Wlɛ̀velesɔ̌n 14:3 - Nyesoaa Kuo Win Jajle

³ Wlɛ̌ jajlo nɛ̀ u blea keǒ klɔ̀ba gbèsɛɛ klee soaa hɛ̀nʼǒ jemǒ klee keǒ kunkunyoǒ jemǒ. Nyu wùɛ nɔ̀ seaě ɛ wɔ̀ bɔ̈ chěnʼa ɛmo wlɛ̌ǒ, ɛ̀ sìnʼǒ nyopòo taslěwɛɛ wlèe nyiɛta tùo hɛ̀nʼǒ ü kɔnaa wowa dɛ ü sɔna nɔɔ blǒ mɔ̀ mǒ.

Wlɛ̀velesɔ̌n 14:3 ပူးပေါင်းရင်းမြစ်များ

1 Kwnɛtiɛ̌ 1:18

Tuposàà ɛ̈ kwɛɛǒo Tentǎn Jǔu kokoɛ̌ jleě mǒ bo keǒ pète bɛ̌ tu jleě ɛ moo plɔɔ kokǒ dɛ keǒ nyopòà mɔ̀ ü see wa klě uu kpni kukwǐ slè. Kɛɛ keǒ ämoà waa mɔ̀ tuposàǒ ɛ moo Nyesoaa kbě

1 Kwnɛtiɛ̌ 2:14

Nyuà Nyesoaa Sùsu slěe ja ne ɔɔ̌ po noǎǒ Sùsuǒ Ɛ tee lee ii tè kàan tè. I moo plɔɔ kokǒ noǎ keǒ ɔ mɔ̀ plě ɔ slě wɔ̀ bɔ jbo i le. Mɛ̌oǒ joo nɛ̀ moo nyu kɔn bɔ blě Nyesoaa Sùsu plě ɔ miě ɛ wɔ̀ keǒ bɔ jbo i le.

Wlɛ̀velesɔ̌n 14:1

È tà Ě keaǒo le tɛn, Ě jěa Blajǔǒ Ɔ̌ nynana bo keǒ Sàna togbee dlǒ. Nyopòǒ neaǒ Ɔɔ gbàa u nua taslěwɛɛ wlèe nyiɛta tùo hɛ̀n (144,000), u blěa Ɔɔ nynɛ̌ plě u blěa Ɔɔ Gbeǐi nynɛ̌ ɛ̈ chleěaa keǒ uu jigbàa gblee wnana mǒ.

Wlɛ̀velesɔ̌n 15:3

U blea Nyesoaa nyebajlo Mɔ̀sěe wlɛ̌ plě klee Blajǔu wlɛ̌, kě uu bleble win dɛ̌a i je, “Kpě kɛne Koɔn Nyesoa, dɛà nìi ɛ kun nu plě ɛ̌ moo wan bo kàe dɛ! Dakɔ̌ wùɛɛ Klɔ̀ba, Nè kmɔ̌ slɛɛ̌ mǒ no plě ɛ̌ nu kàan.

Wlɛ̀velesɔ̌n 2:17

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Ě mi nyopòà kɔnʼɔ duduɛ digbaǐà wɛ̌ɛ je ii tìe nyema u mǐ di. Ě mi u seɔ̌ plǔ gbògbae nyema ɛ̈ kɔn kɛn nynɛ̌ jajlo chleěǒo ɛ̈ nyu wùɛ see ji, ɛ̀ sìnʼǒ nyuu doǒ kmee seɔ̌ǒ jebo.”

Wlɛ̀velesɔ̌n 5:9

U blea wlɛ̌ jajlo, è kě uu wlɛ̌ win dɛ̌a ɛ̈ moo, “Mò ɛ blɛɛ je Bɔ̈ dǔ ɛmo plaplǎ chněedɛ̌à mǒ Bɔ̈ sà ɛ sluu wùɛǒ jele. Mɛ kɔɔ̌n tèǒ joo nɛ̀ moo u dbǎlaà le, è Nè nymɔǒ nɛ̀ nù È tɔ̀n nyopò keǒ Nyesoa mɔ̀ ü sɔnʼɔ blǒ wùɛ kɛn mǒ plě ü pee winʼi doědoe plě ü sɔnʼɔ dakwɛ̌ wùɛ mɔ̀ měne klee tùonyopoo doědoe wùɛ.

Wlɛ̀velesɔ̌n 7:4

Ě wɔ̌na dɛà ɛ̈ moo nyopòo taslěwɛɛ wlèe nyiɛta tùo hɛ̀n (144,000) ü sɔnaa Ǐsòwɛ̌ dakwɛ̌ wùɛ mɔ̀ měne nù Nyesoaa sluu mǎna kɛn ble.