Wlɛ̀velesɔ̌n 13:18 - Nyesoaa Kuo Win Jajle

¹⁸ Jè chɛtlǐi ngmni dǒ nɛ̀à ɛ̈ sòɛɛ nyu bɔ kɔnʼɔ tɔ̀n plě ɔ mǐi mɔ̀ sà. Nyu wùɛ ɔ̈ kɔn dlǒ tɛnʼɛ le, nɔ̀ wɔ̀le je bɔ̈ sèsae nmi tìɛn ɛɛ tè kɛn le, ɛɛ tìɛnʼǒ ɛ nynaǒ pènmo bo jbɛjuu nynɛ̌. Ɛɛ wun dɛǒ bò kpokpae ɛɛ jlǐ wlě mɔ̀le i nu hɔ̀ndlowɛɛ m̀mɔdo tùo wlèe tan tùo m̀mɔdo (666).

Wlɛ̀velesɔ̌n 13:18 ပူးပေါင်းရင်းမြစ်များ

Mǎkè 13:14

Jùsu kpɛɛa Ɔɔ win nya Ɔ je, “Bɛ̌ nu bǎ jěǎ dɛ kukǔ ɛ̈ Nyesoaa wnɔsàɔ Dàneɔ̌ sàlaa wan seela bɛ̌ nynanǎ bo keǒ tùɔnʼà kɔn kɛn ɛ̈ seǒo kɔn, è nyopòǒ neěe Jùdǐa wakǎ kɛn bu kpalǎě togbei dlǒ plùplɛ u miǎ gblàgbla kɔn.” È nyu wùɛ bɔ̌ slè winʼà bɔ̈ jbo tè i boɔɔ le.

Wlǔmɔ 3:5

Kɛɛ dɛà nɛ̀ nyopòo tìe chɛtlǐi mǒ ɛ̈ moo, äa kpni kukwǐ nì tee ɛ ke Nyesoa nuǒo jebo siǐan. Mɛ̌oǒ de bä nuǔ kpni kukwǐ plě Ɔ̌ bee leě ämo jlo měne? Uu chɛtlǐiaǒ ɛ ne kɛǒ mɔ̀ snǔ le?

Wlɛ̀velesɔ̌n 1:3

Nyuà mii Nyesoaa wnɔsà winʼà slèba ɔ kɔn ngmna, dɛɛ doǒ nɛ̀ ɛ mono keǒ nyopòà mi nii wɔ̌nma plě ü mi nii kàan tè poba mɔ̀ ï kɔn tè chleě lee kělɔ chněedɛ̌ɔ wlòmo. Mɛ̌oǒ joo nɛ̀ moo tǐ mǎ bo je keǒ noǎ wùɛà bi kpa tùɔn.

Wlɛ̀velesɔ̌n 15:2

È Ě jěa dɛ ɛ̈ wǒaa jělae jbǒ ɛ̈ klee na chìseea klee nyopò ü nynanaǒo jbǒǒ wien bo ü duaa nmiǒ wan klee ɔɔ sùsu tu plě klee ɛɛ nynɛ̌ɛ tìɛn, u blěa kanǐkài kwa le ï Nyesoa nyea nuu.

Wlɛ̀velesɔ̌n 17:9

Plě mì ɔɔ dɛ le jbo, ɛ sòɛ nyu bɔ kɔn tɔ̀n. Nmiǒ ɔɔ dlěe nyiɛtaǒ i nynaǒ pènmo bo togbeii nyiɛtaǒ nynɔǒ ɔ nee dlǒ bo. È dlěe nyiɛtaǒ i nynaǒ pènmo bo klɔ̀bapoo nyiɛta ke.

Wlɛ̀velesɔ̌n 21:17

Ɔ dbea ɛɛ ngmì ble, ɛɛ ja tmɔtmɔ nua bewee hɔ̀ndlowɛɛ sɔ̌n tùo pù pù tùo m̀mɔdo (216) wǒje ke u nia u blěe noǎ ble dbedbɛ klě tǐǒ wlòmo.