Wlɛ̀velesɔ̌n 18:15 - Nyesoaa Kuo Win Jajle

¹⁵ Nyopòǒ ple pnɔɔ noǎ klě Babòlɔn diě wlòmo ü sà lěe pònpan, u mi sònwɛ jejeɛ̌ǒ neě ɛɛ wlòmo ɛɛ fano peba. Ii tè u miě nya bo nynama u mǐ fìn u mǐ ɛɛ sònwɛ chìn plě u mǐ bò dǎ ɛ̈ moo,

Wlɛ̀velesɔ̌n 18:15 ပူးပေါင်းရင်းမြစ်များ

Mǎkè 11:17

Ɔ teea nyopòǒ Ɔ je, “Ɛ se kɛ chleě le klě Nyesoaa win wlòmo ɛ̈ moo Ɔɔ koǔ moo koǔà dakwɛ̌ wùɛ bu muě bobo u miě Ɔɔ mɔ̀ boɔ le, (Is 56.7) kɛɛ nɛ̀à a ni jlǐ nyoo bobo ne koǔ mǒ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 16:19

Tà nynejuǒ ɔɔ chì kpa ämopò jěa lɛɛ ɛ̈ moo uu wlò je kuun dɛ ɛ̈ kɔn mǒ u sɛ̀a pnɔ lěe wlě ɛ mu nuò, u chlìa Pɔ̀ɔ̌ klee Salě le ǔ kpalaě u klě blilǐ tùla mǒ klě pɛlě plooa mǒ.

Wlɛ̀velesɔ̌n 18:12

Nyu se tà nema mu ɔ̈ mǐ nuu klò klee sěbla plě jǐlenmɔ seɛ̌ klee nèmnejɔ tɔ̀n plě uu jǐlenmɔ dale klee manǐwlù dale klee slěke dale plě dale chě klee tii doědoe ï kɔn jejeɛ̌ kma mǒo klee noǎa kplekplei u ninii donyeǎ klee tià pee wlě fòfoa klee ii tìe u ninii kanwɛi klee pně klee seɛ̌à nee kɛn le wlekě wlekě.

Wlɛ̀velesɔ̌n 18:13

Nyu se tà ne ɔ̈ mǐ uu wlubɛɛ konwě tɔ̀n u nii chè mǒ klee pitǎ klee pànwo tɔ̀n klee sonsnǒ noǎa tìi, jà sonsnǒ pòee klee sidǒpò jɔ̌. Uu nmɔ klee chnɔ̌ see kɛ̀ dɛ jěba mu klee flɔ̌ɔ pǔpu klee kou plě nyu tɔ̀ɔ see kɛ̀ tà ne ɔ̈ mǐ uu bliǎ klee blableǎ tɔ̀n, jà sòkwe klee sòkwe gbɛ̀ klee kèiapo klee tùonyopoo fònfno, i see kɛ̀ dɛ jěba mu.

Wlɛ̀velesɔ̌n 18:14

È kě noǎ plo nyoǒ u mi Babòlɔn diě je dǎba ɛ̈ moo, ‘Noǎ wùɛà nè kpni kukwǐ kmɔ̌ po pnɔɔ ble i wɛ̀ bo, nè pònpan klee nynɛ̌ fòɛ i sàe leè kwa plě sèǎa kɛ̀ i jě de.’

Wlɛ̀velesɔ̌n 18:19

U mi pǔpu dlǒ le poba keǒ bu tee uu wɔle le nunuɛ, è klě uu fìnfiɛn klee sònwɛ chìnchiɛn wlòmo u mi dɛ jleě pnǎma u mǐ bò dǎ, ‘Chlǒ, chlǒ keǒ dě fòɛǒ mɔ̀! Nyopò wùɛà kɔnʼɔ meǎ klě jbǒ kɛn klě ɛ wlòmo klě u sàě pònpan, kɛɛ klě àwɔɔ do wlòmo ɛ sùee gbè!

Wlɛ̀velesɔ̌n 18:3

Babòlɔnʼɔ wan nymi nmɔǒ ɛ̈ moo ɔɔ se wòn mɔ̀ɔ wɛ̀ kmɔ̌ nɛ̀ dakɔ̌ wùɛ nǎ. Klɔ̀bapoo wùɛ neɔɔ blǒɔ mɔ̀ u klee ɔɔ sɔ̌n nu wlawle. Noǎ plo nyoà neɔɔ blǒɔ mɔ̀ ǔ pàn klě ɔɔ dɛ kukǔ wlòo jlajlǎ dɛ mǒ.”