Wlɛ̀velesɔ̌n 13:6 - Nyesoaa Kuo Win Jajle

⁶ Klě tǐǒ wlòmo ɔ pea Nyesoa fla wan klee Ɔɔ nynɛ̌ klee tùɔnʼǒ kɔn kɛn Ɔ neěe plě nyopòǒ neěe jɔkɛn.

Wlɛ̀velesɔ̌n 13:6 ပူးပေါင်းရင်းမြစ်များ

Matiɔ̌n 12:34

A kɔn wlè kukwǐ wòje chì nyeě ngmɛ̀ɛ smea, tà dɛ kukǔ neě amoo wlè jleě, ke tae aa nyu wɔ̀le je bɔ nuǔ kɛ kàan tè boɔboɔ? Sɛjesɛ dɛà tùonyu boɛɛ klě ɛ sonwɛě ɔɔ wlò jleě mǒ.

Matiɔ̌n 15:19

Ii tè dɛ kukǔ dlǒ le sìɛnsiɛn klee mnùngma popoɛ klee wlawle nunuɛ klee gblà popoɛ klee jlijlɛ̌ klee sen le tmɔtmɔ̌ plě klee nyu mǒ feflea ii wùɛà i sonwɛě mǒ wlò jleě.

Jɔ̀ɔ̌n 1:14

Win beaě tùonyu tǔn wlòmo Ɔ̌ nea nɔ ä slè klě tǐ gbei wlòmo. Tà Ɔ neěa jèɔ ämoo slè, ä jěa Ɔɔ tè jǐ boaboǎ ɛ̈ Ɔ kɔnaa wòje Ɔɔ Gbeǐ Nyesoaa Jǔu do. Ɔ kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ plě Ɔ̌ tmɛɛ̌ ä kàan dɛ.

Wlǔmɔ 3:13

Uu boɔboɔ win nymi le jǐ wòje nǒ ɛ̈ sonwɛ lěe wan kà tnè bǐtìe wan mǒ. Uu mɛ gbee uu bǐì mǒ, uu win kukwǐǒ sonwɛě uu wan mǒ i wǒ je smɛɛ wè. (Ps 5.9, 140.3)

Klasɔ̌n 1:19

Mɛ kɔɔ̌n tèǒ joo nɛ̀ moo Nyesoa poa ɛ ble keǒ bo Tentǎn Jǔ Bɔ wǒa Ɔmo Nyesoaa chɛ̀ je teěn

Klasɔ̌n 2:9

Mɛ kɔɔ̌n tèǒ joo nɛ̀ moo Tentǎn Jǔ wǒ je Nyesoa teěn teěn.

Hiblǔ 9:2

Bleǒ u peaa ɛ kɔna blèe sɔ̌n, klekle blòǒ wlòmo klě nǎpea tu fòɛ nynanaě bo klee tiblě klee flɔ̌ɔà u nyee Nyesoa. Ɛmo tùɔnʼǒ u dɛɛa ɛ ngmà je ne tùɔn.

Hiblǔ 9:24

Tentǎn Jǔ seaě bleà tùonyopo poo bobo pa ɛ̈ mooa blee chɛ̀ǒ ɛɛ sùsu. Ɔ muě jɔkɛn klě Ɔ neě kekɛɛà keǒ Nyesoa jemǒ Ɔ̌ bɛ̀te keǒ äa tèe tà.

Wlɛ̀velesɔ̌n 11:12

È wnɔsàɔpoo sɔ̌nʼǒ u wɔ̌na win ï peaa sàe klě jɔ mǒ ï dɛ̌a bò uu je ɛ̈ moo, “A diɔ jɔ mǒ!” Uu jlae nyo keaǒ u mɔ̀le tɛn, è nùǒ mua jɔkɛn klě nukpǎ kɛn.

Wlɛ̀velesɔ̌n 12:12

Tèǒ nì kɔn tè jɔkɛn klee nyopò wùɛǒ neěe a nu chǒn le! Kɛɛ chlǒ keǒ blǒ klee jbǒ mɔ̀. Mɛ̌oǒ joo nɛ̀ moo klě a mɔ̀ wɔ̀ɔn klě kǔǒ ɔ diě. Ɔ ji ɛle ɔɔ tǐ see kɛ̀ jleě mǒ bo tmɔ, ii tè ɔ pe jlo ɛ̌ sìnʼǒ le.”

