Wlɛ̀velesɔ̌n 14:1 - Nyesoaa Kuo Win Jajle

¹ È tà Ě keaǒo le tɛn, Ě jěa Blajǔǒ Ɔ̌ nynana bo keǒ Sàna togbee dlǒ. Nyopòǒ neaǒ Ɔɔ gbàa u nua taslěwɛɛ wlèe nyiɛta tùo hɛ̀n (144,000), u blěa Ɔɔ nynɛ̌ plě u blěa Ɔɔ Gbeǐi nynɛ̌ ɛ̈ chleěaa keǒ uu jigbàa gblee wnana mǒ.

Wlɛ̀velesɔ̌n 14:1 ပူးပေါင်းရင်းမြစ်များ

Lǔkù 12:8

Ě tmɛɛ̌ ane, nyu wùɛ ɔ̈ mii nyopò tùu tmɔɔ̌ma keǒ Ně tè mɔ̀ ɛ̈ moo ɔ po Ně tè kàan tè, ɔmoǒ nɔ̀ kɔn tè Jbɛjuu Jǔà Ɔ miǎ Nyesoaa najiǒpò je boɔba ɛ̈ moo Ɔ ji ɔlo ke.

Wlǔmɔ 9:33

Ɔ̈ Nyesoaa win boɛɛ lee kɛn ɛ̈ moo, “A tanàle, Ě miǎě Seɔ̌ klě Jlǔsnɛ diǎ bo tùba ɛ̈ u dɛɛ Sàna diě ke, Ɛ miǎ nyopòǒ miǎ Ɛ bòba wɔ̀ɔn le po, kɛɛ nyu wùɛ ɔ̈ miǎ Ɔɔ tè kàan tè poba, tònwe seǎ ɔ numa mu.” (Is 8.14, 28.16)

Wlɛ̀velesɔ̌n 14:14

Tà Ě keaǒo le tɛn, è Ě jěa nukpǎ ɛ̈ plɛ̌aa. È Nyuǒ neaǒo nukpǎǒ kɛn bo Ɔ wǒa Jbɛjuu Jǔ. Klɔ̀baa klò flɛ̌ nɛ̀ Ɔ tùa dlǒ, wonwɛ̌n kou bɛɛ̌ faka neaě Ɔ kwete mǒ.

Wlɛ̀velesɔ̌n 14:3

Wlɛ̌ jajlo nɛ̀ u blea keǒ klɔ̀ba gbèsɛɛ klee soaa hɛ̀nʼǒ jemǒ klee keǒ kunkunyoǒ jemǒ. Nyu wùɛ nɔ̀ seaě ɛ wɔ̀ bɔ̈ chěnʼa ɛmo wlɛ̌ǒ, ɛ̀ sìnʼǒ nyopòo taslěwɛɛ wlèe nyiɛta tùo hɛ̀nʼǒ ü kɔnaa wowa dɛ ü sɔna nɔɔ blǒ mɔ̀ mǒ.

Wlɛ̀velesɔ̌n 15:5

Tà dɛǒ ɛ sìnʼaa Ě jěa Nyesoaa kǎ fòɛ ɛ̈ moo Nyesoaa tè mɔ̀ sà ble ɛ neěe jɔkɛn ɛ̌ knana je,

Wlɛ̀velesɔ̌n 22:4

U mi Nyesoaa jigbà jěba, è Ɔɔ nynɛ̌ mi chleěba keǒ uu jigbèe gblee wnana mǒ.

Wlɛ̀velesɔ̌n 3:12

Nyu wùɛà mii duduɛ kɔnma, nɔ̀ Ě mi Ně Nyesoaa kǎ fòɛɛ tiblě mǒ numa plě ɛmoǒ ɔ se ɛ bo tetɛ kɔnma mu de. Ě miǒ ɔ Nyesoaa nynɛ̌ kɛn chlěba klee Ɔɔ dě fòɛɛ nynɛ̌ ɛ̈ monoo Jlǔsnɛ jajlo ɛ̈ miě Ɔɔ mɔ̀ mǒ sɔnma klě jɔkɛn ɛ̈ miɔɔ wɔ̀ɔn diba. Ě miě ɔ kɛn Ně nynɛ̌ jajlo chlěba ke.’

Wlɛ̀velesɔ̌n 4:1

Tà dɛǒ ɛ sìnʼaa, Ě keaǒo le tɛn, Ě jěa chnu ɛ̌ knana klě jɔkɛn. È winʼi doǒ Ě wɔ̌naa klekle nì boɛa lěě mɔ̀ wòje keà nokpa boɛɛ i je, “Jǎ, diɔ tàɔ, Ě mǐì noǎà tee le ï dɛà bɛ̌ sìnʼi ï mii tùɔn kpaba.”

Wlɛ̀velesɔ̌n 6:8

Ě keaǒ le tɛn, è Ě jěa sòko keà dɛ kplɔɔ, nyuǒ nɛɛa ɔɔ kɛn nɔ̀ kɔn nynɛ̌ mooa Kokoɛ̌ plě nyuǒ moo Hedì ɔ̌ nɛa ɔ de, Hedì sɛ̀n nynɛ̌ Kokǒ Nyoo Blǒ. U nyea u kpě keǒ kmɔ̌ɔ wakǎ gbe mɔ̀ keǒ bu kpala nyopò to mɔ̀ bu dbǎla u klee bu nua dodopà klee kweǎ klee kwlǎ slè soa kukwǐ ï neɔɔ blǒɔ mɔ̀ bu dbǎla u.