Wlɛ̀velesɔ̌n 14:13 - Nyesoaa Kuo Win Jajle

¹³ È Ě wɔ̌na win ï sɔnaěe jɔkɛn mǒ ï boɛaě mǒo mɔ̀, kě i dɛ̌a i je, “Chlě dɛà, sɔɔnʼà tǐà jleě mǒ nyopòà kɔnʼɔ tè wlò popoɛ klě Koɔn mǒ ü kǒo, u kɔn ngmna. Kòo Nyesoaa Sùsu tmɛɛ̌ ämo ɛ̈ moo, u mi fɛba keǒ uu konkwa mɔ̀ ɛ̈ u dǔaa nunuɛ mǒ. Mɛ̌oǒ joo nɛ̀ moo kàan dɛǒ sɔnʼě uu konkwaǒ wlòmo ɛ mi u de nama keǒ Nyesoa jemǒ.”

Wlɛ̀velesɔ̌n 14:13 ပူးပေါင်းရင်းမြစ်များ

Matiɔ̌n 3:17

Klě tǐi doo tǐǒ wlòmo Nyesoaa Win sɔnaě jɔkɛn mǒ, kě I dɛ̌a I je, “Ně Jǔ Ě noɛɛ nee mǒ Nɔ̀à. Ně plɔ bloo Ɔ kɛn chɔɔ.”

Lǔkù 16:25

Kɛɛ kě Eblɛ̌hɛ̀mo dɛ̌a ɔ je ɔ je, ‘Ně jǔ, bi beěè wlòmo tǐǒ jleě nea lěe kmɔ̌ǒ mɔ̀ jèa kàan noǎ wùɛ, è Làesɔ̌ jěa tǐ jakě, kɛɛ klě tǐà wlòmo ɔɔ wlò wlòmo ble tù tǐà, è jě blèe sònwɛǒ klě tàě.

Lǔkù 16:9

Ě tmɛɛ̌ ane, a nu konkɔn noǎà nyopò tùu ninii noǎ kukwǐ mǒ a kme mɔ̀niapo je le ɛ̈ di ɛɛ numa bo tǐ bǐ diǎ lě tà imo noǎǒ i miǎa le wɛ̀ba, Nyesoa miǎ a jebo kme klě jɔkɛn.

Wlǔmɔ 14:8

Baǎje bä ne kmɔ̌ ɔ̀ɔ̌ bä kǒ, ä ne kmɔ̌ plě ä kwě keǒ Koɔn mɔ̀. Tèǒ nì kɔn tè baǎje bä ne kmɔ̌ ɔ̀ɔ̌ bä kǒ, ä kɔnʼǒ Koɔn mɔ̀.

1 Kwnɛtiɛ̌ 15:18

È dɛ ɛmoǒ ɛ sɛ̀nʼɛ nynɛ̌ ke nɛ̀ moo Tentǎn Jǔu kàan tè po nyoǒ kǒaa u mǎ ne.

1 Kwnɛtiɛ̌ 15:20

Kɛɛ dɛà nɛ̀ moo kàan tè ɛ̈ moo Tentǎn Jǔ dǔa jemǒ Ɔ̌ sɔnaě kǒla mǒ. Nɔ̀ moo klekle Nyu Ɔ̈ sɔnaě kǒla mǒ plě ɛ̌ tee ɛ ɛ̈ moo nyopò wùɛ ü kǒo u mi jemǒ dǔba ke.

1 Kwnɛtiɛ̌ 15:58

Ii tè ně kàan bǐì Tentǎn Jǔu wǎn ane, a nyna bo kpankpa, aǎ wě tùɔn mǒ klě aa tè wlò popoɛ mǒ. Tǐ wùɛ mɔ̀ a poě kbě le a nu Nyesoaa konkwa. Ba kɔn ɛ jijiɛ ɛ̈ moo aa konkwa a nii keǒ Koɔn mɔ̀ ɛ se putu.

2 Kwnɛtiɛ̌ 5:8

I moo kàan tè ä kɔn wlò je kunkuɛn, kɛɛ dɛ ä pɛ̀nʼɛ le nɛ̀ moo bä sà blǒ fǒà mǒ bä mu blě klě Koɔn mɔ̀, ɛ̀ sìnʼǒ bä kɔn ɛmo fǒà plě bä neɔ kmɔ̌ɔ mɔ̀.

