Wlɛ̀velesɔ̌n 16:5 - Nyesoaa Kuo Win Jajle

⁵ Ě wɔ̌na najiǒpòiǒ ɔɔ win ɔ̈ neǎa kpě nea lěe kwete mǒ ɔ je, “Ngmà Je Ne Nyesoa Ɔ̈ ɛ tùaa plě ɛ tùu, Nè wlòo ble po dɛà ɛ slɛɛ̌ mǒ no keǒ dɛà nùu kɛn.

Wlɛ̀velesɔ̌n 16:5 ပူးပေါင်းရင်းမြစ်များ

Jɔ̀ɔ̌n 17:25

Ně Jebo Siǐn Gbeǐ, kmɔ̌ɔ nyopòà u seè ji, kɛɛ Mǒà Ě jiì li plě nyopòà ǔ ji ɛ ɛ̈ moo Mò dbo Mǒ.

Wlǔmɔ 2:5

Kɛɛ blè wlò jakǎ plě è ni dlǒ jakǎ keǒ bò tbɛ nè kpni kukwǐ kɛn. Tèǒ nì kɔn tè Nyesoaa jloà nɛ̀ǒ pepee kɛne keǒ dìe mɔ̀ keǒ Ɔɔ jlo chnɛ̀ jlǒ waěǒ mɔ̀ ɛ̈ miǎ lěe diba, tà Ɔ miǎ Lɔɔ jebo siǐn tè tùtuɛ pepě mǒ poba.

Wlǔmɔ 3:5

Kɛɛ dɛà nɛ̀ nyopòo tìe chɛtlǐi mǒ ɛ̈ moo, äa kpni kukwǐ nì tee ɛ ke Nyesoa nuǒo jebo siǐan. Mɛ̌oǒ de bä nuǔ kpni kukwǐ plě Ɔ̌ bee leě ämo jlo měne? Uu chɛtlǐiaǒ ɛ ne kɛǒ mɔ̀ snǔ le?

Wlɛ̀velesɔ̌n 1:4

Mǒ Jɔ̀ɔ̌nʼà chlě chněedɛ̌à klě Tentǎn Jǔu wǎnʼa tàkpɛ̌ɛ nyiɛtaà mɔ̀ ü neěe Esìa wakǎ kɛn. Wlòo jlajlǎ dɛ ɛ̈ɛ̌ sàa wlò kǔ mǒ klee ně bo wnawna bi neeǒ a mɔ̀ ï sɔn lěe Nyesoa mɔ̀ mǒ Ɔ̈ ɛ tùu klee ɛ tùaa plě Ɔ̈ miěe diba klee ï sɔn lěe sìsii nyiɛtaǒ mɔ̀ mǒ ï nynaǒ Ɔɔ klɔ̀ba gbèsɛɛ jemǒ bo

Wlɛ̀velesɔ̌n 1:8

Kpě kɛne Koɔn Nyesoa Ɔ̈ ɛ tùaa klee ɛ tùu plě Ɔ̈ miěe diba, kě Ɔ dɛ̌ Ɔ je, “Mǒà Mǒ moo Ɛɛ Wlò Tùla Mǒ klee Ɛɛ Dlǒ Chlɛ̀ɛa.”

Wlɛ̀velesɔ̌n 11:17

kě u dɛ̌a u je, “Kpě kɛne Koɔn Nyesoa Ɔ̈ ɛ tùu plě ɛ tùaa, ä peè tàto keǒ Bò di Nè kpě fòe nu bi di kmɔ̌ wùɛà win kwa kɔn.

Wlɛ̀velesɔ̌n 16:4

È tan nonɔ najiǒpòi wlǎla ɔɔ fuo bo klě neǎ wùɛ wan klee klě něe chlolǎi mɔ̀, ìi wùɛ ï ponpnɔɔa nymɔ ke.

Wlɛ̀velesɔ̌n 16:7

È Ě wɔ̌na chɔ̀no tògbee kǒngmàa win, kě ɛ dɛ̌a ɛ je, “Kòo, kpě kɛne Koɔn Nyesoa, Nè wlòo ble po dɛ nu kàan plě ɛ̌ slɛɛ̌ mǒ.”

Wlɛ̀velesɔ̌n 19:2

Dɛ ɛ nuu nɛ̀ moo Ɔɔ tùonyopo tè jɛɛa nu kàan plě ɛ̌ slɛɛ̌ mǒ. Gblà nynɔà ɔ̈ nuu nyopòà neɔɔ kmɔ̌ɔ mɔ̀ ǔ blěe kmɔ̌ sòan Ɔ bɛ̌ ɔ kɛn kokǒ wun, Ɔ sàa ɔ mǒ kpa keǒ Ɔɔ nyebajle klee nynejluu nymɔɔ tè mɔ̀.”

Wlɛ̀velesɔ̌n 4:8

Imo kmɔ̌ ne soaa hɛ̀nʼǒ ii do do nea kɛn le kpakpeaa m̀mɔdo, jǐ wɔ̀la ii fě wùɛ dlǒ, jǐ neaě ii kpakpea boboo chɛ̀. Tǒn klee chnɛ̀ iǐ poa kpee keǒ bleblɛ mɔ̀, kě ii bleble win dɛ̌, “Kpě kɛne Koɔn Nyesoa ne je ngmà, Ɔ ne je ngmà, Ɔ ne je ngmà! Nɔ̀ ɛ tùa klee ɛ tù plě Ɔ̈ miě diba.”

Wlɛ̀velesɔ̌n 6:10

nù jɛɛ̌aě win ü pnɛ̌a dɛ jleě le ü dɛ̌a bò ɛ̈ moo, “Kpě kɛne Koɔn, Mòà nee ngmà je plě Ɔ̈ mǎ lěe sèn bo, è ke ɛ miǐ jè kɛ jleě mǒ bo tonma plě mìěe di mìǐ kmɔ̌ ne tùonyopoo blilǐ tù mìǐ äa kpa sà.”