Wlɛ̀velesɔ̌n 17:5 - Nyesoaa Kuo Win Jajle

⁵ Ɛ kɔna je wɛ̌ nynɛ̌ ɛ̈ chleěaa keǒ ɔɔ jigbàa gblee wnana mǒ, nɛ̀ dɛ̌a bò ɛ̈ moo, “Babòlɔn fòɛ, mòo gblà nynoo naǎ plě kmɔ̌ɔ noǎ sòen wùɛ nì neɔɔ̀ kɛn.”

Wlɛ̀velesɔ̌n 17:5 ပူးပေါင်းရင်းမြစ်များ

Flepiɛ̌n 3:19

Klě ɛɛ dlǒ chlɛ̀ɛa mǒ u mi gbè sùeba. Mɛ̌oǒ joo nɛ̀ moo uu nyesoa nɔ̀ moo dɛ uu wlè jlɛ̌ɛ. U jɛɛě uu chɛ̀ le keǒ dɛà kɔn tònwe blɛɛ je bɛ̈ nu nuu mɔ̀ plě dɛ wùɛ u sìɛn nee dlǒ mɔ̀le nɛ̀ moo kmɔ̌ɔ noǎà ii tè sosǒ.

2 Tɛseloniǎ 2:7

Dɛ kukǔu kpě kpɛ tùɔn no ɛ̌ wɛ̀ mɔ̀le klě je wɛ̌ tǔn wlòmo kělɔ kmɔ̌ mɔ̀. Kɛɛ nyuǒ kenkɛɛ ɛɛ jele ɔ miǐ jè ɛ jele kenkaema ɛ mǐ ɛ kpa kpa Nyesoa miǎǒ ɔ sà.

Wlɛ̀velesɔ̌n 1:20

Jɔtnèe nyiɛtaǒ jèe ï neɔ Mǒo dilǎ son mǒ klee nǎpea tii nyiɛtaǒ, dɛ i sɛ̀nʼɛ nynɛ̌ nɛ̀ moo jɔtnèe nyiɛtaǒ nì nynaǒ pènmo bo najiǒpòo nyiɛta ü nynaǒo Tentǎn Jǔu wǎn kpɛɛ nyiɛta pènmo bo. È nǎpea tii nyiɛtaǒ nì nynaǒ pènmo bo Tentǎn Jǔu wǎn kpɛɛ nyiɛtaǒ.”

Wlɛ̀velesɔ̌n 11:8

Uu kokǒ dɛ miǒ blɛblě mɔ̀ bo pɛnma klě dě fòɛǒ moo Jlǔsnɛ wlòmo tà u kɔɔaǒ uu Koɔn pète bɛ̌ tu jleě. Jlǔsnɛ nɛ̀ nynaǒ Sedɔ̀n diě klee Ǐjɛ̀te blǒ pènmo bo.

Wlɛ̀velesɔ̌n 14:8

È sɔ̌n nonɔ najiǒpòiǒ kɛnaǒ ɔɔ mɔ̀, kě ɔ dɛ̌a ɔ je, “Babòlɔn nyoo blǒ wlɛ wɔ̀ɔn! Babòlɔn fòɛ wlɛ mǒ blǒ ü nii dakwɛ̌ wùɛ ǔ nɛ̌ nɔɔ nmɔ ɛ̈ moo wlawle nu kmɔ̌, Nyesoa miǒ uu plɔ tu kɛn bo maěma!”

Wlɛ̀velesɔ̌n 16:19

Dě fòɛǒ u dɛɛ Babòlɔn ɛ klǎla mǒ ɛ̌ nua peěnʼe tan, è deě fòe wùɛ ï nee blě kɛn le ï sùea gbè. Nyesoa sea Babòlɔn nyoo kpni kukwǐi tè snù, Ɔ nua nu ǔ nǎna Ɔɔ jloo nmɔ kàe waě ɛ̈ jǐa lěe.

Wlɛ̀velesɔ̌n 17:1

È najiǒpòǒ blěaa fuii nyiɛtaǒ u nyuu do nɔ̀ dia lěě mɔ̀, kě ɔ dɛ̌aǎ je ɔ je, “Diě, Ě mǐì plɔɔ tu kɛn bo maěa fòɛǒ tee le keǒ gblà nynɔǒ mɔ̀ ɔ̈ neǒo neǎ sakaǐ fòfoaǒ kɛn.

Wlɛ̀velesɔ̌n 17:2

Blǒo klɔ̀bapoo klee ɔɔ sɔ̌n nu wlawle plě blǒo nyopò wùɛ ǔ nǎna ɔɔ se wòn mɔ̀ɔ wɛ̀ kmɔ̌ǒ ɛɛ nmɔ ɛ̌ nia nu.”

Wlɛ̀velesɔ̌n 17:7

È najiǒpòiǒ ɔ gbàlaǎ wan ɔ je, “Mɛ kɔɔ̌n tè i kàe leě kɛ mò wan? Ě miì wlòmo sèsaeba dɛ nynɔǒ ɔ klee nmiǒ u sɛ̀nʼɛ nynɛ̌ ɔ̈ nynɔǒ ɔ nɛɛ nee kɛn ɔ̈ nee dlěe nyiɛta klee ngmèe pù dlǒ.

Wlɛ̀velesɔ̌n 18:2

Ɔ pnǎna dɛ jleě klě kpě kɛne win wlòmo, kě ɔ dǎla ɔ je, “Babòlɔn fòɛ wlɛ mǒ blǒ! Ɛ monoo kɛ̀ tùɔnʼà kɔn kɛn kǔ sìsi neěe klee se wòn le wɛ̀ sìsi plě noeà see sìnɛ wɛ̀ klee ä faen nee.

Wlɛ̀velesɔ̌n 18:21

È Ě jěa kpě kɛne najiǒpòi tɔ̀ɔ ɔ̌ dǔa seɔ̌ fòɛ mǒ ɛ̈ klee kèuseɔ fòɛ boa lee nɛ̀ ɔ tuǔnʼaě jbǒ mɔ̀, kě ɔ dǎla ɔ je, “Dě fòɛǒ ke u mi ɛɛ kwa jakě kpaea numaò, Babòlɔn mi blǒ mǒ wlɛba, è nyu see kɛ̀ ɛ jejeɛ̌ kɔnma mu de.

Wlɛ̀velesɔ̌n 19:2

Dɛ ɛ nuu nɛ̀ moo Ɔɔ tùonyopo tè jɛɛa nu kàan plě ɛ̌ slɛɛ̌ mǒ. Gblà nynɔà ɔ̈ nuu nyopòà neɔɔ kmɔ̌ɔ mɔ̀ ǔ blěe kmɔ̌ sòan Ɔ bɛ̌ ɔ kɛn kokǒ wun, Ɔ sàa ɔ mǒ kpa keǒ Ɔɔ nyebajle klee nynejluu nymɔɔ tè mɔ̀.”

Wlɛ̀velesɔ̌n 7:3

È kě ɔ dɛ̌a u je ɔ je, “Aǎ ni blǒà dɛ mǒ klee jbǒ klee ti wùɛ ɛ mǐ ɛ kpa kpa Nyesoaa nyebajle klee nynejlu wùɛ ä mǐ u Ɔ̀ɔ sluu kɛn ble mǎ keǒ uu jigbàa gblee wnana mǒ.”