Wlɛ̀velesɔ̌n 13:16 - Nyesoaa Kuo Win Jajle

¹⁶ Ɔmo nmiǒ ɔ kpɛɛa nyopò wùɛ kpě ke, jà nyeflabutupò, nyefòapo, pònpan nyo, sònwɛ nyo klee kèiapo plě nyopòà see kèiapo keǒ bu mǎnaǒ u mǎkpee dilǎ son mɔ̀ bo klee keǒ uu jigbàa gblee wnana mǒ

Wlɛ̀velesɔ̌n 13:16 ပူးပေါင်းရင်းမြစ်များ

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:22

kɛɛ Nyesoa dǔaǎ mǒ sɛ̀ɛ mǒ ɛ̌ jɛ chnɛ̀ jlǒ waěà. Tèǒ nì kɔn tèà Ě nynaà tàa bo Ě ni Ɔɔ sàse dɛ klě nyeflabutupò klee selǐjlu mɔ̀. Ě boɛ dɛà Nyesoaa wnɔsàɔpo klee Mɔ̀sě je ɛ miaa tùɔn kpaba seela tǐ jleě sosǒ

1 Kwnɛtiɛ̌ 12:13

Tà ä poaa ně dlǒ, baǎje bò mooa Jùwɛ nyu ɔ̀ɔ̌ kuadakɔ̌ nyu ɔ̀ɔ̌ kèi ɔ̀ɔ̌ bò se kpo bo ne, Ɛmo Sùsuu doǒ Nɛ̀ poǒ äa wùɛ tàa do ä wǒ je fǒo do. È Nyesoa nye äa wùɛ Sùsuu doǒ Bɛ beě ä ja.

Kalesiɛ̌n 3:28

Tèǒ nì kɔn tè mɔ̀le bebɛ̌ seǒ Jùwɛ nyo klee kuodakwɛ̌ slè ne klee keǒ kèiapo klee nyopòà see kèiapo slè ne plě keǒ jbɛju klee nynɔ slè. Aa wùɛ a moo dɛɛ do klě aa tè wlò popoɛ mǒ ɛ̈ a kɔnʼɔ klě Tentǎn Jǔ Jùsu mǒ.

Kalesiɛ̌n 6:17

Ě blě pǎ keàǎ jleě mǒ ɛ̈ tee ɛ ɛ̈ moo Ě nii Jùsu mɔ̀ konkwa, ii tè Ě se sòa nyu wùɛ bɔ tùu kɛ̀ɛ̌ feanfeǒ.

Ifisiɛ̌n 6:8

Bi beě a wlò jleě ɛ̈ moo nyu wùɛ ɔ̈ nii kàan dɛ, Koɔn mi ɔ snǒ sàba, baǎje nɔ̀ moo kèi ɔ̀ɔ̌ nɔ̀ se kèi.

Klasɔ̌n 3:11

Klě aa kmɔ̌ jajlo neneɛ wlòmo, ɛ slě ɛ mɔ̀ kɔn bo nyu bɔ̌ moo kuadakɔ̌ nyu ɔ̀ɔ̌ Jùwɛ nyu ɔ̀ɔ̌ bɔ̌ bɛ̌ foeě ɔ̀ɔ̌ bɔ̌ se foeě bɛ̌ ɔ̀ɔ̌ bɔ̌ moo dakpǎi klě a slè klee bɔ̌ moo klìgba mǒ sɔn nyu ɔ̀ɔ̌ bɔ̌ moo kèi ɔ̀ɔ̌ bɔ̌ se kèi. Kɛɛ dɛ kɔn tè kmaa sɛje nɛ̀ moo dɛ wùɛ a mii numa bɛ moo Tentǎn Jǔu konkwa nunuɛ tǐ wùɛ mɔ̀.

2 Timɛtě 3:8

Nyopò taeǒ u sà kàan dɛ mɔ̀ jleě wòje keǒ nynoà uu ka neaa je ü moo Jɛnɛ̌ klee Jɛnblɛ̌ ü sàlaa Mɔ̀sě jleě mɔ̀. Umo nyopòǒ u sea tè wlò popoɛ kɔn klě Tentǎn Jǔ mǒ, ii tè dɛ kukǔ sosǒ nɛ̀ u sìɛnʼa dlǒ mɔ̀le, nɛ̀ nua nɛ Nyesoa sàla u jleě mɔ̀.

Wlɛ̀velesɔ̌n 11:18

Dakwɛ̌ wùɛ nù pea jlo, kɛɛ klě tǐà wlòmo Nè jlo neà ne plě ɛ nu tǐ keǒ Bò tù blilǐ keǒ kokǒ nyo mɔ̀ klee Bò sà Nè na wien po nyebajle klee nynejlu klee wnɔsàɔpo klee Nè nyopò tùu snǒ, jà nyefòe klee nyeflabutupò ü nyeǒ Mòo tùtuɛ. Ɛ nu tǐ de keǒ Bò sùe nyopòà gbè ü nymiaa kmɔ̌à jǐ le!”