Flepiɛ̌n 2:17

Bɛ̌ nu bo kɔn bo kǒo chɛ̀ wòje piepie chɔ̀no keǒ a mǐ tè wlò popoɛ kɔn tè mɔ̀, Ě miǐ jè chǒn le numa plě a klee mǒo sɔ̌n ä miǒ plɔɔ bloblɛ tàa do kɔn.

1 Tɛseloniǎ 4:14

Ke ɛ toon jleě mǒ bo ä po lii kàan tè ɛ̈ moo Jùsu kǒa le Ɔ̌ dǔa jemǒ Ɔ̌ sɔnaě kǒla mǒ, ä po i mǒ kàan tè ke ɛ̈ moo bɛ̌ nu Bɔ̌ tbaeǎ je, Nyesoa miǎě Ɔ klee nyopòà po Ɔɔ tè kàan tè ü kǒaa snǔ mǒ jaeba.

1 Tɛseloniǎ 4:16

Bɛ̌ nu Nyesoa Bɔ̌ pnǎnǎ dɛ jleě klee Ɔɔ nokpa bɛ̌ boɔlǎ plě najiǒpòi fòɛ bɔ̌ pnǎnǎ dɛ jleě, è Koɔnʼɔ chɛ̀ miǎě jɔkɛn mǒ sɔnma Ɔ miǎ tè. È nyopòà poa Ɔɔ tè kàan tè plě ü kǒaa nù Nyesoa miǎ jemǒ dǔba klekle.

1 Tɛseloniǎ 5:10

Ɔ̈ kǒaa keǒ äa tè mɔ̀ ɛ̈ di ɛɛ numa Bɔ̌ diǎ de, bɛ̀ Ɔ jɛɛǎ ä kmɔ̌ ɔ̀ɔ̌ bɛ̀ ä kǒa le, Ɔ klee ämo ä miǎǒ tàa do ne.

1 Timɛtě 5:24

Nyopòo tìee kpni kukwǐ be pepě mǒ ɛ̌ kpɛ dɛ pɛ̀tu plě ǔ tùi u tè mɔ̀, kɛɛ u tùi nyopòo tìe tè mɔ̀ plě uu kpni kukwǐ be pepě mǒ.

1 Timɛtě 5:25

Dɛɛ doǒ nɛ̀ ɛ mono, bɛ̌ nu bò ke kàan dɛ ni, nyopò tùu mi ɛ jěba. Bɛ̌ nu bǔ se ɛ jěe chɛ̀, ɛ slě kwijlě mǒ siba mu.

Wlɛ̀velesɔ̌n 1:11

kě i dɛ̌a i je, “Chlě dɛǒ jèe klě chněedɛ̌ wlòmo mì ɛ dbo klě Tentǎn Jǔu wǎnʼa tàkpɛ̌ɛ nyiɛtaǒ mɔ̀ ü neěe deě fòeà monoo Ɛfèse kɛn klee Smanà klee Pɔkemɔ̀ klee Taetawlà klee Sɔdè klee Feledɛfìa plě klee Lodisìa!”

Wlɛ̀velesɔ̌n 10:4

Tà tɛ̀nʼɛ pnapnǎ kplěe nyiɛtaǒ i sìnʼaa, è Ě wɛ̀a mɔ̀ keǒ bo chlěa, kɛɛ Ě wɔ̌na win ï sɔnaěe jɔkɛn mǒ, kě i dɛ̌a i je, “Tɛ̀nʼɛ pnapnǎ kplěe nyiɛtaǒ dɛǒ i boɔɔ wɛ̌ ɛ je, nè chlě ɛ.”

Wlɛ̀velesɔ̌n 11:15

Tà najiǒpòo nyiɛta nonɔǒ ɔ bea ɔɔ nokpa, Ě wɔ̌na slɛ̀ ɛ̈ peeaa le klě jɔkɛn, kě ɛ dɛ̌a ɛ je, “Kmɔ̌à ɛɛ win kwa kɔn kpě kɔnʼǒ äa Koɔn Nyesoa klee Ɔɔ Tentǎn Jǔ mɔ̀ plě Nɔ̀ mi ɛ win kwa kɔnma ke ɛ mii kɛ̀ɛ jleě mǒ bo tonma!”

