Wlɛ̀velesɔ̌n 16:14 - Nyesoaa Kuo Win Jajle

¹⁴ I moo kǔ sìsi ï niaa wlòlekaen noǎ, nì nɛa blě kɛn le ï gbèa klɔ̀bapoo le keǒ to mɔ̀ ɛ̈ miaa tùɔn kpaba klě kpě kɛne Nyesoaa chnɛ̀ jlǒ waě fòɛǒ Ɔ mǐa lěe jaba mɔ̀.

Wlɛ̀velesɔ̌n 16:14 ပူးပေါင်းရင်းမြစ်များ

Matiɔ̌n 24:14

Nyesoaa win kwa konkɔnʼɔ tuposà jajlo miǎ kmɔ̌ wùɛà dlǒ wɔ̀ba ɛ̈ di ɛɛ numa ɛ miǎ sàse tù keǒ nyopòà ü wɔ̌n nii mɔ̀ plě kmɔ̌à ɛɛ dlǒ chlɛ̀chlɛ tǐ miǎǒ nyni.

Matiɔ̌n 24:24

Mɛ kɔɔ̌n tèǒ joo nɛ̀ moo sen le tmɔ̌ tentǎn jlǔ klee sen le tmɔ̌ wnɔsàɔpo miǎ tà měne wǒba. U miǎ jboo noǎ fòe numa klee wlòlekaen noǎ ɛ̈ di ɛɛ numa bɛ̌ wɔ̀laě ɛ u miǎ Nyesoaa nyopòà Ɔ sà lěe mǒ boo lo.

Mǎkè 13:22

Mɛ̌oǒ joo nɛ̀ moo sen le tmɔ̌ tentǎn jlǔ klee sen le tmɔ̌ wnɔsàɔpo miǎ tà měne wǒba. U miǎ jboo noǎ fòe numa klee wlòlekaen noǎ ɛ̈ di ɛɛ numa bɛ̌ wɔ̀laě ɛ u miǎ Nyesoaa nyopòà Ɔ sà lěe mǒ boo lo.

Lǔkù 2:1

Klě tǐǒ wlòmo Klɔ̀ba Akɔsɔ̀ nɔ̀ poa tetě ɔ je nyopò wùɛ ü nea lɔɔ kmɔ̌ɔ mɔ̀ bu poa uu nyneǎ.

Jɔ̀ɔ̌n 8:44

Aa gbeǐ moo kǔ, è dɛ ɔ jlɛ̌ ba nuu nɛ̀ a ni. Sɔɔnʼě ɛɛ wlò tùla mǒ nɔ̀ moo mnùngma bo po nyu, kàan dɛ slě ɔ mǒ ne, nɛ̀ kɔn tè ɔ sěɛlǎ kàan tè boɛ. Ɔ moo sen le tmɔ̌ nyu plě ɔ̌ moo senʼe gbeǐ, ii tè bɛ̌ nu bɔ̌ ke sen tmɛ̌, è dɛǒ ɔ tùaa wlò le nɛ̀ǒ ɔ ni.

Wlǔmɔ 1:8

È ke Ě jlɛ̌ boǒ nuu chněedɛ̌à wlò tùtuɛ nɛ̀ moo Ě pe ně Nyesoa tàto klě Jùsu Tentǎn Jǔ mǒ keǒ aa wùɛ mɔ̀. Mɛ̌oǒ joo nɛ̀ moo aa tè wlò popoɛà a kɔnʼɔ klě Tentǎn Jǔ Jùsu mǒ ɛɛ tè wɔ̀ kmɔ̌ wùɛà dlǒ lo.

2 Tɛseloniǎ 2:9

Bɛ̌ nu nyuà ɔ̈ɔ̌ tùǒ teteǎ bɔ̌ diǎlě, Setɛ̀n ɔ̈ moo kǔ sìsi klɔ̀ba nɔ̀ miǎ ɔ kbě nyema ɔ miǎ sen le tmɔ̌ sàlesaa doědoe nu klee wlòlekaen noǎ klee je te noǎ.

