Wlɛ̀velesɔ̌n 14:6 - Nyesoaa Kuo Win Jajle

⁶ È Ě jěa najiǒpòi tɔ̀ɔ ɔ̌ wɛnʼa klě jɔtùwle mǒ. Nyesoaa tuposà nɛ̀ ɔ kpɛa ɛ̈ kwɛɛǒo kmɔ̌ sie fònfnoo tè jleě mǒ bo keǒ bɔ tmɔɔ̌a i nyopò ü nea nɔɔ blǒɔ mɔ̀ klě dakwɛ̌ wùɛ mɔ̀ klee nyopò wùɛ peaa dɔ̌ɔdɔ̌ win klee tùonyopo wùɛ.

Wlɛ̀velesɔ̌n 14:6 ပူးပေါင်းရင်းမြစ်များ

Matiɔ̌n 10:27

Ii tè tèà Ě tmɛɛ̌ amoo kělɔ kwijlě slè nì ba kpa lě pepě mǒ ba boɔ, è tèà Ě jojoɛɛě amoo nɔkǔ mǒ nì ba jaě koǔ kɛn ï kɔn sàe ba po.

Mǎkè 16:15

È kě Ɔ dɛ̌a u je Ɔ je, “A mu a be kmɔ̌ wùɛà kɛn a mǐ tuposàà po ɛ̈ kwɛɛǒ Něe tè jleě mǒ bo klě nyu wùɛ mɔ̀.

Wlǔmɔ 16:25

A nɛ bä po Nyesoaa nynɛ̌ le Ɔ̈ nye amoo kbě ǎ nee kmɔ̌ wòje keǒ kàan tuposà klee tuposàà Ě pee keǒ Tentǎn Jǔ Jùsu jleě mǒ nu ɛɛ boɔboɔ. Tentǎn Jǔ mooa Je Wɛ̌ Dɛ klě jlě fòfoa wlòmo plě Nyesoa po Ɔ pepě mǒ.

Klasɔ̌n 1:23

Ke ɛ toon jleě mǒ bo ǎ nynaa bo kpankpa klě aa tè wlò popoɛ mǒ ɛ̈ a kɔnʼɔ klě Tentǎn Jǔ Jùsu mǒ klee ǎ se aa wlò je kuuan bo tɛba mu ɛ̈ kɔn tè a wɔ̌naa klě Nyesoaa kàan tuposà mǒ. Ɛmo tuposàa doà ɛ̈ dǔaa pooa mǒ klě nyopò wùɛ mɔ̀ ü neɔɔ kmɔ̌ɔ mɔ̀ nɛ̀ mǒ Pɔ̀ɔ̌ Ě pe ke.

2 Tɛseloniǎ 2:16

Äa Koɔn Jùsu Tentǎn Jǔ klee äa Gbeǐ Nyesoa noɛɛ ä mǒ no plě Ǔ kɔn Uu wlòo jlajlǎ dɛ ɛ̈ɛ̌ sà Uu wlò kǔ mǒ keǒ ä mɔ̀. Ii tè U mii nya Ǔ pe ä kbě ja le klee Ǔ nye ä kàan wlò je kunkuɛn.

Hiblǔ 13:20

Ě bɛ̀te Nyesoa keǒ aa tè mɔ̀ Ɔ̈ ja lěe ně bo wnawna keǒ ä mɔ̀ tǐǒ jleě Ɔ dǔaa äa Koɔn Jùsu jemǒ Ɔ sàlaě Ɔɔ kǒla mǒ keǒ Bɔ moo Jǐ Mɔ̀ Tùɔ̌ fòɛ keǒ Ɔɔ wǎn mɔ̀. Tà Tentǎn Jǔ kǒo, kuo winʼǒ neǒo Nyesoa klee tùonyopo pǎnpe Ɔ nye i kpě ï nee kmɔ̌ ke ɛ toon jleě mǒ bo.

1 Pitɛ̌ 1:25

kɛɛ Koɔn Nyesoaa win ne kmɔ̌ ke ɛ mii jleě mǒ bo tonma.” (Is 40.6-8) Dɛǒ nɛ̀ moo tuposà ɛ̈ pooa a je.

Wlɛ̀velesɔ̌n 10:11

È u tmɔɔ̌aǎ ne, kě u dɛ̌a u je, “Kɔ̀n bò sà Nyesoaa win wan de klě nyopò fòfoa jleě mǒ klee dakwɛ̌ klee nyopòà pee dɔ̌ɔdɔ̌ win plě klě klɔ̀bapoo mɔ̀.”

Wlɛ̀velesɔ̌n 10:7

Bɛ̌ nu najiǒpòo nyiɛta nonɔ bɔ̌ be ɔɔ nokpa, è Nyesoaa ble po dɛà wɛ̌ pnɔɔ je ɛ miǒ jaěba wòje ke Ɔ nua Ɔɔ na wien po nyebajle klee nynejlu klee wnɔsàɔpo tmɔɔ̌a.”

Wlɛ̀velesɔ̌n 13:7

Ɔ sàeaǒ wun mɔ̀ bɔ kpala Nyesoaa nyopò to mɔ̀ bɔ dua lu. Kpě nyeea nɔ keǒ dakwɛ̌ wùɛ mɔ̀ klee nyopò wùɛ klee nyopòà pee dɔ̌ɔdɔ̌ win plě klee blě wùɛ.

Wlɛ̀velesɔ̌n 3:10

Ke ɛ toon jleě mǒ bo ǎ tùǒ Něe win bo keǒ ba nynaa tǐ jakě jebo, bo tǐ jakěe tǐ bǐ diě, Ě mi ɛ numa dɛ se a le tǒba mu. Imo tǐ jakěǒ i diě le keǒ kmɔ̌ wùɛà mɔ̀ i miě nyopòà neɔ ɛɛ mɔ̀ měne tɛ̀n.

Wlɛ̀velesɔ̌n 5:9

U blea wlɛ̌ jajlo, è kě uu wlɛ̌ win dɛ̌a ɛ̈ moo, “Mò ɛ blɛɛ je Bɔ̈ dǔ ɛmo plaplǎ chněedɛ̌à mǒ Bɔ̈ sà ɛ sluu wùɛǒ jele. Mɛ kɔɔ̌n tèǒ joo nɛ̀ moo u dbǎlaà le, è Nè nymɔǒ nɛ̀ nù È tɔ̀n nyopò keǒ Nyesoa mɔ̀ ü sɔnʼɔ blǒ wùɛ kɛn mǒ plě ü pee winʼi doědoe plě ü sɔnʼɔ dakwɛ̌ wùɛ mɔ̀ měne klee tùonyopoo doědoe wùɛ.

Wlɛ̀velesɔ̌n 8:13

Ě keaǒ le tɛn, è Ě wɔ̌na kee wonwan klě jɔtùwle mǒ ɔ̌ pnɛ̌a le ɔ je, “Bo najiǒpòo tanʼǒ siǒo bǔ be u blěe nokpeǒ, a jě ke ɛ mii jǐlenymi dɛ tùtu numa ne keǒ nyopòà neɔɔ kmɔ̌ mɔ̀. Ɛ mi jǐlenymi dɛ tùba keǒ u mɔ̀!”