Wlɛ̀velesɔ̌n 13:15 - Nyesoaa Kuo Win Jajle

¹⁵ È u sɔnaǒ sɔ̌n nonɔ nmiǒ mɔ̀ mǒ ɔ̌ poa klekle nmiǒ ɔɔ sùsu tuǒ fònfno mǒ. Dɛǒ nɛ̀ nu ɛ ɛ̌ wɔ̀le ɛ keǒ bɛ boɔ wien klee ɛ mǐ nyu wùɛ dbǎ ɔ̈ se ɛɛ wɛ̀ sàba mu.

Wlɛ̀velesɔ̌n 13:15 ပူးပေါင်းရင်းမြစ်များ

Jìmǐse 2:26

Dɛɛ doǒ nɛ̀ ɛ mono, keǒ fǒ nuu bo sùsu bɛ̌ slě ɛɛ mǒ ne ɛ̌ kwěe, kě nyu wùɛɛ tè wlò popoɛ ni, bo kàan dɛ bɛ̌ se ɛ debo mǎ, ɛ se tè wlò popoɛ.

Wlɛ̀velesɔ̌n 13:1

Ě jěa nmi kukǔ fòɛ ɔ̌ sonwɛaě jbǒǒ mɔ̀ mǒ. Ɔ nea dlǒ ngmèe pù klee dlěe nyiɛta. Ɔɔ ngmèǒ i nea dlǒ le fleǎa pù plě nynɛ̌à peaa Nyesoa fla wan ɛ̌ chleěa keǒ ɔɔ dlǒ wùɛ kɛn.

Wlɛ̀velesɔ̌n 13:12

Sɔ̌n nonɔ nmiǒ ɔ nia klekle nmiǒ ɔɔ konkwa ɔ̌ gbɛ̀tɛɛa ɔɔ kpě le klě tà wùɛ, ɔ kpae blǒà ɛ klee nyopò wùɛ neɔ ɛɛ mɔ̀ kbě keǒ bu sàla klekle nmiǒ ɔɔ wɛ̀ ɔ̈ kɔn chìe fòɛ wɛ̀aa.

Wlɛ̀velesɔ̌n 13:14

Nɔ̀ booa nyopò wùɛ ü nea nɔɔ blǒɔ mɔ̀ keǒ ɔɔ wlòlekaen noǎ ɔ niaa mɔ̀ ï u sɔnaǒ ɔɔ mɔ̀ mǒ bɔ nuaa keǒ klekle nmiǒ pènmo. Ɔ tmɔɔ̌a nu bu nua klekle nmiǒ ɔɔ sùsu tu bɛ nynanaǒ ɔ pènmo bo keǒ ɔɔ tùtuɛ mɔ̀ ɔ̈ u nuaa pan u tbalaa dɛ, kɛɛ ɔ̈ neěa jèe kmɔ̌.

Wlɛ̀velesɔ̌n 14:11

Naǒ Ɔ mii numa Ɔ mǐ uu dɛ wan le pae le ɛɛ nǎno mi jɔ mǒ muma ke ɛ mii jleě mǒ bo tonma. Tǒn klee chnɛ̀ nyopòǒ ü sɛ̀ɛ nmiǒ ɔɔ wɛ̀ klee ɔɔ sùsu tu plě nyu wùɛ ɔ̈ blě ɔɔ nynɛ̌ɛ mǎkpee, u slě kɛn le sèsa kɔnma mu.”

Wlɛ̀velesɔ̌n 14:9

Najiǒpòo tan nonɔǒ ɔ nana ɔɔ bǐì sɔ̌nʼǒ de ɔ̌ jɛɛ̌aě win, kě ɔ dɛ̌a ɔ je, “Bɛ̌ nu nyu wùɛ ɔ̈ mii nmiǒ ɔɔ wɛ̀ sàba klee ɔɔ sùsu tu plě ɔ̈ mi ɔɔ mǎkpee kɔnma keǒ ɔɔ jigbàa gblee wnana mǒ klee keǒ ɔɔ son kɛn,

Wlɛ̀velesɔ̌n 16:2

Tà nyane najiǒpòiǒ ɔ wlǎla ɔɔ fuo bo kělɔ blǒ mɔ̀, chnechně noǎa kukwǐi chìi nì wěa tùonyopo fǒ měne ü blěaa nmiǒ ɔɔ mǎkpee plě ü sɛ̀a ɔɔ sùsu tuu wɛ̀.

