Wlɛ̀velesɔ̌n 16:15 - Nyesoaa Kuo Win Jajle

¹⁵ Bi beě a wlòmo kě Jùsu dǎla Ɔ je, “A tanà le, tǐà a se Mǒo snǔ mɔ̀le pɔ̀ɔnma mu nì Ě miě jaba wòje jliɔ̌. Ɛ moo ngmna keǒ nyopòà mɔ̀ ü neěe gbɛ̀ɛa wlòmo ü uu wlawlě miěe mǒ nema ü wɛ̀ɛ mɔ̀le ɛ̈ di ɛɛ numa uǔ dii gblàgblo le nae ne tònwe iǐ di uu nu.” (Mt 24.42-44, Lk 12.36-40)

Wlɛ̀velesɔ̌n 16:15 ပူးပေါင်းရင်းမြစ်များ

Wlɛ̀velesɔ̌n 3:18

Ě pe a mǒ tɔ̀n keǒ ba tɔ̀n kàan kpankpaa klò kělɔɔ̌ mɔ̀ ɛ̈ di ɛɛ numa a mǐ pàn. A tɔ̀n wlawlě plǐ ke a mǐ i měne po, a mǐ aa gblàgblo popoɛɛ tònwe kmɔ̌ǒ kɛn kan klee jǐi chlì a mǐ jǐ mǒ po ɛ̈ di ɛɛ numa a miě ɛ wɔ̀ keǒ ba jě le.

2 Pitɛ̌ 3:10

Koɔnʼɔ de di chnɛ̀ jlǒ waěǒ nyu seǎ ɛ wlò tɔɔnma mu wòje keà jlǐ nyu diěe klě tǒn wlòmo. Klě tǐǒ wlòmo jɔ miǎ fǎnma ɛ miǎ klu, noǎǒ neěe jɔ mǒ na miǎ i gbè sùeba, è kmɔ̌à klee noǎ wùɛ ï neɔ ɛɛ mɔ̀ i miǎ sinma.

Matiɔ̌n 25:13

È kě Jùsu dɛ̌a u je Ɔ je, “Tèǒ nì kɔn tè a tù aa de nu kmɔ̌ tǐ mɔ̀. Mɛ̌oǒ joo nɛ̀ moo chnɛ̀ jlǒ waě klee tǐ tae Jbɛjuu Jǔà Ɔ miǎ lěe jaba a se i ji.”

2 Kwnɛtiɛ̌ 5:3

Bɛ̌ nu bä kɔnǎ ɛmo fǒǒ, è ä seǎ Sùsu Ɛ̈ see fǒ kɔn.

Mǎkè 14:38

A gbɛ̀ɛ le a mǐ Nyesoa bàte aǎ diě měne tèntɛn slè be. Tùonyuu wlò wɔɔn ɛ kɛn keǒ bɛ nu Nyesoaa kɛn wɔɔn dɛ, kɛɛ tùonyugbee kpni kukwǐ kmɔ̌ǒ neě ɔɔ mǒ nɛ̀ ɛɛ̌ wɔɔn ɛ kɛn.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:31

Tèǒ nì kɔn tè a gbɛ̀ɛ aa chɛ̀ plě bi beě a wlò jleě Ě fìn aa fìɛn chnɛ̀ jlǒ waě wùɛ mɔ̀ plě Ě tee aa wùɛ klě jlěe tan wlòmo, Ě sea seasea kɔn.

1 Tɛseloniǎ 5:6

Tèǒ nì kɔn tè a nɛ bäǎ wě je nyopò tùu ü see mɔ̀le wɛ̀ keǒ Koɔnʼɔ de didiɛ mɔ̀, kɛɛ a nɛ bä wɛ̀ mɔ̀le ä miǒ äa chɛ̀ mɔ̀ kwa blě.

Lǔkù 21:36

Tèǒ nì kɔn tè tǐ pɛpɛ mɔ̀ ba tù aa de nu kmɔ̌ jǐ mɔ̀, ba bàte Nyesoa Ɔ mǐ a kbě nye noǎ wùɛǒ bǐ keǎ tùɔn kpɛ a miǎ i jebo kwli, plě klee Jbɛjuu Jǔà Bɔ̌ keǎ blilǐ tùi, a miǎ kbě kɔn ba nynanǎ Ɔ jebo.”

Matiɔ̌n 26:41

A tù jǐ mɔ̀ a mǐ Nyesoa bàte aǎ diě měne tèntɛn slè be. Tùonyuu wlò wɔɔn ɛ kɛn keǒ bɛ nu Nyesoaa kɛn wɔɔn dɛ, kɛɛ tùonyugbee kpni kukwǐ kmɔ̌ǒ neě ɔɔ mǒ nɛ̀ ɛɛ̌ wɔɔn ɛ kɛn.”

1 Pitɛ̌ 4:7

Noǎ wùɛ mi dlǒ chlɛ̀ba pase, tèǒ nì kɔn tè aa dlǒ le sìɛnsiɛn bɛ snǎě mɔ̀le klee a jiǒ aa chɛ̀ɛ wlò mɔ̀ kwa bleblɛ̌ ɛ̈ di ɛɛ numa a miě ɛ wɔ̀ a miě Nyesoa mɔ̀ boɔboɔ ji tɛɛ.

1 Tɛseloniǎ 5:4

Kɛɛ amoà moo ně bǐì Tentǎn Jǔu wǎn a slě ɛmo dɛ kukǔ kmɔ̌ǒ slè ne. Ii tè ɛmo waěǒ ɛɛ tè biǐ kèenʼa a mǒ wòje keà jliɔ̌ kèen nee nyu mǒ.

Wlɛ̀velesɔ̌n 3:11

Ě miě diba pase, ii tè aa tè wlò popoɛǒ a kɔnʼɔ a blěǒ ɛ mɔ̀ kwa ɛ̈ di ɛɛ numa nyu tɔ̀ɔ ɔɔ̌ se aa snǒ sàe dɛǒ kpa.

Wlɛ̀velesɔ̌n 22:7

Jùsu je, “A tanàle, Ě miě diba pase! Nyopòà poo wnɔsà winʼà neɔɔ chněedɛ̌ɔ wlòmo ii tè kàan tè, u kɔn ngmna.”