Wlɛ̀velesɔ̌n 15:2 - Nyesoaa Kuo Win Jajle

² È Ě jěa dɛ ɛ̈ wǒaa jělae jbǒ ɛ̈ klee na chìseea klee nyopò ü nynanaǒo jbǒǒ wien bo ü duaa nmiǒ wan klee ɔɔ sùsu tu plě klee ɛɛ nynɛ̌ɛ tìɛn, u blěa kanǐkài kwa le ï Nyesoa nyea nuu.

Wlɛ̀velesɔ̌n 15:2 ပူးပေါင်းရင်းမြစ်များ

Matiɔ̌n 3:11

Mǒà mǒ pe a ně dlǒ sosǒ ɛ̈ di ɛɛ numa a mǐ aa wlè bo bitǐ. Kɛɛ ɛ kɔn Chì Kpa Ämo Ɔ̈ neǒ mǒo demǒ Ɔ̈ diěe Ɔ̈ kɔn tè kunʼu chɔɔ ì sìnʼǒ mǒo mǒ. Ě seǒ je blɛɛ lee chɛ̀ bo di Ɔɔ nyɔkòɛbě blě. Nɔ̀ miě amoà po Ɔɔ tè kàan tè Ngmà Je Ne Sùsu ja poba klee Nɔ̀ miě nyopòǒ se Ɔɔ tè kàan tè po na ja poba.

1 Pitɛ̌ 1:7

Tè kɔn tè měne tèntɛn diěe nɛ̀ moo ɛ mǐ ɛ tee le ɛ̈ moo a kɔn kàan tè wlò popoɛ. Aa tè wlò popoɛɛ tè boǎ jǐ ɛ̌ sìnʼǒ klò mǒ ɛ̈ kɔn dɛ ɛ̈ɛ̌ wlɛ̀ǒo sìna mǒ. Klòo chɛ̀ǒ u peě ɛ tǎn klě na slè ɛ mǐ tɛɛ klò nu. Dɛɛ doǒ nɛ̀ ɛ mono, měne tèntɛn pe aa tè wlò popoɛ kbě ja le ɛ̈ di ɛɛ numa Jùsu Tentǎn Jǔ Bɔ̌ tbaeǎ je a miǎ baea kɔn klee tè jǐ boaboǎ klee bo tùtuɛ.

1 Pitɛ̌ 4:12

Ně mǒ noɛɛ nyopò ane, klě tǐà wlòmo a jě sònwɛ jakǎ ɛ̈ tɛ̀nʼě aa tè wlò popoɛ měne. Biǐ kɛɛn a wlò le plě aǎ jě ɛ ɛ̈ moo ɛmo dɛǒ ɛ se kɔn ɛ mǐ tùɔn kpa.

Wlɛ̀velesɔ̌n 12:11

Blajǔu nymɔ klee Nyesoaa win ï u tmɛɛ̌aa nyopò tùu nì u nua ǔ dua lɔ. U pooa uu chɛ̀ɛ fònfno kla kɛn keǒ winʼǒ ii boɔboɔ tè mɔ̀.

Wlɛ̀velesɔ̌n 13:1

Ě jěa nmi kukǔ fòɛ ɔ̌ sonwɛaě jbǒǒ mɔ̀ mǒ. Ɔ nea dlǒ ngmèe pù klee dlěe nyiɛta. Ɔɔ ngmèǒ i nea dlǒ le fleǎa pù plě nynɛ̌à peaa Nyesoa fla wan ɛ̌ chleěa keǒ ɔɔ dlǒ wùɛ kɛn.

Wlɛ̀velesɔ̌n 13:14

Nɔ̀ booa nyopò wùɛ ü nea nɔɔ blǒɔ mɔ̀ keǒ ɔɔ wlòlekaen noǎ ɔ niaa mɔ̀ ï u sɔnaǒ ɔɔ mɔ̀ mǒ bɔ nuaa keǒ klekle nmiǒ pènmo. Ɔ tmɔɔ̌a nu bu nua klekle nmiǒ ɔɔ sùsu tu bɛ nynanaǒ ɔ pènmo bo keǒ ɔɔ tùtuɛ mɔ̀ ɔ̈ u nuaa pan u tbalaa dɛ, kɛɛ ɔ̈ neěa jèe kmɔ̌.

Wlɛ̀velesɔ̌n 13:17

ɛ̈ di ɛɛ numa nyu wùɛ ɔɔ̌ dia dɛ plo plě ɔɔ̌ dia dɛ wùɛ tɔ̀n, ɛ̀ sìnʼǒ bɔ̌ kɔna nmiǒ ɔɔ nynɛ̌ plě bɔ̌ kɔna ɛɛ tìɛn ɛ̈ nynaǒ ɔɔ nynɛ̌ pènmo bo plě.

Wlɛ̀velesɔ̌n 21:18

Ɛɛ ngmìǒ u nuua i seɔ̌ u dɛɛ jɛsèpa, è diě wùɛǒ nɛ̀ u nuua klò sosǒ ɛ̈ snǎnaěe mɔ̀le wòje keà jělae.

Wlɛ̀velesɔ̌n 4:6

Dɛ tɛ̀ɛ neaǒ klɔ̀ba gbèsɛɛǒ jemǒ ke, ɛ wǒa jělae jbǒ ɛ̈ wneaa jleě nymɛɛ nee mǒ. Soa fòee hɛ̀n ï neaa kmɔ̌ nì tbɛɛa klɔ̀ba gbèsɛɛǒ dǐ klě ɛɛ wakě wùɛ mɔ̀, jǐ mǎna i fǒ mǒ ble kělɔ ii nya klee klě i demǒ.

Wlɛ̀velesɔ̌n 5:8

Tà Ɔ dǔa ɛ mǒo, è kmɔ̌ ne soaa hɛ̀n klee kunkunyoo wlò tùo hɛ̀nʼǒ è nìǒ kɔ kwne bo keǒ Blajǔǒ jemǒ. Uu wùɛ u blěa kwa le kanǐkàe plě klò fui neaě u kwete mǒ ï sonsnǒ noǎa jǐaa je ï nynaǒo pènmo bo Nyesoa nyoo bàtea keǒ Nyesoa mɔ̀.