Wlɛ̀velesɔ̌n 16:5

Ě wɔ̌na najiǒpòiǒ ɔɔ win ɔ̈ neǎa kpě nea lěe kwete mǒ ɔ je, “Ngmà Je Ne Nyesoa Ɔ̈ ɛ tùaa plě ɛ tùu, Nè wlòo ble po dɛà ɛ slɛɛ̌ mǒ no keǒ dɛà nùu kɛn.

Wlɛ̀velesɔ̌n 17:14

U mi Blajǔ to mɔ̀ kpaba Ɔ klee Ɔɔ nyopò Ɔ sà lěe Ɔ daa bü na Ɔɔ de plě ü ma lěe sèn bo keǒ Ɔ mɔ̀. U mi nyopòǒ duba. Mɛ̌oǒ joo nɛ̀ moo Blajǔǒ Nɔ̀ moo koɔnpòo Koɔn plě Nɔ̀ moo klɔ̀bapoo Klɔ̀ba.”

Wlɛ̀velesɔ̌n 17:17

Nyesoa nye u wlòo ble po dɛǒ ǔ wɔɔn ɛ kɛn keǒ bu sàǒ uu win kwa kɔn kpě bu nye i nmiǒ ɛ mǐ ɛ kpa kpa Nyesoaa win miǒ jaě le.

Wlɛ̀velesɔ̌n 17:6

Ě jěa nynɔǒ Nyesoaa nyopòo nymɔɔ nmɔ nia nɔ klee nyopòà tmɛɛ̌ nee nyopò tùu Jùsuu tè uu nymɔ ke. Tà Ě keaǒo gblà nynɔǒ mɔ̀ bo chè, ì kàeaǎ le wan chɔɔ.

Wlɛ̀velesɔ̌n 18:20

Nyopòǒ neěe jɔkɛn bu nu chǒn le keǒ Babòlɔnʼɔ wɔ̀ɔn bebeɛ mɔ̀. Nyesoaa jebo siǐn nyo klee tuposà kpa nyo klee wnɔsàɔpo a nu chǒn le! Nyesoa maěǒ ɛɛ plɔ tu kɛn bo keǒ dɛ ɛ nu amoo mǒ mɔ̀!’ ”

Wlɛ̀velesɔ̌n 18:24

Nyesoaa nyopò klee Ɔɔ wnɔsàɔpoo nymɔ klě ɛ neě Babòlɔn wlòmo. Nyopò wùɛà u dbǎa chɛ̀ kělɔ blǒɔ mɔ̀ uu nymɔ neě ɛ wlòmo.”

Wlɛ̀velesɔ̌n 19:20

Klě toǒ kɛn nmiǒ ɔ kmeea ne, dɛɛ doǒ nɛ̀ mooa sen le tmɔ̌ wnɔsàɔǒ ke ɔ̈ niaa wlòlekaen noǎ keǒ nmiǒ mɔ̀ ï booa nyopò mǒ ü kɔnaa nmiǒ ɔɔ mǎkpee plě ü sɛ̀a ɔɔ sùsu tuu wɛ̀. Nmiǒ ɔ klee sen le tmɔ̌ wnɔsàɔǒ u kɛ̀na kmɔ̌ bo ǔ tuǔnʼaě u naa wulǒ mǒ ɛ̈ wnewne seɛ̌ jǐaa je.

Wlɛ̀velesɔ̌n 20:4

È Ě jěa klɔ̀ba gbèsɛi ï nyopò neaa kɛn ble ü kpě nyeea bü tùaa blilǐ. Ě jěa nyopòà uu sìsi ü u bɛ̌aa dlě jele keǒ Jùsuu sàse dɛ nunuɛ tè mɔ̀ klee Nyesoaa win boɔboɔ tè. U sea nmiǒ ɔ klee ɔɔ sùsu tuu wɛ̀ sà plě u sea ɔɔ mǎkpee blě keǒ uu jigbàa gblee wnana mǒ klee keǒ uu son kɛn. Nù sɔnaě kǒla mǒ ü klee Tentǎn Jǔ kɔna win kwa klě jlěe taslěwaeǒ wlòmo.