Wlɛ̀velesɔ̌n 15:3 - Nyesoaa Kuo Win Jajle

³ U blea Nyesoaa nyebajlo Mɔ̀sěe wlɛ̌ plě klee Blajǔu wlɛ̌, kě uu bleble win dɛ̌a i je, “Kpě kɛne Koɔn Nyesoa, dɛà nìi ɛ kun nu plě ɛ̌ moo wan bo kàe dɛ! Dakɔ̌ wùɛɛ Klɔ̀ba, Nè kmɔ̌ slɛɛ̌ mǒ no plě ɛ̌ nu kàan.

Wlɛ̀velesɔ̌n 15:3 ပူးပေါင်းရင်းမြစ်များ

Jɔ̀ɔ̌n 1:17

Nyesoa nyea ä teteǎ Ɔ jaeaěe Mɔ̀sě mǒ, kɛɛ Jùsu Tentǎn Jǔ jalaě Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ Ɔ̌ tmɔɔ̌a ä kàan tè keǒ Nyesoa jleě mǒ.

1 Timɛtě 1:17

Nɛ Kmɔ̌ Sie Klɔ̀baà Ɔ̈ see kokoɛ̌ kɔn klee Ɔ̈ nyu ně jěe plě Ɔ̈ monoo Nyesoaa do sosǒ Bɔ kɔnʼǒ tùtuɛ klee de bìsea ke ɛ mii jleě bo tonma, kě bɛ ne.

Hiblǔ 3:5

Tǐǒ jleě Mɔ̀sě mǎnaě sèn bo keǒ Nyesoa mɔ̀ ɔ̌ nia Nyesoaa nyopò wùɛ uu konkwa wòje Ɔɔ na wien po nyebajlo. Ɔ nia sàse dɛ keǒ dɛ Nyesoa miaa boɔba mɔ̀ klě kmɔ̌ɔ nya.

Wlɛ̀velesɔ̌n 1:8

Kpě kɛne Koɔn Nyesoa Ɔ̈ ɛ tùaa klee ɛ tùu plě Ɔ̈ miěe diba, kě Ɔ dɛ̌ Ɔ je, “Mǒà Mǒ moo Ɛɛ Wlò Tùla Mǒ klee Ɛɛ Dlǒ Chlɛ̀ɛa.”

Wlɛ̀velesɔ̌n 11:17

kě u dɛ̌a u je, “Kpě kɛne Koɔn Nyesoa Ɔ̈ ɛ tùu plě ɛ tùaa, ä peè tàto keǒ Bò di Nè kpě fòe nu bi di kmɔ̌ wùɛà win kwa kɔn.

Wlɛ̀velesɔ̌n 14:3

Wlɛ̌ jajlo nɛ̀ u blea keǒ klɔ̀ba gbèsɛɛ klee soaa hɛ̀nʼǒ jemǒ klee keǒ kunkunyoǒ jemǒ. Nyu wùɛ nɔ̀ seaě ɛ wɔ̀ bɔ̈ chěnʼa ɛmo wlɛ̌ǒ, ɛ̀ sìnʼǒ nyopòo taslěwɛɛ wlèe nyiɛta tùo hɛ̀nʼǒ ü kɔnaa wowa dɛ ü sɔna nɔɔ blǒ mɔ̀ mǒ.

Wlɛ̀velesɔ̌n 14:8

È sɔ̌n nonɔ najiǒpòiǒ kɛnaǒ ɔɔ mɔ̀, kě ɔ dɛ̌a ɔ je, “Babòlɔn nyoo blǒ wlɛ wɔ̀ɔn! Babòlɔn fòɛ wlɛ mǒ blǒ ü nii dakwɛ̌ wùɛ ǔ nɛ̌ nɔɔ nmɔ ɛ̈ moo wlawle nu kmɔ̌, Nyesoa miǒ uu plɔ tu kɛn bo maěma!”

Wlɛ̀velesɔ̌n 17:14

U mi Blajǔ to mɔ̀ kpaba Ɔ klee Ɔɔ nyopò Ɔ sà lěe Ɔ daa bü na Ɔɔ de plě ü ma lěe sèn bo keǒ Ɔ mɔ̀. U mi nyopòǒ duba. Mɛ̌oǒ joo nɛ̀ moo Blajǔǒ Nɔ̀ moo koɔnpòo Koɔn plě Nɔ̀ moo klɔ̀bapoo Klɔ̀ba.”

Wlɛ̀velesɔ̌n 19:16

Ɛ kɔn nynɛ̌ chleěaa klě Ɔɔ wlawlǒ pɛ̀tuǒ kɛn klee keǒ Ɔɔ ponwɔ̌ kɛn, ɛmo nynɛ̌ǒ nɛ̀ moo Klɔ̀ba Ɔ̈ neǒo klɔ̀bapoo dlǒ mǒ klee Koɔn Ɔ̈ neǒo koɔnpòo dlǒ mǒ.

Wlɛ̀velesɔ̌n 19:2

Dɛ ɛ nuu nɛ̀ moo Ɔɔ tùonyopo tè jɛɛa nu kàan plě ɛ̌ slɛɛ̌ mǒ. Gblà nynɔà ɔ̈ nuu nyopòà neɔɔ kmɔ̌ɔ mɔ̀ ǔ blěe kmɔ̌ sòan Ɔ bɛ̌ ɔ kɛn kokǒ wun, Ɔ sàa ɔ mǒ kpa keǒ Ɔɔ nyebajle klee nynejluu nymɔɔ tè mɔ̀.”

Wlɛ̀velesɔ̌n 4:8

Imo kmɔ̌ ne soaa hɛ̀nʼǒ ii do do nea kɛn le kpakpeaa m̀mɔdo, jǐ wɔ̀la ii fě wùɛ dlǒ, jǐ neaě ii kpakpea boboo chɛ̀. Tǒn klee chnɛ̀ iǐ poa kpee keǒ bleblɛ mɔ̀, kě ii bleble win dɛ̌, “Kpě kɛne Koɔn Nyesoa ne je ngmà, Ɔ ne je ngmà, Ɔ ne je ngmà! Nɔ̀ ɛ tùa klee ɛ tù plě Ɔ̈ miě diba.”