1 Timɛtě 4:1

Ngmà Je Ne Sùsu boɔ ɛle ɛ̌ pàe chnɛ̀ le ɛ̈ moo klě kmɔ̌à ɛɛ demǒ bɔɔ̌ chnɛ̀ jlǒ wě wlòmo nyopòo tìe miǎ uu tè wlò popoɛ u kɔnʼɔ kɛn tbɛba u miǎ sen le tmɔ̌ sìsi kàan tè po klee teeaà jǐlenymi sìsi miǎ uu teeba.

Jìmǐse 3:15

È ɛmo tɔ̀n taeǒ ɛ slě Nyesoa mɔ̀ mǒ sɔn, kɛɛ ɛ sɔn lě mǒ kmɔ̌ wlòmo klee klě a mǒ plě klee klě kǔ mɔ̀.

1 Jɔ̀ɔ̌n 5:19

Ä ji ɛle ɛ̈ moo ä moo Nyesoaa jlǔ, è kmɔ̌ wùɛà ɛ neě kǔu win kwa konkɔn bobo.

Wlɛ̀velesɔ̌n 12:9

Dɔsmɛ fòɛǒ ǔ sàlaě ɔ jɔkɛn. Nɔ̀ moo smɛ kpaklǎà u dɛɛ kǔ ɔ̀ɔ̌ Setɛ̀n ɔ̈ boo kmɔ̌ wùɛà mǒ. U tuǔnʼa lɔɔ klee ɔɔ nablewa blǒ mɔ̀.

Wlɛ̀velesɔ̌n 13:3

Nmiǒ ɔɔ dlǒ do wǒa keà dɛ tbala ɛɛ ɛ̈ blɛɛ je bɛ dbǎla lɔɔ, kɛɛ chìe fòɛǒ ɛ wɛ̀a le. Nyopò wùɛ neaɔɔ kmɔ̌ɔ mɔ̀ ɛ̀ kàea u le wan ǔ nɛa nmiǒ de.

Wlɛ̀velesɔ̌n 16:16

Kǔ sìsiǒ i bòa klɔ̀bapoo le klě tùɔnʼǒ u dɛɛ Amajedɔ̀ kɛn klě Hiblǔ win wlòmo.

Wlɛ̀velesɔ̌n 16:7

È Ě wɔ̌na chɔ̀no tògbee kǒngmàa win, kě ɛ dɛ̌a ɛ je, “Kòo, kpě kɛne Koɔn Nyesoa, Nè wlòo ble po dɛ nu kàan plě ɛ̌ slɛɛ̌ mǒ.”

Wlɛ̀velesɔ̌n 17:14

U mi Blajǔ to mɔ̀ kpaba Ɔ klee Ɔɔ nyopò Ɔ sà lěe Ɔ daa bü na Ɔɔ de plě ü ma lěe sèn bo keǒ Ɔ mɔ̀. U mi nyopòǒ duba. Mɛ̌oǒ joo nɛ̀ moo Blajǔǒ Nɔ̀ moo koɔnpòo Koɔn plě Nɔ̀ moo klɔ̀bapoo Klɔ̀ba.”

Wlɛ̀velesɔ̌n 20:8

ɔ mǐ mu ɔ mǐ dakwɛ̌ mǒ boo lo klě kmɔ̌ wùɛà mɔ̀, jà deě fòee sɔ̌nʼǒ moo Kɔɔ̀ klee Makɔɔ̀. Ɔ mi u le bòba keǒ to kɛn mumuɛ mɔ̀, u mi fòba, u slě slèslɛ wɔ̀ba mu wòje jbǒo mǐsiɔ̌ ɛ̈ neǒo jbǒ wien.

Wlɛ̀velesɔ̌n 3:10

Ke ɛ toon jleě mǒ bo ǎ tùǒ Něe win bo keǒ ba nynaa tǐ jakě jebo, bo tǐ jakěe tǐ bǐ diě, Ě mi ɛ numa dɛ se a le tǒba mu. Imo tǐ jakěǒ i diě le keǒ kmɔ̌ wùɛà mɔ̀ i miě nyopòà neɔ ɛɛ mɔ̀ měne tɛ̀n.

Wlɛ̀velesɔ̌n 6:17

Uu jloo chnɛ̀ jlǒ waě fòɛǒ ɛ nyni ni keǒ ä mɔ̀, à nyu tae wɔ̀le je bɔ̈ siǐ kɛ kmɔ̌?”