Wlɛ̀velesɔ̌n 19:11 - Nyesoaa Kuo Win Jajle

¹¹ È Ě jěa jɔkɛn ɛ̌ knana je, klě jǐi kapǒ tǐ wlòmo Ě jěa sòko plǔ ɔ̌ sɔnaě jɔkɛn mǒ, Nyuǒ nɛɛa ɔɔ kɛn u dɛɛa Ɔ Tè Wlò Popoɛ klee Kàan Tè. Ɔ tùi nyopò blilǐ mɔ̀ plě tèǒ kɔn tè Ɔ wɛ̀nʼaa to ǐ mooa mǒ slɛɛ̌ tè.

Wlɛ̀velesɔ̌n 19:11 ပူးပေါင်းရင်းမြစ်များ

Jɔ̀ɔ̌n 1:51

È kě Jùsu dɛ̌a Nataniɔ̌ je Ɔ je, “Kàan tè nìà Ě tmɛɛ̌ mò, mì jɔkɛn jěba ɛ mǐ je kna, mì Nyesoaa najiǒpò jě u mǐ jaě jɔkɛn tè nu keǒ Jbɛjuu Jǔà dlǒ mǒ.”

Jɔ̀ɔ̌n 14:6

È Jùsu tùa ɔ kɛ̀ɛn Ɔ je, “Mǒà Mǒ moo Snǔ Ɛ̈ pee kàan tè pepě mǒ keǒ Nyesoa jleě mǒ klee Ɛ̈ nyee tùonyopo kmɔ̌ sie fònfno. Nyu wùɛ slě wɔ̀ bɔ muě Gbeǐ mɔ̀, ɛ̀ sìnʼǒ bɔ̌ diiɔɔ̌ mǒ plě.

Wlɛ̀velesɔ̌n 1:5

klee klě Jùsu Tentǎn Jǔ mɔ̀ Ɔ̈ moo wlò kpae Sàse klee klekle Nyu Ɔ̈ sàeěe kǒla mǒ plě Ɔ̈ kɔnʼɔ klɔ̀bapoo wùɛ win kwa ü neɔɔ blǒɔ mɔ̀. Bìsea keǒ Jùsu mɔ̀ keǒ Bɔ di ä mǒ noɛɛ ne Bɔ di ä kpni kukwǐi plɔ tu kɛn bo maěe dbǔ mɔ̀ bɛ̌ ɛ̈ Ɔɔ kokoɛ̌ nuu.

Wlɛ̀velesɔ̌n 11:19

È Nyesoaa kǎ fòɛǒ neěe jɔkɛn ɛ knana ne, è Nyesoaa ngmà je ne blɔ̀kunʼǒ Ɔɔ kuo win neěe wlòmo ï neǒo Ɔ klee tùonyopo pǎnpe ɛ̀ jeěa le klě Ɔɔ kǎ fòɛǒ bo. È tɛ̀n ngmněa ne ɛ̌ kwlia ɛ̌ bea ble plě blǒ sèkea klee chɛn kpěn fòee pìpia dia le.

Wlɛ̀velesɔ̌n 19:19

È Ě jěa nmiǒ ɔ̈ klee klɔ̀bapoo neɔɔ blǒ mɔ̀ ǔ beaǒ tàa do u mǐa Nyuǒ neaǒo sòko plǔǒ kɛn Ɔ klee Ɔɔ tabɔ̀ to mɔ̀ ja.

Wlɛ̀velesɔ̌n 19:21

Uu wùɛǒ siaǒo panʼǒ nɛ̀ dbǎla u ɛ̈ sɔnaěe sòkoo kɛn nae Nyuǒ wan mǒ, è noe wùɛ dia uu fěǒ ii kwliǎ jǐaě le.

Wlɛ̀velesɔ̌n 3:14

Jùsu kpɛɛa Ɔɔ win nya Ɔ je, “Chleě najiǒpòià mɔ̀ ɔ̈ nynaǒo Tentǎn Jǔu wǎn pènmo bo ü neěe dě fòɛǒ moo Lodisìa kɛn, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyuà u dɛɛ Kě Bɛ Ne Ɔ̈ moo Wlò Kpae Nyu plě Ɔ̈ moo Kàan Sàse Ɔ̈ kɔnʼɔ Nyesoaa noǎà Ɔ nuu win kwa.

Wlɛ̀velesɔ̌n 3:7

È kě Jùsu dɛ̌aǎ je Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Feledɛfìa kɛn, kě bò dǎ ɔ je u je, ‘Tuposàà ɛ sɔnʼě mǒ mɔ̀ Nyuà Ɔ̈ nee Ngmà Je klee Ɔ̈ moo Wlò Kpae Nyu Ɔ̈ blěe klɔ̀ba Dèběsee gbàadɛ̌. Dɛà Ɔ knaa je nyu slě wɔ̀ bɔ kan ɛ je, è dɛà ɔ kanʼa je nyu slě wɔ̀ bɔ kna ɛ je.

Wlɛ̀velesɔ̌n 4:1

Tà dɛǒ ɛ sìnʼaa, Ě keaǒo le tɛn, Ě jěa chnu ɛ̌ knana klě jɔkɛn. È winʼi doǒ Ě wɔ̌naa klekle nì boɛa lěě mɔ̀ wòje keà nokpa boɛɛ i je, “Jǎ, diɔ tàɔ, Ě mǐì noǎà tee le ï dɛà bɛ̌ sìnʼi ï mii tùɔn kpaba.”

Wlɛ̀velesɔ̌n 6:2

Tà Ě chèaǒo bo, Ě jěa sòko plǔ. Nyuǒ nɛɛa nɔɔ kɛn pno neaě ɔ kwete mǒ ǔ nyea ɔ klɔ̀ba flɛ̌ ɔ̌ nɛɛa sòkoǒ kɛn ɔ̌ mia ɔ̌ duia toe, bɔ̌ du ɛɛ bě, ɔ̀ du ɛɛ bě.