̀ndlowɛɛ m̀mɔdo (1600), è ɛɛ mǒ tmɔtmɔ nua bewee m̀m.

Wlɛ̀velesɔ̌n 17:14

U mi Blajǔ to mɔ̀ kpaba Ɔ klee Ɔɔ nyopò Ɔ sà lěe Ɔ daa bü na Ɔɔ de plě ü ma lěe sèn bo keǒ Ɔ mɔ̀. U mi nyopòǒ duba. Mɛ̌oǒ joo nɛ̀ moo Blajǔǒ Nɔ̀ moo koɔnpòo Koɔn plě Nɔ̀ moo klɔ̀bapoo Klɔ̀ba.”

Wlɛ̀velesɔ̌n 19:11

È Ě jěa jɔkɛn ɛ̌ knana je, klě jǐi kapǒ tǐ wlòmo Ě jěa sòko plǔ ɔ̌ sɔnaě jɔkɛn mǒ, Nyuǒ nɛɛa ɔɔ kɛn u dɛɛa Ɔ Tè Wlò Popoɛ klee Kàan Tè. Ɔ tùi nyopò blilǐ mɔ̀ plě tèǒ kɔn tè Ɔ wɛ̀nʼaa to ǐ mooa mǒ slɛɛ̌ tè.

Wlɛ̀velesɔ̌n 19:8

Jǐlenmɔ daleà wneaa klee ï plɛ̌aa nì nyeea tǐnma nynɔǒ bɔ poa měne.” Daleǒ i nynanaǒ pènmo bo jebo siǐn noǎà Nyesoaa nyopò nuaa.

Wlɛ̀velesɔ̌n 3:4

A kɔɔ̌n jè mòngmɛ nyo neě amoo slè ü sěɛ uu kmɔ̌ jǐ le nymii ni. U miǎ lěě mɔ̀ nema u miǎ dale plǐ měne po. Mɛ̌oǒ joo nɛ̀ moo u blɛɛǒ je keǒ bu kɔn kmɔ̌ sie fònfno.

Wlɛ̀velesɔ̌n 4:4

Klɔ̀ba gbèsɛii wlò tùo hɛ̀n tìi nì tbɛɛa Ɔɔ klɔ̀ba gbèsɛɛǒ dǐ. È kunkunyoo wlò tùo hɛ̀n nù nea i kɛn ble ü poaa wlawlě plǐ měne plě ü tùaa klò fleǎ dlǒ le.

Wlɛ̀velesɔ̌n 7:9

Tà dɛǒ ɛ sìnʼaa, Ě keaǒ le tɛn Ě jěa diblɛ̌ fòfoa ü sea lěe slèslɛ wɔ̀, nù sonwɛa dakwɛ̌ wùɛ mɔ̀ měne klee blě wùɛ kɛn le klee nyopò wùɛ slè le plě nyopò wùɛà pee dɔ̌ɔdɔ̌ win nù nynanaǒ Blajǔǒ Ɔɔ klɔ̀ba gbèsɛɛ jemǒ bo, u pea wlawlě plǐ pɛ̀ti ǔ blěa snɛwɛi kwa le.