Wlɛ̀velesɔ̌n 13:10 - Nyesoaa Kuo Win Jajle

¹⁰ Nyu wùɛ Nyesoa Bɔ̌ sàǒ keǒ bɔ̈ moo wùlo poɔ̌, ɔ mi wùlo poɔ̌ mooma. Nyu wùɛ Nyesoa Bɔ̌ sàǒ keǒ bɔ̈ koǒ pan jleě, ɔ mi pan jleě dbaěba. Dɛǒ nɛ̀ kɔn tè Nyesoaa nyopò kɔn bu nyna ɛ jebo klě tè wlò popoɛ mǒ.

Wlɛ̀velesɔ̌n 13:10 ပူးပေါင်းရင်းမြစ်များ

Matiɔ̌n 26:52

Kɛɛ kě Jùsu dɛ̌a ɔ je Ɔ je, “Nyu wùɛ ɔ̈ mii pan wɔ̀ɔnma, panʼǒ nɛ̀ ɔ mi jleě koǒba. Ii tè tù nè panʼǒ bo.

Matiɔ̌n 7:2

Ke kɔn doǒ a nii ǎ jɛɛ nyopò tùu tè, ɛɛ doǒ nɛ̀ Nyesoa miǒ jleě mǒ bo nynama ke Ɔ mǐ a tè jɛɛ le.

Lǔkù 21:19

Bɛ̌ nu bǎ nyna bo kpankpa klě aa tè wlò popoɛ mǒ, a mi kmɔ̌ sie fònfno kɔnma.”

Klasɔ̌n 1:11

Ä bɛ̀te Nyesoa Ɔ mǐ a kbě nye ï sonwɛě Ɔɔ tè jǐ boaboǎ kpě wlòmo ɛ̈ di ɛɛ numa a miě ɛ wɔ̀ keǒ ba nyna dɛ wùɛ jebo klě wlò dbadbǎ klee chǒn mǒ.

Hiblǔ 6:12

Ä se jlǎ ba moo fnàfna nyo, kɛɛ ä jlɛ̌ ba moo nyopòǒ ü kɔnʼɔ tè wlò popoɛ klee wlò dbadbǎ klě tǐ jakě mǒ ɛ̈ di ɛɛ numa noǎǒ Nyesoa peeě amoo a mǐ i jě.

Wlɛ̀velesɔ̌n 1:9

Mǒ Jɔ̀ɔ̌nʼà ɔ̈ moo aa bě Tentǎn Jǔu wǎnpòi, Ě moo aa nenatùmo klě sònwɛ jejeɛ̌ slè klee Nyesoaa deplě klee tǐ jakě jebo nynanyna ï ä klee Jùsu ä jeěǒo tàa do. Ě boɛa Nyesoaa win plě Ě nia Jùsuu sàse dɛ, tèǒ nì kɔn tè Wlǔmɔ nyoo kòngmna kpala lěě blǒ tìeǒ kɛn ɛ̈ ně poěe gbàe mǒ u dɛɛ Pamǒ.

Wlɛ̀velesɔ̌n 11:18

Dakwɛ̌ wùɛ nù pea jlo, kɛɛ klě tǐà wlòmo Nè jlo neà ne plě ɛ nu tǐ keǒ Bò tù blilǐ keǒ kokǒ nyo mɔ̀ klee Bò sà Nè na wien po nyebajle klee nynejlu klee wnɔsàɔpo klee Nè nyopò tùu snǒ, jà nyefòe klee nyeflabutupò ü nyeǒ Mòo tùtuɛ. Ɛ nu tǐ de keǒ Bò sùe nyopòà gbè ü nymiaa kmɔ̌à jǐ le!”

Wlɛ̀velesɔ̌n 14:12

Dɛǒ nɛ̀ kɔn tè Nyesoaa nyopòà ü tùiǒ Ɔɔ teteǎ ble plě ü kɔnʼɔ tè wlò popoɛ klě Jùsu mǒ u kɔn bu nyna ɛ jebo ɛ̈ di ɛɛ numa uǔ diǒ ɛ jleě mǒ kplɛɛ le plě Ɔɔ̌ se lu ù kɛn po keǒ plɔɔ tu kɛn bo maěa mɔ̀.

