Wlɛ̀velesɔ̌n 19:10 - Nyesoaa Kuo Win Jajle

¹⁰ È nɔ̀ǒ Ě kɔaǒ kwne jemǒ bo Ě mǐa ɔɔ wɛ̀ sà, kɛɛ kě ɔ dǎlaǎ je ɔ je, “Bɔ̌ ɛ nunuɛ! Ě moo Nyesoaa nyebajlo wòje keǒ mò klee bìì Tentǎn Jǔu wǎn aa ka nee je ü tmɛɛ̌ nee Jùsuu tè nyopò tùu. Sà Nyesoaa wɛ̀, nè sɛ̀ ně wɛ̀. Dɛ kɔn tè wnɔsà winʼà i sàa lee wan nɛ̀ moo keǒ bo Jùsuu tè bi mǒ nyopò tmɔɔ̌ no.”

Wlɛ̀velesɔ̌n 19:10 ပူးပေါင်းရင်းမြစ်များ

Matiɔ̌n 4:10

È kě Jùsu dɛ̌a kǔ je Ɔ je, “Setɛ̀n, ɛ chleě le klě Nyesoaa win wlòmo ɛ̈ moo, ‘Koɔn Nyesoaa doǒ Nɔ̀ kɔn wɛ̀ nyu wùɛ bɔ sà plě Nɔ̀ kɔn konkwa nyu bɔ nu. Sìn mù.’ ” (Deut 6.13)

Mǎkè 5:22

È Jùwɛ nyoo Nyesoa koǔu nyefòɛ tɔ̀ɔ ɔ̈ kɔn nynɛ̌ moo Jaelɔ̀ nɔ̀ dia lě Ɔ mɔ̀. Tà ɔ jěaa Jùsu, ɔ kɔaǒ Ɔ kwne jemǒ bo

Mǎkè 7:25

Klě nynɔ tɔ̀ɔ nea lě ɔ̈ kɔn nynejuju kǔ sùsu nea lěe ja. Tà ɔ wɔɔ̌na bòo Jùsuu nynɛ̌ sosǒ, è nɔ̀ǒ dia lě ɔ̈ kɔaǒ Ɔ kwne jemǒ bo.

Lǔkù 1:19

È najiǒpòiǒ ɔ̀ tùa ɔ kɛ̀ɛn ɔ je, “Mǒà mǒ moo Keblɛ̀, Ě nynaǒ Nyesoa jemǒ bo Ɔ̌ dbo mǒ keǒ kàan tuposàà bo po ɛɛ̀ je.

Lǔkù 24:44

È kě Ɔ dɛ̌a u je Ɔ je, “Tà a klee Mǒ ä nɛɛ̌a jèe, noǎ wùɛ kɔn tè Ě tmɛɛ̌a amoo nìà kpa tùɔn ï kɔn tè Mɔ̀sě klee Nyesoaa wnɔsàɔpo chlěaa klee ï Dèběsee Bleble Chněedɛ̌ boɔaa keǒǒ jleě mǒ, ii wùɛ nìà jaěǒ teěn.”

Jɔ̀ɔ̌n 5:39

A jě lɛ ɛ̈ moo klě Nyesoaa win chencheɛ̌n wlòmo klě a kɔɔnʼě kmɔ̌ sie fònfno, ii tè a chěn ni, è imo winʼi chɛ̀ǒ nì moo sàse keǒǒ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:43

Nyesoaa wnɔsàɔpo wùɛ sèsae i le kɛn ï kwɛɛǒ Ɔɔ jleě mǒ bo seela tǐ jleě ɛ̈ moo nyu wùɛ ɔ̈ mi Ɔɔ tè kàan tè poba ɔɔ kpni kukwǐi tè mi wlò le pooba klě Ɔɔ nynɛ̌ wlòmo.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:27

Nyopòǒ nea lěe Jlǔsnɛ klee uu je si nyo bɛ̌a Jùsu kokǒ wun kɛn, dɛǒ nɛ̀ nu ɛ Nyesoaa wnɔsà winʼǒ Ɔɔ wnɔsàɔpo sàlaa wan ǐ jaěaǒ teěn ï u slèaa tǐ wùɛ mɔ̀ klě Nyesoaa defɛ chnɛ̀ jlǒ waě wlòmo, kɛɛ kaǒ u sea ɛmo dɛǒ le jbo ɛ̈ moo Jùsu Nɔ̀ mooa Gblàgbla Nyu Ɔ̈ Nyesoa peea lěe.

