Wlɛ̀velesɔ̌n 13:7 - Nyesoaa Kuo Win Jajle

⁷ Ɔ sàeaǒ wun mɔ̀ bɔ kpala Nyesoaa nyopò to mɔ̀ bɔ dua lu. Kpě nyeea nɔ keǒ dakwɛ̌ wùɛ mɔ̀ klee nyopò wùɛ klee nyopòà pee dɔ̌ɔdɔ̌ win plě klee blě wùɛ.

Wlɛ̀velesɔ̌n 13:7 ပူးပေါင်းရင်းမြစ်များ

Lǔkù 4:6

È kě kǔ dɛ̌a Ɔ je ɔ je, “Kmɔ̌ɔ kbě klee tè jǐ boaboǎ wùɛà mǒ i nyee ne, ii tè nyu wùɛ ně plɔ mii kɛn blooba nɔ̀ Ě mi i nyema.

Jɔ̀ɔ̌n 19:11

È Jùsu tùa ɔ kɛ̀ɛn Ɔ je, “Sè kpě tìi kɔn kěàǎ jleě mǒ, ɛ̀ sìnʼǒ kpě bǐ sɔnʼě jɔkɛn mǒ plě. Tèǒ ni kɔn tè nyuà ɔ̈ dǔ Mǒo mǒ ɔ̈ poɔ Mǒ mòo kwete mǒ nɔ̀ kɔn kpni kukwǐ tè jɛɛa fòɛ sìnʼǒò mǒ.”

Wlɛ̀velesɔ̌n 10:11

È u tmɔɔ̌aǎ ne, kě u dɛ̌a u je, “Kɔ̀n bò sà Nyesoaa win wan de klě nyopò fòfoa jleě mǒ klee dakwɛ̌ klee nyopòà pee dɔ̌ɔdɔ̌ win plě klě klɔ̀bapoo mɔ̀.”

Wlɛ̀velesɔ̌n 11:18

Dakwɛ̌ wùɛ nù pea jlo, kɛɛ klě tǐà wlòmo Nè jlo neà ne plě ɛ nu tǐ keǒ Bò tù blilǐ keǒ kokǒ nyo mɔ̀ klee Bò sà Nè na wien po nyebajle klee nynejlu klee wnɔsàɔpo klee Nè nyopò tùu snǒ, jà nyefòe klee nyeflabutupò ü nyeǒ Mòo tùtuɛ. Ɛ nu tǐ de keǒ Bò sùe nyopòà gbè ü nymiaa kmɔ̌à jǐ le!”

Wlɛ̀velesɔ̌n 11:7

Bɛ̌ nu bǔ wɔ̀ uu sàse dɛǒ mɔ̀, nmi kukǔ fòɛ ɔ̈ miěe bǐtìe fòɛǒ see mɔ̀ kɔn wan mǒ sɔnma, nɔ̀ mi u tùngmaema ɔ̈ mi u ja jǎba, ɔ mi u wan duba ɔ mǐ u dbǎ.

Wlɛ̀velesɔ̌n 12:17

È dɔsmɛ nɔ̀ǒ bea jlo měne chɔɔ keǒ nynɔǒ mɔ̀, ii tè ɔ mua ɔ̌ tòala to keǒ nynɔǒ ɔɔ jlǔu jlǔ tùu mɔ̀ ü tùiǒo dɛà Nyesoa tmɛɛ̌ uu bo klee ü nii Jùsuu sàse dɛ keǒ nyopò tùu mɔ̀.

Wlɛ̀velesɔ̌n 17:15

È kě najiǒpòiǒ ɔ dɛ̌aǎ je ɔ je, “Neǎ sakaǐǒ jèe ïǒ gblà nynɔǒ ɔ neaǒo kɛn bo i nynaǒ pènmo bo tùonyopo wùɛ, jà diblɛ̌ fòfoa klee blě klee nyopòà pee winʼi doědoe.

Wlɛ̀velesɔ̌n 5:9

U blea wlɛ̌ jajlo, è kě uu wlɛ̌ win dɛ̌a ɛ̈ moo, “Mò ɛ blɛɛ je Bɔ̈ dǔ ɛmo plaplǎ chněedɛ̌à mǒ Bɔ̈ sà ɛ sluu wùɛǒ jele. Mɛ kɔɔ̌n tèǒ joo nɛ̀ moo u dbǎlaà le, è Nè nymɔǒ nɛ̀ nù È tɔ̀n nyopò keǒ Nyesoa mɔ̀ ü sɔnʼɔ blǒ wùɛ kɛn mǒ plě ü pee winʼi doědoe plě ü sɔnʼɔ dakwɛ̌ wùɛ mɔ̀ měne klee tùonyopoo doědoe wùɛ.