Wlɛ̀velesɔ̌n 14:14 - Nyesoaa Kuo Win Jajle

¹⁴ Tà Ě keaǒo le tɛn, è Ě jěa nukpǎ ɛ̈ plɛ̌aa. È Nyuǒ neaǒo nukpǎǒ kɛn bo Ɔ wǒa Jbɛjuu Jǔ. Klɔ̀baa klò flɛ̌ nɛ̀ Ɔ tùa dlǒ, wonwɛ̌n kou bɛɛ̌ faka neaě Ɔ kwete mǒ.

Wlɛ̀velesɔ̌n 14:14 ပူးပေါင်းရင်းမြစ်များ

Matiɔ̌n 13:30

Ii tè a sà ii sɔ̌n wùɛǒ wun le bi kuunʼǒ tàa do ɛ mǐ ɛ kpa kpa kou bɛ̌ tǐ miǒ nyni. È nyane dɛ Ě miǎ numa nɛ̀ moo Ě miǎ kou bɛ̌ nyo tmɔɔ̌ma u mǐǎ nenanyɔǒ je le bɛ̌ u mǐǎ ɛ pnǐ pìn u mǐǎ ɛ tǎn le po, è plě u mǐǎa kɛ kouǒ le bò klě wùlo.’ ”

Matiɔ̌n 17:5

Klě jǐ kapǒa wlòmo, win kɛ̀naě Pitɛ̌ wan bo, è nukpǎ ɛ̈ plɛ̌aa nɛ̀ chlìa u dlǒ. È Nyesoaa Win sonwɛa lě nukpǎǒ wlòmo kě I dɛ̌a I je, “Ně Jǔ Ě noɛɛ nee mǒ Nɔ̀à, Ně wlò bloo Ɔ kɛn chɔɔ. A po Ɔɔ win nɔkǔ jebo!”

Mǎkè 4:29

È dɛ bɛɛ̌ěe demǒ nɛ̀ moo kouǒ bɛ̌ flò, ɛ̀ɛ bebɛ̌ tǐ nyniǒ no, ii tè jbɛjuǒ ɔ duǐ faka mǒ ɔ̌ bɛ̌ lɛ.”

Lǔkù 21:27

È nyopò wùɛ miǎ Jbɛjuu Jǔà jěba Ɔ miǎě nukpě kɛn dii li klee klě Ɔɔ kpě fòe klee tè jǐ boaboǎ wlòmo keǒ Nyesoaa win dɛ̌ɛ. (Dan 7.13)

Hiblǔ 2:9

Kɛɛ ä ji Jùsu Ɔ̈ Nyesoa tìeaa ja najiǒpòo tè sìnʼaǒo mǒ dɛ gbee, klě tǐà wlòmo Nyesoa nye Ɔ tè jǐ boaboǎ klee bo tùtuɛ keǒ sònwɛǒ Ɔ jěaa mɔ̀ Ɔ̌ kǒaa. Nyesoaa wlòo jlajlǎ dɛà Ɔ kɔnʼɔ ɛ̈ɛ̌ sà Lɔɔ wlò kǔ mǒ keǒ ä mɔ̀ nɛ̀ kɔn tè Jùsu koǒaǒ nyu wùɛɛ tà.

Wlɛ̀velesɔ̌n 1:13

Klě klò nǎpea tiǒ slè Nyu tɔ̀ɔ nynanaě bo Ɔ̈ wǒaa Nyuà u dɛɛ Jbɛjuu Jǔ. Ɔ pea wlawlǒ pɛ̀tu ɛ̈ jɛa Lɔɔ bopla plě klò papɔ̌ sìinʼaǒ Ɔ kekeě jleě.

Wlɛ̀velesɔ̌n 1:7

A tanà le, Tentǎn Jǔ miǎě nukpě kɛn diiba! Nyopò wùɛ miǎǒ Ɔ jleě mɔ̀ kpaba, jà nyopòo chɛ̀ǒ dbǎla Ɔɔ. Dakwɛ̌ wùɛà neɔɔ kmɔ̌ɔ mɔ̀ u mi Ɔɔ sònwɛ chìnma. Imo tèà nì moo kàan tè, kě bɛ ne.

Wlɛ̀velesɔ̌n 10:1

È Ě jěa kpě kɛne najiǒpòi tɔ̀ɔ ɔ̈ sonwɛa lěe jɔkɛn mǒ ɔ̈ dia lɔɔ wɔ̀ɔn, nukpǎ nɛ̀ mooa ɔɔ wlawlǒ ɔ pea mǒ plě pànjbo tbɛɛa ɔɔ dlǒ dǐ. Ɔɔ jigbà wnea wòje wɛn, ɔɔ be wǒa napèpɛloo tiblǐ fòe.

Wlɛ̀velesɔ̌n 11:17

kě u dɛ̌a u je, “Kpě kɛne Koɔn Nyesoa Ɔ̈ ɛ tùu plě ɛ tùaa, ä peè tàto keǒ Bò di Nè kpě fòe nu bi di kmɔ̌ wùɛà win kwa kɔn.

Wlɛ̀velesɔ̌n 19:12

Ɔɔ jǐ wǒa napèpɛlo, klɔ̀ba fleǎ fòfoa nì Ɔ tùa dlǒ, è nynɛ̌ǒ mǎnaǒ Ɔɔ kɛn bo nyu wùɛ nɔ̀ sea ɛ ji ɛ̀ sìnʼǒ Ɔɔ do.

Wlɛ̀velesɔ̌n 20:11

È Ě jěa klɔ̀ba gbèsɛɛ plǔ fòɛ Nyu tɔ̀ɔ neaǒ ɛ kɛn bo. Blǒ klee jɔ fǎna keǒ Ɔ jemǒ, nyu ně jěa li de.

Wlɛ̀velesɔ̌n 6:2

Tà Ě chèaǒo bo, Ě jěa sòko plǔ. Nyuǒ nɛɛa nɔɔ kɛn pno neaě ɔ kwete mǒ ǔ nyea ɔ klɔ̀ba flɛ̌ ɔ̌ nɛɛa sòkoǒ kɛn ɔ̌ mia ɔ̌ duia toe, bɔ̌ du ɛɛ bě, ɔ̀ du ɛɛ bě.