2 Kwnɛtiɛ̌ 8:7

A pàn ne klě dɛ wùɛ a nii mǒ, jà aa tè wlò popoɛ a kɔnʼɔ klě Tentǎn Jǔ mǒ klee kàan tuposàà ɛɛ popoɛ klee klě aa de jijiɛ mǒ keǒ ɛmo kàan dɛǒ mɔ̀ klee ke aa fě nii nymanymǎ keǒ konkwa nunuɛ mɔ̀ plě klee aa mǒ noɛnoɛ keǒ ä mɔ̀. Ii tè ɛɛ doǒ nɛ̀ Ě jlɛ̌ ba nu a neǒ Tentǎn Jǔu wǎn tùu dlǒ mǒ keǒ ɛmo konkwaà ɛɛ nunuɛ mɔ̀ ɛ̈ monoo Tentǎn Jǔu wǎn mǒ noɛnoɛ.

Ifisiɛ̌n 5:15

Ii tè a tùě jǐ bo ke a mii kmɔ̌ neneɛ numa. Aǎ moo plɔɔ kokǒ nyo, kɛɛ a moo tɔ̀n kɔn nyo.

Ifisiɛ̌n 5:33

plě ǐ kwɛǒ aa do do jleě mǒ bo ɛ̈ moo jbe bɔ noɛɛ ɔɔ nynɔ mǒ wòje ke ɔ nu ɔɔ chɛ̀ mǒ noɛɛa, è bo nynɔ bɔ nyeǒ ɔɔ jbe tùtuɛ.

Flepiɛ̌n 3:3

Ämoà ämo sɛje u moo foeě bɛ̌ nyopò. Mɛ kɔɔ̌n tèǒ joo nɛ̀ moo ämo sɛ̀ Nyesoaa wɛ̀ klě Ɔɔ Sùsu mǒ plě ä kun kɛn le Tentǎn Jǔ Jùsuu tè plě äǎ kuun foeě bebɛ̌ wlò je ɛ mǐ ä jebo siǐn nyo mǒ nu.

1 Tɛseloniǎ 5:15

Ba jě ɛ ɛ̈ moo nyu wùɛ ɔɔ̌ sɛ̀ kpa, kɛɛ tǐ wùɛ mɔ̀ a tɛ̀n ɛ mǒ keǒ ba nunuu kàan dɛ měne klee keǒ nyopò wùɛ mɔ̀.

Hiblǔ 1:14

Deě najiǒpò wùɛ u se kɛ sìsi sosǒ ï nii Nyesoaa konkwa Ɔ̈ dbe lee keǒ bï mǎǒo nyopòà mɔ̀ üà Ɔ wɔ̀ɔ mɔ̀le Bɔ gblàa klě uu kpni kukwǐi plɔɔ tu kɛn bo maěa bobo?

Hiblǔ 12:25

Ba jě lɛ ɛ̈ moo aa wlè biǐ jɛkɛ̌ keǒ ba po Nyesoaa win nɔkǔ jebo. Tǐǒ jleě Ɔ boɛa Ɔɔ winʼǒ klě kmɔ̌ mɔ̀, nyopòǒ je ü sea Ɔɔ nɔkǔ jebo po, Ɔɔ plɔɔ tu kɛn bo maěaǒ u sea ɛ je plùu lu. Bɛ̌ nu bä tbɛ Ɔ kɛn Ɔ̈à sèsɛɛ ämoo wlòmo jɔkɛnʼɛ tè, a mi plɔɔ tu kɛn bo maěa fòɛ kɔnma.

1 Jɔ̀ɔ̌n 5:10

nyu wùɛ ɔ̈ mi Ɔɔ Jǔu tè kàan tè poba, ɔ tmɛɛ̌ ɛ nyopò tùu, kɛɛ nyu wùɛà se lii kàan tè poba mu, ɔ jě Nyesoa mǒ sen. Mɛ̌oǒ joo nɛ̀ moo ɔ se dɛǒ kɔn sàse dɛ Ɔ nuu ɛɛ tè kàan tè po.

1 Jɔ̀ɔ̌n 5:21

Ně jlǔ ale, a tmɔɔ aa chɛ̀ nǔkpuǐi wɛ̀ sèsa mɔ̀.

