Wlɛ̀velesɔ̌n 14:2 - Nyesoaa Kuo Win Jajle

² Ě wɔ̌na win sonwɛaěe jɔkɛn mǒ, i wǒa jbǒo klukwlɛ klee tɛ̀nʼɛ pnapnǎ fòɛ. Noǎǒ kɔn win Ě wɔ̌naa i wǒa je noǎ be nyo ü beaa kanǐkài.

Wlɛ̀velesɔ̌n 14:2 ပူးပေါင်းရင်းမြစ်များ

1 Kwnɛtiɛ̌ 13:1

Bɛ̌ nu boǒ wɔ̀le ɛ keǒ bo po tùonyopoo winʼi doědoe klee najiǒpòo winʼi chɛ̀, kɛɛ boǒ se mǒ noɛnoɛ kɔn keǒ nyopò tùu mɔ̀, Ě se dɛ nynɛ̌ sɛ̀n, Ě wǒ je keà u kokwɛɛ lee panpeě je le ï pee slɛ̀ le ɔ̀ɔ̌ keà u nuu gbèkleeǒ u beò.

Wlɛ̀velesɔ̌n 1:10

Koɔnʼɔ defɛ chnɛ̀ jlǒ waě tɛ̀ɛ mɔ̀ ɛ̈ moo Sɛ̌ɛ̀de, Nyesoaa Sùsu Nɛ̀ bea lěě ja. È Ě wɔ̌na win ï pnɛ̌aa le klěě demǒ wòje keà nokpa boɛaa,

Wlɛ̀velesɔ̌n 1:15

Ɔɔ boplɛ wnea ǐ nea wlekě wlekě wòje keà u nii na u siɛn kanwɛɛ ɛ̌ wnee plě u sonwɛ nɛɛ fǒ měne. Ɔɔ win jɛ̌a lě wòje keà něe klè kwlii.

Wlɛ̀velesɔ̌n 11:12

È wnɔsàɔpoo sɔ̌nʼǒ u wɔ̌na win ï peaa sàe klě jɔ mǒ ï dɛ̌a bò uu je ɛ̈ moo, “A diɔ jɔ mǒ!” Uu jlae nyo keaǒ u mɔ̀le tɛn, è nùǒ mua jɔkɛn klě nukpǎ kɛn.

Wlɛ̀velesɔ̌n 11:15

Tà najiǒpòo nyiɛta nonɔǒ ɔ bea ɔɔ nokpa, Ě wɔ̌na slɛ̀ ɛ̈ peeaa le klě jɔkɛn, kě ɛ dɛ̌a ɛ je, “Kmɔ̌à ɛɛ win kwa kɔn kpě kɔnʼǒ äa Koɔn Nyesoa klee Ɔɔ Tentǎn Jǔ mɔ̀ plě Nɔ̀ mi ɛ win kwa kɔnma ke ɛ mii kɛ̀ɛ jleě mǒ bo tonma!”

Wlɛ̀velesɔ̌n 15:2

È Ě jěa dɛ ɛ̈ wǒaa jělae jbǒ ɛ̈ klee na chìseea klee nyopò ü nynanaǒo jbǒǒ wien bo ü duaa nmiǒ wan klee ɔɔ sùsu tu plě klee ɛɛ nynɛ̌ɛ tìɛn, u blěa kanǐkài kwa le ï Nyesoa nyea nuu.

Wlɛ̀velesɔ̌n 18:22

Ɛɛ kanǐkài be nyoo chɛ̀ nyu se u jěba mu klee nyopòà bee bebe noǎa doědoe klee plèi be nyo klee nyopòà bee kàngmi, u see kɛ̀ imo noǎǒ ii win wɔ̌nma mu de. Konkwa nu nyoà kɔnʼɔ slɛ̌ ü jii le nyu slě u jěba mu de. Kou du tòuu win se wɔɔ̌nma muu chɛ̀.

Wlɛ̀velesɔ̌n 5:8

Tà Ɔ dǔa ɛ mǒo, è kmɔ̌ ne soaa hɛ̀n klee kunkunyoo wlò tùo hɛ̀nʼǒ è nìǒ kɔ kwne bo keǒ Blajǔǒ jemǒ. Uu wùɛ u blěa kwa le kanǐkàe plě klò fui neaě u kwete mǒ ï sonsnǒ noǎa jǐaa je ï nynaǒo pènmo bo Nyesoa nyoo bàtea keǒ Nyesoa mɔ̀.

Wlɛ̀velesɔ̌n 6:1

Ě keaǒ Blajǔǒ mɔ̀le tɛn Ɔ̌ sàlaǒ sluu kpɛɛ nyiɛtaǒ i dɛɛ do. È Ě wɔ̌na kmɔ̌ ne soaa hɛ̀nʼǒ ii win ni, i wǒa win mǒ keà tɛ̀n pnɛ̌aa ǐ dɛ̌a bò ɛ̈ moo, “Diě!”

Wlɛ̀velesɔ̌n 8:7

Tà klekle najiǒpòiǒ ɔ bea ɔɔ nokpa, chɛn kpěn fòe klee na ɛ̈ chìseeaa nymɔ nì u tunwiǐa lɔ wɔ̀ɔn le kělɔ blǒ mɔ̀, ii tè blǒà ɛɛ wakǎ peǎn fòɛ sinʼa klee tii wakǎ peǎn fòɛ sinʼa klee tii wakǎ peǎn fòɛ klee kwlǎ jajle wùɛ.