Wlɛ̀velesɔ̌n 16:6

Mɛ kɔɔ̌n tèǒ joo nɛ̀ moo u wlǎ Nè ngmà je ne nyo klee wnɔsàɔpoo nymɔ bo. Tèǒ nì kɔn tè u blɛɛ ɛ je keǒ Bò nye u nymɔǒ bu nǎna.”

Wlɛ̀velesɔ̌n 17:11

Nmiǒ neaa kmɔ̌ plě ɔ̈ see kɛ̀ɛ kmɔ̌ ne klě tǐà wlòmo nɔ̀ nynaǒ klɔ̀bapooǒ uu nnyɛɛ̀ nonɔ pènmo bo, klě ɔ kɔnʼě klɔ̀bapoo nyiɛtaǒ slè, gbè sùesuɛǒ nɛ̀ ɔ miě jǐ mǒ.

Wlɛ̀velesɔ̌n 17:8

Nmiǒ jèaa ɔ nea kmɔ̌, kɛɛ ɔ see kɛ̀ kmɔ̌ ne. Ɔ seǒ wlɛ̀ba mu ɔ miě bǐtìe fòɛǒ see mɔ̀ kɔn wan mǒ sɔn ɔ mǐ mu ɔ mǐ gbè sùee le. Nyopòà neɔɔ blǒɔ mɔ̀ ü kɔn nyneǎ sěɛlǎa chleě le klě fònfno chněedɛ̌ wlòmo sɔɔnʼě kmɔ̌à ɛɛ wlò tùla mǒ bǔ jě nmiǒ, ɛ mi u wlò le kaenma. Mɛ̌oǒ joo nɛ̀ moo ɔ nea kmɔ̌ plě ɔ̌ see kɛ̀ kmɔ̌ ne klě tǐà wlòmo, kɛɛ ɔ mi kmɔ̌ nema de.

Wlɛ̀velesɔ̌n 2:19

Ě ji dɛ a nii ni. Ě ji ɛle a noɛɛ neě mǒ no klee tùonyopo plě ǎ kɔn tè wlò popoɛ klěě mǒ klee ǎ niniǐ konkwa mɔ̀, è a kɔn wlò dbadbǎ klě tǐ jakě slè plě a ni noǎ fòfoa klě tǐà wlòmo keǒǒ mɔ̀ ɛ̌ sìnʼǒ noǎ a niaa mǒ klekle.

Wlɛ̀velesɔ̌n 2:2

Ě ji dɛǒ a nuu nu, keǒ a nuě kbě le popoɛ a nuu konkwa nunuɛ klee ke a nuu wlò dbadbǎ konkɔn. Ě ji ɛle ɛ̈ moo a se dɛ kukǔ nu nyo sòa plě a tɛ̀n nyopòà měne ü see Nyesoaa tuposà kpa nyo ü je u moo ɛɛ plě a jě ɛ ɛ̈ moo u moo sen le tmɔ̌ nyo.

Wlɛ̀velesɔ̌n 3:10

Ke ɛ toon jleě mǒ bo ǎ tùǒ Něe win bo keǒ ba nynaa tǐ jakě jebo, bo tǐ jakěe tǐ bǐ diě, Ě mi ɛ numa dɛ se a le tǒba mu. Imo tǐ jakěǒ i diě le keǒ kmɔ̌ wùɛà mɔ̀ i miě nyopòà neɔ ɛɛ mɔ̀ měne tɛ̀n.

Wlɛ̀velesɔ̌n 3:3

Tèǒ nì kɔn tè bi beě a wlòmo, dɛà a wɔ̌nʼɔ plě a chěnʼe a tùǒ ɛ bo a mǐ aa wlè bo bitǐ. Kɛɛ bǎ se ɛ nu, keà jlǐ nyu diěe nyu ně ji ɔɔ tè, kě Ě miě didiɛ numa, a se tǐǒ Ě miě jaba jiba mu.