Wlɛ̀velesɔ̌n 14:11 - Nyesoaa Kuo Win Jajle

¹¹ Naǒ Ɔ mii numa Ɔ mǐ uu dɛ wan le pae le ɛɛ nǎno mi jɔ mǒ muma ke ɛ mii jleě mǒ bo tonma. Tǒn klee chnɛ̀ nyopòǒ ü sɛ̀ɛ nmiǒ ɔɔ wɛ̀ klee ɔɔ sùsu tu plě nyu wùɛ ɔ̈ blě ɔɔ nynɛ̌ɛ mǎkpee, u slě kɛn le sèsa kɔnma mu.”

Wlɛ̀velesɔ̌n 14:11 ပူးပေါင်းရင်းမြစ်များ

Matiɔ̌n 11:28

È aa wùɛ ü nii konkwa jakǎ plě ü kɔnʼɔ wlò le popala, a diɔɔ̌ mɔ̀ Ě miě a wlò le popalaǒ slè sà.

Matiɔ̌n 25:41

È kě Ɔ miǎ nyopòǒ neɔɔ gbàpe son mɔ̀ je dǎba, ‘A sɔnʼǒǒ jemǒ, kmɔ̌ sie na slèe chlǒ nɛ̀ neǒ a kɛn ɛ̈à wɛ̀ɛ mɔ̀le keǒ kǔ klee ɔɔ nablewa mɔ̀.

Matiɔ̌n 25:46

È u miǎǒ Klɔ̀ba jemǒ sɔnma u mǐǎě tàa de mooěe kmɔ̌ siee plɔɔ tu kɛn bo maěa mǒ mu, kɛɛ jebo siǐn nyo miǎ muma u mǐǎ kmɔ̌ siee fònfno kɔn tǐ wùɛ mɔ̀.”

Hiblǔ 1:8

Kɛɛ kě Nyesoa dɛ̌a Ɔɔ Jǔ je Ɔ je, “Nyesoa, Nè win kwa konkɔn sie kmɔ̌ ke ɛ mii kɛ̀ɛ jleě mǒ bo tonma! Mì Nè deplě win kwa kɔnma klě mǒ slɛɛ̌ tǔn wlòmo.

Wlɛ̀velesɔ̌n 11:15

Tà najiǒpòo nyiɛta nonɔǒ ɔ bea ɔɔ nokpa, Ě wɔ̌na slɛ̀ ɛ̈ peeaa le klě jɔkɛn, kě ɛ dɛ̌a ɛ je, “Kmɔ̌à ɛɛ win kwa kɔn kpě kɔnʼǒ äa Koɔn Nyesoa klee Ɔɔ Tentǎn Jǔ mɔ̀ plě Nɔ̀ mi ɛ win kwa kɔnma ke ɛ mii kɛ̀ɛ jleě mǒ bo tonma!”

Wlɛ̀velesɔ̌n 13:12

Sɔ̌n nonɔ nmiǒ ɔ nia klekle nmiǒ ɔɔ konkwa ɔ̌ gbɛ̀tɛɛa ɔɔ kpě le klě tà wùɛ, ɔ kpae blǒà ɛ klee nyopò wùɛ neɔ ɛɛ mɔ̀ kbě keǒ bu sàla klekle nmiǒ ɔɔ wɛ̀ ɔ̈ kɔn chìe fòɛ wɛ̀aa.

Wlɛ̀velesɔ̌n 13:15

È u sɔnaǒ sɔ̌n nonɔ nmiǒ mɔ̀ mǒ ɔ̌ poa klekle nmiǒ ɔɔ sùsu tuǒ fònfno mǒ. Dɛǒ nɛ̀ nu ɛ ɛ̌ wɔ̀le ɛ keǒ bɛ boɔ wien klee ɛ mǐ nyu wùɛ dbǎ ɔ̈ se ɛɛ wɛ̀ sàba mu.

Wlɛ̀velesɔ̌n 13:17

ɛ̈ di ɛɛ numa nyu wùɛ ɔɔ̌ dia dɛ plo plě ɔɔ̌ dia dɛ wùɛ tɔ̀n, ɛ̀ sìnʼǒ bɔ̌ kɔna nmiǒ ɔɔ nynɛ̌ plě bɔ̌ kɔna ɛɛ tìɛn ɛ̈ nynaǒ ɔɔ nynɛ̌ pènmo bo plě.

Wlɛ̀velesɔ̌n 14:9

Najiǒpòo tan nonɔǒ ɔ nana ɔɔ bǐì sɔ̌nʼǒ de ɔ̌ jɛɛ̌aě win, kě ɔ dɛ̌a ɔ je, “Bɛ̌ nu nyu wùɛ ɔ̈ mii nmiǒ ɔɔ wɛ̀ sàba klee ɔɔ sùsu tu plě ɔ̈ mi ɔɔ mǎkpee kɔnma keǒ ɔɔ jigbàa gblee wnana mǒ klee keǒ ɔɔ son kɛn,

Wlɛ̀velesɔ̌n 18:18

Bɛ̌ nu bǔ jě ɛɛ sinsin noǎa nǎno, è kě u mi dǎba, ‘À diě tae kɔn kunkuɛn jɛɛ leě kɛ Babòlɔn kɛn?’

Wlɛ̀velesɔ̌n 18:9

Bɛ̌ nu blǒo klɔ̀bapoo ü klee ɔɔ sɔ̌n neěe se wòn mɔ̀ɔ wɛ̀ kmɔ̌ klee jǐlenmɔ noǎa plɔɔ bloblɛ slè bǔ jě naǒ ɛɛ nǎno bɛ̌ ke jɔ mǒ jɛ̌, è u mi fìnma u mǐ ɔɔ sònwɛ chìn.

Wlɛ̀velesɔ̌n 19:3

È u pnǎna dɛ jleě de u je, “Hehejoo! Babòlɔnʼɔ nǎno mi jɔ mǒ jǎba ke ɛ mii kɛ̀ɛ jleě mǒ bo tonma!”

Wlɛ̀velesɔ̌n 20:10

È kǔǒ boo uu mǒ ɔ miě na wulǒ mǒ pooba ɛ̈ jǐi wnewne seɛ̌ jele, klě tàa doǒ nmiǒ ɔ klee sen le tmɔ̌ wnɔsàɔǒ u pooa lěe. Klě u miě nema u mǐ tu kɛn tùu lu tǒn klee chnɛ̀ ke ɛ mii jleě mǒ bo tonma.

Wlɛ̀velesɔ̌n 22:5

Tǒn wòwɔ seǎa kɛ̀ tà nema mu, ii tè u seǎ nǎpea klee wɛn sòaba mu. Koɔn Nyesoa Nɔ̀ mi fɔnma keǒ u kɛn, u miǎ win kwa kɔn ke ɛ mii jleě mǒ bo tonma.

Wlɛ̀velesɔ̌n 7:12

kě u dɛ̌a u je, “Kě bɛ ne. Tǐ wùɛ mɔ̀ nɛ bo äa Nyesoa Bɔ kɔn de bìsea klee tè jǐ boaboǎ klee tɔ̀n klee tàto pepeɛ klee bo tùtuɛ klee kpě plě kbě le popoɛ, kě bɛ ne!”