Wlɛ̀velesɔ̌n 19:12 - Nyesoaa Kuo Win Jajle

¹² Ɔɔ jǐ wǒa napèpɛlo, klɔ̀ba fleǎ fòfoa nì Ɔ tùa dlǒ, è nynɛ̌ǒ mǎnaǒ Ɔɔ kɛn bo nyu wùɛ nɔ̀ sea ɛ ji ɛ̀ sìnʼǒ Ɔɔ do.

Wlɛ̀velesɔ̌n 19:12 ပူးပေါင်းရင်းမြစ်များ

Matiɔ̌n 11:27

È kě Ɔ dɛ̌a nyopòǒ je Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do, è nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Matiɔ̌n 21:5

“Tmɔɔ̌ Jlǔsnɛ kwɛɛn bu tanʼǒ le, uu Klɔ̀ba diě le, Ɔ diiě klě ja tìe tǔn wlòmo, Ɔ nɛɛ jakǎsè kɛn, jakǎsèǒ nuu bòto.” (Is 62.11, Zech 9.9)

Matiɔ̌n 28:18

È Ɔ kèklaeaǒ u gbàa kě Ɔ dɛ̌a u je Ɔ je, “Nyesoa nyeě kpě pɛpɛ wùɛ ï neěe jɔkɛn klee kělɔ kmɔ̌ mɔ̀ keǒ dɛ wùɛ mɔ̀.

Lǔkù 10:22

È Jùsu chèa Ɔɔ mɔ̀ na nyoǒ ja Ɔ̌ kpleaǒ je Ɔ̌ tmɔɔ̌a nu, kě Ɔ dɛ̌a Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do. È nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Jɔ̀ɔ̌n 17:11

Klě Ě diěè mɔ̀, ii tè Ě see kɛ̀ɔ kmɔ̌ɔ wlòmo nema mu, kɛɛ umoà nù Ě siɔ kmɔ̌ɔ mɔ̀. Tèǒ nì kɔn tè Ngmà Je Ne Gbeǐ, tù nyopòà jǐ mɔ̀ klě Nè nynɛ̌ wlòmo ɛ̈ di ɛɛ numa u mǐ dɛɛ do nu wòje keà Ä nuu Ä nuu dɛɛ do.

Jɔ̀ɔ̌n 17:12

Tà u klee Mǒ ä neě jè lɔɔ kmɔ̌ɔ mɔ̀, Ě tùi u mɔ̀ jǐ klě Nè nynɛ̌ wlòmo Ě nɛɛ u, ii tè uu nyuu doo chɛ̀ se mǎ, ɛ̀ sìnʼǒ nyuu doà ɔ̈ poo loo na slè mumuɛ jeja ɔ̈ mǎa ɛ̈ di ɛɛ numa Nè winʼà ï dǎla bòo i miǒ jaě le.

Ifisiɛ̌n 1:21

plě Ɔ̌ nye Ɔ kpě fòfoa ï sìnʼaǒo win kwa kɔn nyo wùɛ mǒ klee nyopòà kɔnʼɔ kpě klee nyopò nae nyo klee kpě wùɛɛ kɛ̀ ï neɔɔ kmɔ̌ɔ mɔ̀ klee ii bǐì tìi miǎ lěe diba klě kmɔ̌ǒ miǎ lěe diba wlòmo.

Hiblǔ 2:9

Kɛɛ ä ji Jùsu Ɔ̈ Nyesoa tìeaa ja najiǒpòo tè sìnʼaǒo mǒ dɛ gbee, klě tǐà wlòmo Nyesoa nye Ɔ tè jǐ boaboǎ klee bo tùtuɛ keǒ sònwɛǒ Ɔ jěaa mɔ̀ Ɔ̌ kǒaa. Nyesoaa wlòo jlajlǎ dɛà Ɔ kɔnʼɔ ɛ̈ɛ̌ sà Lɔɔ wlò kǔ mǒ keǒ ä mɔ̀ nɛ̀ kɔn tè Jùsu koǒaǒ nyu wùɛɛ tà.

Wlɛ̀velesɔ̌n 1:14

Ɔɔ dlǒ klee dujɔ̌ plɛ̌a pɔpɔ wòje jeseě ɔ̀ɔ̌ fankpɛ̌ plě Ɔɔ jǐ wnea wòje napèpɛlo.

Wlɛ̀velesɔ̌n 12:3

È jboo dɛ tɛ̀ɛ nɛ̀ beaě jɔkɛn. Ɛ mooa dɔsmɛ chǒ fòɛ ɔ̈ neaa dlěe nyiɛta je klee ngmèe pù dlǒ. Klɔ̀ba fleǎa nyiɛta nì ɔ tùa dlǒ.

Wlɛ̀velesɔ̌n 13:1

Ě jěa nmi kukǔ fòɛ ɔ̌ sonwɛaě jbǒǒ mɔ̀ mǒ. Ɔ nea dlǒ ngmèe pù klee dlěe nyiɛta. Ɔɔ ngmèǒ i nea dlǒ le fleǎa pù plě nynɛ̌à peaa Nyesoa fla wan ɛ̌ chleěa keǒ ɔɔ dlǒ wùɛ kɛn.

Wlɛ̀velesɔ̌n 19:16

Ɛ kɔn nynɛ̌ chleěaa klě Ɔɔ wlawlǒ pɛ̀tuǒ kɛn klee keǒ Ɔɔ ponwɔ̌ kɛn, ɛmo nynɛ̌ǒ nɛ̀ moo Klɔ̀ba Ɔ̈ neǒo klɔ̀bapoo dlǒ mǒ klee Koɔn Ɔ̈ neǒo koɔnpòo dlǒ mǒ.

Wlɛ̀velesɔ̌n 3:12

Nyu wùɛà mii duduɛ kɔnma, nɔ̀ Ě mi Ně Nyesoaa kǎ fòɛɛ tiblě mǒ numa plě ɛmoǒ ɔ se ɛ bo tetɛ kɔnma mu de. Ě miǒ ɔ Nyesoaa nynɛ̌ kɛn chlěba klee Ɔɔ dě fòɛɛ nynɛ̌ ɛ̈ monoo Jlǔsnɛ jajlo ɛ̈ miě Ɔɔ mɔ̀ mǒ sɔnma klě jɔkɛn ɛ̈ miɔɔ wɔ̀ɔn diba. Ě miě ɔ kɛn Ně nynɛ̌ jajlo chlěba ke.’

Wlɛ̀velesɔ̌n 6:2

Tà Ě chèaǒo bo, Ě jěa sòko plǔ. Nyuǒ nɛɛa nɔɔ kɛn pno neaě ɔ kwete mǒ ǔ nyea ɔ klɔ̀ba flɛ̌ ɔ̌ nɛɛa sòkoǒ kɛn ɔ̌ mia ɔ̌ duia toe, bɔ̌ du ɛɛ bě, ɔ̀ du ɛɛ bě.