Wlɛ̀velesɔ̌n 1:1

Chněedɛ̌à ɛ boɛɛ kɛn noǎ Nyesoa nyeaa Jùsu Tentǎn Jǔ Bɔ teeaa Nyesoaa na wien po nyebajle klee nynejlu ï kɔn bi kpalaa tùɔn ï kɔn tǐ seaǒo mɔ̀ tmɔ. Tentǎn Jǔ dboa Ɔɔ najiǒpòi kělɔ mǒ Jɔ̀ɔ̌n mɔ̀ ɔ̈ moo Ɔɔ na wien po nyebajlo Ɔ̌ teeaǎ noǎǒ.

Wlɛ̀velesɔ̌n 1:9

Mǒ Jɔ̀ɔ̌nʼà ɔ̈ moo aa bě Tentǎn Jǔu wǎnpòi, Ě moo aa nenatùmo klě sònwɛ jejeɛ̌ slè klee Nyesoaa deplě klee tǐ jakě jebo nynanyna ï ä klee Jùsu ä jeěǒo tàa do. Ě boɛa Nyesoaa win plě Ě nia Jùsuu sàse dɛ, tèǒ nì kɔn tè Wlǔmɔ nyoo kòngmna kpala lěě blǒ tìeǒ kɛn ɛ̈ ně poěe gbàe mǒ u dɛɛ Pamǒ.

Wlɛ̀velesɔ̌n 12:11

Blajǔu nymɔ klee Nyesoaa win ï u tmɛɛ̌aa nyopò tùu nì u nua ǔ dua lɔ. U pooa uu chɛ̀ɛ fònfno kla kɛn keǒ winʼǒ ii boɔboɔ tè mɔ̀.

Wlɛ̀velesɔ̌n 12:17

È dɔsmɛ nɔ̀ǒ bea jlo měne chɔɔ keǒ nynɔǒ mɔ̀, ii tè ɔ mua ɔ̌ tòala to keǒ nynɔǒ ɔɔ jlǔu jlǔ tùu mɔ̀ ü tùiǒo dɛà Nyesoa tmɛɛ̌ uu bo klee ü nii Jùsuu sàse dɛ keǒ nyopò tùu mɔ̀.

Wlɛ̀velesɔ̌n 14:7

Ɔ jɛɛ̌aě win ɔ̌ boɛa, kě ɔ dɛ̌a ɔ je, “A nyeǒ Nyesoa tùtuɛ, a nye Ɔ tè jǐ boaboǎ. Dɛ ɛ nuu nɛ̀ moo tǐ nyniǒ no keǒ Bɔ tù nyopò wùɛɛ blilǐ. Sà Nyesoaa wɛ̀ Ɔ̈ nuu jɔkɛn klee blǒà plě jbǒ klee neǎa chlolǎi.”

Wlɛ̀velesɔ̌n 15:4

Koɔnʼò, Nè do Mò ne ngmà je, ii tè nyu wùɛ miì dɛ mǒ jěba ɔ mǐ Nè nynɛ̌ le bìse. Nè jebo siǐan be mǒ pepě, ii tè dakɔ̌ wùɛ miě diba u mǐ Nè wɛ̀ sà!”

Wlɛ̀velesɔ̌n 19:9

È kě najiǒpòiǒ ɔ dǎlaǎ je ɔ je, “Chlě dɛà ɛ̈ moo, ‘Ngmna keǒ nyopòǒ mɔ̀ ü dae lee Blajǔu tǐnma digbaǐǒ kɛn.’ ” È kě ɔ dɛ̌aǎ je ɔ je, “Noǎ wùɛǒ chlèe nì moo kàan tuposà ɛ̈ sɔn lěe Nyesoa mɔ̀ mǒ.”

Wlɛ̀velesɔ̌n 4:10

è kunkunyoo wlò tùo hɛ̀nʼǒ ù kɔ bo kwne keǒ Ɔ jemǒ ǔ sɛ̀ Ɔɔ wɛ̀ Ɔ̈ nee kmɔ̌ ke ɛ mii jleě mǒ bo tonma. U tunwiǐǒ uu klɔ̀ba fleǎǒ keǒ gbèsɛɛǒ jemǒ ǔ dɛ̌ bò ɛ̈ moo,