Wlɛ̀velesɔ̌n 15:5

Tà dɛǒ ɛ sìnʼaa Ě jěa Nyesoaa kǎ fòɛ ɛ̈ moo Nyesoaa tè mɔ̀ sà ble ɛ neěe jɔkɛn ɛ̌ knana je,

Wlɛ̀velesɔ̌n 18:20

Nyopòǒ neěe jɔkɛn bu nu chǒn le keǒ Babòlɔnʼɔ wɔ̀ɔn bebeɛ mɔ̀. Nyesoaa jebo siǐn nyo klee tuposà kpa nyo klee wnɔsàɔpo a nu chǒn le! Nyesoa maěǒ ɛɛ plɔ tu kɛn bo keǒ dɛ ɛ nu amoo mǒ mɔ̀!’ ”

Wlɛ̀velesɔ̌n 21:3

Dɛ tɛ̀ɛ kɛnaǒo nɛ̀ moo Ě wɔ̌na win ï jɛ̌a lěe ï sonwɛa lěe klɔ̀ba gbèsɛɛǒ kɛn mǒ, kě i dɛ̌a i je, “Klě tǐà wlòmo Nyesoaa tùɔn ɛ neɔ tùonyopo slè! Ɔ miɔ u slè nema u mǐ Ɔɔ nyopò mono, è Ɔɔ chɛ̀ miě u mɔ̀ neema wòje uu Nyesoa.

Wlɛ̀velesɔ̌n 4:1

Tà dɛǒ ɛ sìnʼaa, Ě keaǒo le tɛn, Ě jěa chnu ɛ̌ knana klě jɔkɛn. È winʼi doǒ Ě wɔ̌naa klekle nì boɛa lěě mɔ̀ wòje keà nokpa boɛɛ i je, “Jǎ, diɔ tàɔ, Ě mǐì noǎà tee le ï dɛà bɛ̌ sìnʼi ï mii tùɔn kpaba.”

Wlɛ̀velesɔ̌n 4:4

Klɔ̀ba gbèsɛii wlò tùo hɛ̀n tìi nì tbɛɛa Ɔɔ klɔ̀ba gbèsɛɛǒ dǐ. È kunkunyoo wlò tùo hɛ̀n nù nea i kɛn ble ü poaa wlawlě plǐ měne plě ü tùaa klò fleǎ dlǒ le.

Wlɛ̀velesɔ̌n 5:13

Ě wɔ̌na noǎ wùɛ ï neaa kmɔ̌ ii win klě jɔkɛn klee kělɔ blǒ mɔ̀ klee klě blǒ bobo plě noǎǒ neěe jbǒ mɔ̀ ǐ blea, kě i dɛ̌ i je, “Keǒ Nyuǒ neǒo klɔ̀baa gbèsɛɛǒ kɛn bo mɔ̀ plě keǒ Blajǔǒ mɔ̀, nɛ bo de bìsea klee bo tùtuɛ klee tè jǐ boaboǎ plě klee kpě bi kɔnʼǒ Ɔ mɔ̀ ke ɛ mii jleě mǒ bo tonma!”

Wlɛ̀velesɔ̌n 7:15

Dɛǒ nɛ̀ nu ɛ klě tǐà wlòmo ǔ nynaǒ Nyesoaa klɔ̀ba gbèsɛɛ jemǒ bo tǒn klee chnɛ̀ ǔ sɛ̀ Ɔɔ wɛ̀ klě Ɔɔ kǎ fòɛ bo. È Nyuǒ neǒo klɔ̀ba gbèsɛɛǒ kɛn bo Nɔ̀ mi u naema.

Wlɛ̀velesɔ̌n 7:9

Tà dɛǒ ɛ sìnʼaa, Ě keaǒ le tɛn Ě jěa diblɛ̌ fòfoa ü sea lěe slèslɛ wɔ̀, nù sonwɛa dakwɛ̌ wùɛ mɔ̀ měne klee blě wùɛ kɛn le klee nyopò wùɛ slè le plě nyopò wùɛà pee dɔ̌ɔdɔ̌ win nù nynanaǒ Blajǔǒ Ɔɔ klɔ̀ba gbèsɛɛ jemǒ bo, u pea wlawlě plǐ pɛ̀ti ǔ blěa snɛwɛi kwa le.