Wlɛ̀velesɔ̌n 11:19

È Nyesoaa kǎ fòɛǒ neěe jɔkɛn ɛ knana ne, è Nyesoaa ngmà je ne blɔ̀kunʼǒ Ɔɔ kuo win neěe wlòmo ï neǒo Ɔ klee tùonyopo pǎnpe ɛ̀ jeěa le klě Ɔɔ kǎ fòɛǒ bo. È tɛ̀n ngmněa ne ɛ̌ kwlia ɛ̌ bea ble plě blǒ sèkea klee chɛn kpěn fòee pìpia dia le.

Wlɛ̀velesɔ̌n 16:17

È najiǒpòo nyiɛta nonɔǒ ɔ̀ wlǎla ɔɔ fuo bo klě jɔ mǒ, è win jɛ̌a le ï sɔnaěe klɔ̀ba gbèsɛɛǒ mɔ̀ mǒ ɛ̈ nea lěe Nyesoaa kǎ fòɛ bo, kě i dɛ̌a i je, “Ɛ wɛ̀ mɔ̀ no!”

Wlɛ̀velesɔ̌n 19:9

È kě najiǒpòiǒ ɔ dǎlaǎ je ɔ je, “Chlě dɛà ɛ̈ moo, ‘Ngmna keǒ nyopòǒ mɔ̀ ü dae lee Blajǔu tǐnma digbaǐǒ kɛn.’ ” È kě ɔ dɛ̌aǎ je ɔ je, “Noǎ wùɛǒ chlèe nì moo kàan tuposà ɛ̈ sɔn lěe Nyesoa mɔ̀ mǒ.”

Wlɛ̀velesɔ̌n 2:1

È Jùsu kpɛɛa Ɔɔ win nya Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛ moo Ɛfèse wlòmo, kě bò dǎ ɔ je u je, ‘Winʼà i sɔnʼě mɔ̀ mǒ Nyuǒ blěe jɔtnèe nyiɛtaǒ kwa klě Ɔɔ dilǎ son mǒ klee Ɔ̈ nɛɛ le klě klò nǎpea tii nyiɛtaǒ slè.

Wlɛ̀velesɔ̌n 2:7

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopò wùɛà mii duduɛ kɔnma, nù Ě mi tu buoǒ neěe Nyesoaa bò fòɛ mǒ nyema u mǐ ɛ di, ɛ̈ nyee nyu kmɔ̌ sie fònfno.”

Wlɛ̀velesɔ̌n 20:6

Nyopòǒ miěe klekle je měne duduɛ̌ wakǎ jleě mǒ kɔnma u kɔn ngmna plě ǔ ne ngmà je. Sɔ̌n nenɛ kokoɛ̌ seǒ u kpě dlǒ mǒ kɔn. Nù mi Nyesoa klee Tentǎn Jǔu kpatòapoo mooma plě u klee Tentǎn Jǔ miǒ tàa do win kwa kɔnʼɔ no klě jlěe taslěwaeǒ wlòmo.

Wlɛ̀velesɔ̌n 21:5

È Nyuǒ neaǒo gbèsɛɛǒ kɛn bo kě Ɔ dɛ̌a Ɔ je, “Klě tǐà wlòmo Ě pe noǎ wùɛ měne jajlo!” È Ɔ tmɔɔ̌a mǒ Ɔ je, “Chlě ɛ ɛ̈ moo winʼà neɔɔ chněedɛ̌ɔ wlòmo i moo kàan tè plě i mi tùɔn kpaba, i se kplɛ.”

Wlɛ̀velesɔ̌n 22:17

Nyesoaa Sùsu klee nynɔ jajloǒ kě u dɛ̌ a je u je, “A diě!” Nyu wùɛà mi nuu win wɔ̌nma kě bɔ dǎ ke ɛ̈ moo, “Diě!” Nyu wùɛ nenǎ to bɛ̌ ke ni, bɔ diě. Nyu wùɛ bɔ̈ ke něà nyee nyopò kmɔ̌ sie fònfno sòɛ, bɔ nǎ nɛ.

Wlɛ̀velesɔ̌n 6:11

È u nyea uu wùɛǒ wlawlě plǐ pɛ̀ti ǔ tmɔɔ̌a nu bu foa klě tǐ gbei wlòmo ɛ mǐa ɛ kpa kpa uu bǐì Tentǎn Jǔu wǎnʼǒ miaa dbaěba keǒ uu ka nee je, uu tìɛn taeǒ ɛ mǐaě je wɛ̀.