Wlɛ̀velesɔ̌n 13:3 - Nyesoaa Kuo Win Jajle

³ Nmiǒ ɔɔ dlǒ do wǒa keà dɛ tbala ɛɛ ɛ̈ blɛɛ je bɛ dbǎla lɔɔ, kɛɛ chìe fòɛǒ ɛ wɛ̀a le. Nyopò wùɛ neaɔɔ kmɔ̌ɔ mɔ̀ ɛ̀ kàea u le wan ǔ nɛa nmiǒ de.

Wlɛ̀velesɔ̌n 13:3 ပူးပေါင်းရင်းမြစ်များ

Lǔkù 2:1

Klě tǐǒ wlòmo Klɔ̀ba Akɔsɔ̀ nɔ̀ poa tetě ɔ je nyopò wùɛ ü nea lɔɔ kmɔ̌ɔ mɔ̀ bu poa uu nyneǎ.

Jɔ̀ɔ̌n 12:19

Tà Fɛlesǐi wǎn jěa ɛmoo dɛǒ, è kě u dɛ̌a klě uu chɛ̀ slè u je, “Dɛà ä nii ɛ see kɛ̀ dɛ kɛn bo nyna, a jè nyopò wùɛà Nɔ̀ u nɛɛ kɛ̀ de.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:13

Saemɔ̌ɔ chɛ̀ poa i kàan tè ɔ̌ pooa ně dlǒ ke. È tà ɔ sìnʼa lěe tǐ pɛ̀ti keǒ Felɔ̌ gbàa ɔ jěaa wlòlekaen noǎ klee wan bo kàe noǎa Felɔ̌ niaa, è i kaenʼa ɔ le wlò.

Wlɛ̀velesɔ̌n 13:12

Sɔ̌n nonɔ nmiǒ ɔ nia klekle nmiǒ ɔɔ konkwa ɔ̌ gbɛ̀tɛɛa ɔɔ kpě le klě tà wùɛ, ɔ kpae blǒà ɛ klee nyopò wùɛ neɔ ɛɛ mɔ̀ kbě keǒ bu sàla klekle nmiǒ ɔɔ wɛ̀ ɔ̈ kɔn chìe fòɛ wɛ̀aa.

Wlɛ̀velesɔ̌n 13:14

Nɔ̀ booa nyopò wùɛ ü nea nɔɔ blǒɔ mɔ̀ keǒ ɔɔ wlòlekaen noǎ ɔ niaa mɔ̀ ï u sɔnaǒ ɔɔ mɔ̀ mǒ bɔ nuaa keǒ klekle nmiǒ pènmo. Ɔ tmɔɔ̌a nu bu nua klekle nmiǒ ɔɔ sùsu tu bɛ nynanaǒ ɔ pènmo bo keǒ ɔɔ tùtuɛ mɔ̀ ɔ̈ u nuaa pan u tbalaa dɛ, kɛɛ ɔ̈ neěa jèe kmɔ̌.

Wlɛ̀velesɔ̌n 17:10

Uu m̀m wùɛ nù u du wan ɛ̌ wɛ̀ mɔ̀le. Klě tǐà wlòmo u nyuu do nɔ̀ kɔn win kwa, è u nyuu do tɔ̀ɔ nɔ̀ sěɛɛ̌ jè lě di. Bɛ̌ nu bɔ̌ diě, ɔɔ win kwa konkɔn se jleě mǒ bo tmɔma mu.

Wlɛ̀velesɔ̌n 17:11

Nmiǒ neaa kmɔ̌ plě ɔ̈ see kɛ̀ɛ kmɔ̌ ne klě tǐà wlòmo nɔ̀ nynaǒ klɔ̀bapooǒ uu nnyɛɛ̀ nonɔ pènmo bo, klě ɔ kɔnʼě klɔ̀bapoo nyiɛtaǒ slè, gbè sùesuɛǒ nɛ̀ ɔ miě jǐ mǒ.

Wlɛ̀velesɔ̌n 17:13

Uu wùɛ uu wlè da dɛɛ do plě u miě uu kpě sàba klee dɛ win kwa konkɔn u mǐ i nmiǒ nye.

Wlɛ̀velesɔ̌n 17:17

Nyesoa nye u wlòo ble po dɛǒ ǔ wɔɔn ɛ kɛn keǒ bu sàǒ uu win kwa kɔn kpě bu nye i nmiǒ ɛ mǐ ɛ kpa kpa Nyesoaa win miǒ jaě le.

Wlɛ̀velesɔ̌n 17:6

Ě jěa nynɔǒ Nyesoaa nyopòo nymɔɔ nmɔ nia nɔ klee nyopòà tmɛɛ̌ nee nyopò tùu Jùsuu tè uu nymɔ ke. Tà Ě keaǒo gblà nynɔǒ mɔ̀ bo chè, ì kàeaǎ le wan chɔɔ.

Wlɛ̀velesɔ̌n 17:8

Nmiǒ jèaa ɔ nea kmɔ̌, kɛɛ ɔ see kɛ̀ kmɔ̌ ne. Ɔ seǒ wlɛ̀ba mu ɔ miě bǐtìe fòɛǒ see mɔ̀ kɔn wan mǒ sɔn ɔ mǐ mu ɔ mǐ gbè sùee le. Nyopòà neɔɔ blǒɔ mɔ̀ ü kɔn nyneǎ sěɛlǎa chleě le klě fònfno chněedɛ̌ wlòmo sɔɔnʼě kmɔ̌à ɛɛ wlò tùla mǒ bǔ jě nmiǒ, ɛ mi u wlò le kaenma. Mɛ̌oǒ joo nɛ̀ moo ɔ nea kmɔ̌ plě ɔ̌ see kɛ̀ kmɔ̌ ne klě tǐà wlòmo, kɛɛ ɔ mi kmɔ̌ nema de.