Wlɛ̀velesɔ̌n 13:14 - Nyesoaa Kuo Win Jajle

¹⁴ Nɔ̀ booa nyopò wùɛ ü nea nɔɔ blǒɔ mɔ̀ keǒ ɔɔ wlòlekaen noǎ ɔ niaa mɔ̀ ï u sɔnaǒ ɔɔ mɔ̀ mǒ bɔ nuaa keǒ klekle nmiǒ pènmo. Ɔ tmɔɔ̌a nu bu nua klekle nmiǒ ɔɔ sùsu tu bɛ nynanaǒ ɔ pènmo bo keǒ ɔɔ tùtuɛ mɔ̀ ɔ̈ u nuaa pan u tbalaa dɛ, kɛɛ ɔ̈ neěa jèe kmɔ̌.

Wlɛ̀velesɔ̌n 13:14 ပူးပေါင်းရင်းမြစ်များ

2 Tɛseloniǎ 2:4

Dɛ kukǔ nuɔǒ ɔ miǎ dɛ wùɛ je wɔ̀nma ɛ̈ kɔn wɛ̀ nyopò sɛ̀ɛ ü dɛɛ nyesoa. Ɔ miǎ ɔɔ chɛ̀ɛ nynɛ̌ kuɛnma ɛ̈ di ɛɛ numa ɔ miǎ bo ne klě Nyesoaa kǎ fòɛ bo klee ɔ miǎ ɔɔ chɛ̀ Nyesoa dae le.

Wlɛ̀velesɔ̌n 12:9

Dɔsmɛ fòɛǒ ǔ sàlaě ɔ jɔkɛn. Nɔ̀ moo smɛ kpaklǎà u dɛɛ kǔ ɔ̀ɔ̌ Setɛ̀n ɔ̈ boo kmɔ̌ wùɛà mǒ. U tuǔnʼa lɔɔ klee ɔɔ nablewa blǒ mɔ̀.

Wlɛ̀velesɔ̌n 13:1

Ě jěa nmi kukǔ fòɛ ɔ̌ sonwɛaě jbǒǒ mɔ̀ mǒ. Ɔ nea dlǒ ngmèe pù klee dlěe nyiɛta. Ɔɔ ngmèǒ i nea dlǒ le fleǎa pù plě nynɛ̌à peaa Nyesoa fla wan ɛ̌ chleěa keǒ ɔɔ dlǒ wùɛ kɛn.

Wlɛ̀velesɔ̌n 13:15

È u sɔnaǒ sɔ̌n nonɔ nmiǒ mɔ̀ mǒ ɔ̌ poa klekle nmiǒ ɔɔ sùsu tuǒ fònfno mǒ. Dɛǒ nɛ̀ nu ɛ ɛ̌ wɔ̀le ɛ keǒ bɛ boɔ wien klee ɛ mǐ nyu wùɛ dbǎ ɔ̈ se ɛɛ wɛ̀ sàba mu.

Wlɛ̀velesɔ̌n 13:8

Nyopò wùɛ neɔɔ blǒɔ mɔ̀ nù mi ɔɔ wɛ̀ sàba ü sɔɔnʼaě kmɔ̌à ɛɛ wlò tùla mǒ ü kɔn nyneǎ seaa chleě le klě Blajǔà kǒaa Ɔɔ fònfno chněedɛ̌ wlòmo.

Wlɛ̀velesɔ̌n 14:11

Naǒ Ɔ mii numa Ɔ mǐ uu dɛ wan le pae le ɛɛ nǎno mi jɔ mǒ muma ke ɛ mii jleě mǒ bo tonma. Tǒn klee chnɛ̀ nyopòǒ ü sɛ̀ɛ nmiǒ ɔɔ wɛ̀ klee ɔɔ sùsu tu plě nyu wùɛ ɔ̈ blě ɔɔ nynɛ̌ɛ mǎkpee, u slě kɛn le sèsa kɔnma mu.”