Wlɛ̀velesɔ̌n 15:2

È Ě jěa dɛ ɛ̈ wǒaa jělae jbǒ ɛ̈ klee na chìseea klee nyopò ü nynanaǒo jbǒǒ wien bo ü duaa nmiǒ wan klee ɔɔ sùsu tu plě klee ɛɛ nynɛ̌ɛ tìɛn, u blěa kanǐkài kwa le ï Nyesoa nyea nuu.

Wlɛ̀velesɔ̌n 19:18

ɛ̈ di ɛɛ numa a mǐ klɔ̀bapoo fě di klee tabɔ̀ɔ je si nyo plě kpě mǒ ne nyopò klee sòkwe plě ii kɛn nae nyo klee tùonyopo wùɛɛ fě, jà kèiapo klee nyopòà see kèiapo klee nyeflabutupò plě nyopòà kɔn tè kmaa.”

Wlɛ̀velesɔ̌n 19:20

Klě toǒ kɛn nmiǒ ɔ kmeea ne, dɛɛ doǒ nɛ̀ mooa sen le tmɔ̌ wnɔsàɔǒ ke ɔ̈ niaa wlòlekaen noǎ keǒ nmiǒ mɔ̀ ï booa nyopò mǒ ü kɔnaa nmiǒ ɔɔ mǎkpee plě ü sɛ̀a ɔɔ sùsu tuu wɛ̀. Nmiǒ ɔ klee sen le tmɔ̌ wnɔsàɔǒ u kɛ̀na kmɔ̌ bo ǔ tuǔnʼaě u naa wulǒ mǒ ɛ̈ wnewne seɛ̌ jǐaa je.

Wlɛ̀velesɔ̌n 19:5

È winʼà sɔna lěe chɔ̀no tògbee kǒngmàǒ kɛn mǒ, kě i dɛ̌a i je, “Aa wùɛà moo Nyesoaa nyebajle klee nynejlu ü jě Ɔɔ dɛ mǒ, jà nyeflabutupò klee nyopòà kɔn tè kmaa, a bìse Ɔ le!”

Wlɛ̀velesɔ̌n 20:12

È Ě jěa kokǒ nyo, jà nyeflabutupò klee nyopòà kɔn tè kuun, uu wùɛ ǔ nynanaǒ klɔ̀ba gbèsɛɛǒ jemǒ bo. È chněenoǎa tìeǒ neaǒo ì knaea je, è chněedɛ̌ tɛ̀ɛ ɛ̈ moo fònfno chněedɛ̌ ɛ̀ knaea je, kokǒ nyoǒ uu blilǐ tùua wòje dɛ wùɛ u nuaa ɛ̈ chleěa lěe chněenoǎǒ wlòmo.

Wlɛ̀velesɔ̌n 20:4

È Ě jěa klɔ̀ba gbèsɛi ï nyopò neaa kɛn ble ü kpě nyeea bü tùaa blilǐ. Ě jěa nyopòà uu sìsi ü u bɛ̌aa dlě jele keǒ Jùsuu sàse dɛ nunuɛ tè mɔ̀ klee Nyesoaa win boɔboɔ tè. U sea nmiǒ ɔ klee ɔɔ sùsu tuu wɛ̀ sà plě u sea ɔɔ mǎkpee blě keǒ uu jigbàa gblee wnana mǒ klee keǒ uu son kɛn. Nù sɔnaě kǒla mǒ ü klee Tentǎn Jǔ kɔna win kwa klě jlěe taslěwaeǒ wlòmo.

Wlɛ̀velesɔ̌n 6:15

È kmɔ̌à ɛɛ klɔ̀bapoo klee win kwa kɔn nyo klee tabɔ̀ɔ jǐgbàdiɔpo klee pònpan nyo klee kbě mǒ ne nyo klee kèiapo wùɛ klee nyopòà see kèiapo, è nùǒ wɛ̌a klě bǐtìi wan le klee klě seɛ̌ slè ï neaa togbei fòeǒ mɔ̀le.

Wlɛ̀velesɔ̌n 7:3

È kě ɔ dɛ̌a u je ɔ je, “Aǎ ni blǒà dɛ mǒ klee jbǒ klee ti wùɛ ɛ mǐ ɛ kpa kpa Nyesoaa nyebajle klee nynejlu wùɛ ä mǐ u Ɔ̀ɔ sluu kɛn ble mǎ keǒ uu jigbàa gblee wnana mǒ.”