Wlɛ̀velesɔ̌n 14:9

Najiǒpòo tan nonɔǒ ɔ nana ɔɔ bǐì sɔ̌nʼǒ de ɔ̌ jɛɛ̌aě win, kě ɔ dɛ̌a ɔ je, “Bɛ̌ nu nyu wùɛ ɔ̈ mii nmiǒ ɔɔ wɛ̀ sàba klee ɔɔ sùsu tu plě ɔ̈ mi ɔɔ mǎkpee kɔnma keǒ ɔɔ jigbàa gblee wnana mǒ klee keǒ ɔɔ son kɛn,

Wlɛ̀velesɔ̌n 15:2

È Ě jěa dɛ ɛ̈ wǒaa jělae jbǒ ɛ̈ klee na chìseea klee nyopò ü nynanaǒo jbǒǒ wien bo ü duaa nmiǒ wan klee ɔɔ sùsu tu plě klee ɛɛ nynɛ̌ɛ tìɛn, u blěa kanǐkài kwa le ï Nyesoa nyea nuu.

Wlɛ̀velesɔ̌n 16:13

È Ě jěa dɛ kukǔ sìsii tan ï wǒaa chìwen, nì sonwɛaě dɔsmɛǒ ɔ klee nmiǒ klee sen le tmɔ̌ wnɔsàɔǒ wan měne.

Wlɛ̀velesɔ̌n 16:2

Tà nyane najiǒpòiǒ ɔ wlǎla ɔɔ fuo bo kělɔ blǒ mɔ̀, chnechně noǎa kukwǐi chìi nì wěa tùonyopo fǒ měne ü blěaa nmiǒ ɔɔ mǎkpee plě ü sɛ̀a ɔɔ sùsu tuu wɛ̀.

Wlɛ̀velesɔ̌n 18:23

Nǎpeaa pepeǎ seǎa kɛ̀ fonfɔn kɔn de. Nyu seě tǐnma nynɔ klee ɔɔ jbee win wɔ̌nma mu. Babòlɔnʼɔ noǎ plo nyo nù moo pnɔ kpě kɛne nyo kělɔ blǒɔ mɔ̀ plě ɛɛ nyopò ni sàlesa ǔ gbee dakwɛ̌ wùɛ mǒ.

Wlɛ̀velesɔ̌n 19:20

Klě toǒ kɛn nmiǒ ɔ kmeea ne, dɛɛ doǒ nɛ̀ mooa sen le tmɔ̌ wnɔsàɔǒ ke ɔ̈ niaa wlòlekaen noǎ keǒ nmiǒ mɔ̀ ï booa nyopò mǒ ü kɔnaa nmiǒ ɔɔ mǎkpee plě ü sɛ̀a ɔɔ sùsu tuu wɛ̀. Nmiǒ ɔ klee sen le tmɔ̌ wnɔsàɔǒ u kɛ̀na kmɔ̌ bo ǔ tuǔnʼaě u naa wulǒ mǒ ɛ̈ wnewne seɛ̌ jǐaa je.

Wlɛ̀velesɔ̌n 2:10

Noǎǒ diěe ï kɔn sònwɛ a mii jěba, aǎ pe ii fano. A tanàle, kǔ wɛ̀ le mɔ̀ keǒ bɔ po aa tìe wùlo le ɛ̈ di ɛɛ numa u mǐ a měne tɛ̀n a mǐ sònwɛ jě klě chnɛ̀ jlǒ wěe pù wlòmo. Baǎje bǎ ke kǒba mii chɛ̀, a kɔn wlò kpaea klěě mǒ, è Mǒà Mǒ mi a kmɔ̌ sie fònfnoo snǒ sàba.’

Wlɛ̀velesɔ̌n 20:10

È kǔǒ boo uu mǒ ɔ miě na wulǒ mǒ pooba ɛ̈ jǐi wnewne seɛ̌ jele, klě tàa doǒ nmiǒ ɔ klee sen le tmɔ̌ wnɔsàɔǒ u pooa lěe. Klě u miě nema u mǐ tu kɛn tùu lu tǒn klee chnɛ̀ ke ɛ mii jleě mǒ bo tonma.

Wlɛ̀velesɔ̌n 3:10

Ke ɛ toon jleě mǒ bo ǎ tùǒ Něe win bo keǒ ba nynaa tǐ jakě jebo, bo tǐ jakěe tǐ bǐ diě, Ě mi ɛ numa dɛ se a le tǒba mu. Imo tǐ jakěǒ i diě le keǒ kmɔ̌ wùɛà mɔ̀ i miě nyopòà neɔ ɛɛ mɔ̀ měne tɛ̀n.