Wlɛ̀velesɔ̌n 12:9 - Nyesoaa Kuo Win Jajle

⁹ Dɔsmɛ fòɛǒ ǔ sàlaě ɔ jɔkɛn. Nɔ̀ moo smɛ kpaklǎà u dɛɛ kǔ ɔ̀ɔ̌ Setɛ̀n ɔ̈ boo kmɔ̌ wùɛà mǒ. U tuǔnʼa lɔɔ klee ɔɔ nablewa blǒ mɔ̀.

Wlɛ̀velesɔ̌n 12:9 ပူးပေါင်းရင်းမြစ်များ

Matiɔ̌n 13:39

È jlae nyuǒ dɔ̌ɔ nenanyɔǒ nɔ̀ nynaǒ kǔ pènmo bo. Kou bɛ̌ tǐǒ nì nynaǒ kmɔ̌à ɛɛ dlǒ chlɛ̀chlɛ pènmo bo, è kou bɛ̌ nyo nù nynaǒ Nyesoaa najiǒpò pènmo bo.

Matiɔ̌n 24:24

Mɛ kɔɔ̌n tèǒ joo nɛ̀ moo sen le tmɔ̌ tentǎn jlǔ klee sen le tmɔ̌ wnɔsàɔpo miǎ tà měne wǒba. U miǎ jboo noǎ fòe numa klee wlòlekaen noǎ ɛ̈ di ɛɛ numa bɛ̌ wɔ̀laě ɛ u miǎ Nyesoaa nyopòà Ɔ sà lěe mǒ boo lo.

Matiɔ̌n 25:41

È kě Ɔ miǎ nyopòǒ neɔɔ gbàpe son mɔ̀ je dǎba, ‘A sɔnʼǒǒ jemǒ, kmɔ̌ sie na slèe chlǒ nɛ̀ neǒ a kɛn ɛ̈à wɛ̀ɛ mɔ̀le keǒ kǔ klee ɔɔ nablewa mɔ̀.

Matiɔ̌n 4:1

Tà tǐ gbei sìnʼaa, è Ngmà Je Ne Sùsu kpala lě Jùsu kpatekpǎ blǒ kɛn ɛ̈ di ɛɛ numa kǔ mǐa lɛ mǒ tɛ̀n keǒ bɔ tɛ̀na lě Ɔ měne.

Matiɔ̌n 4:10

È kě Jùsu dɛ̌a kǔ je Ɔ je, “Setɛ̀n, ɛ chleě le klě Nyesoaa win wlòmo ɛ̈ moo, ‘Koɔn Nyesoaa doǒ Nɔ̀ kɔn wɛ̀ nyu wùɛ bɔ sà plě Nɔ̀ kɔn konkwa nyu bɔ nu. Sìn mù.’ ” (Deut 6.13)

Matiɔ̌n 4:5

È kǔ dǔa Lɔ mǒ de ɔ̌ kpalaě Ɔ Jlǔsnɛ ɛ̈ moo ngmà je ne dě fòɛ ɔ̌ jaěa lě Ɔ Nyesoaa kǎ fòɛɛ kǎ gbèe mǒ ɛ̈ tmɔaa ja chɔɔ.

Matiɔ̌n 4:8

Ii tè kǔ dǔa Ɔ mǒ de ɔ̌ kpalaě Ɔ togbee fòɛ dlǒ ɔ̌ tea Lɔ kmɔ̌ɔ deplě wùɛɛ win kwa konkɔn je le klee ii pònpan noǎ klee kpě.

Lǔkù 10:18

È kě Ɔ dɛ̌a u je Ɔ je, “Ě jěa Setɛ̀n ɔ̈ moo kǔ ɔ̌ duua wan ɔ̌ sɔnaě jɔkɛn mǒ wòje keà tɛ̀nʼɛ pepě bee bo.

Lǔkù 13:16

Kɛɛ nynɔà monoo Eblɛ̌hɛ̀moo jǔ ɔ̈à Setɛ̀n ɔ̈ moo kǔ sìsii klɔ̀ba poo dbǐ mǒ bo klě jlěe pù tùo nnyɛɛ̀ wlòmo nɔ̀ aǎ jlǎ ba sɛ̀ɛ mǒ. Ɔ se kɛ je blɛɛ le bɔ wan dbǐ mǒ keǒ Nyesoaa de fɛ waěà mɔ̀le?”

Lǔkù 22:3

È Setɛ̀n ɔ̈ moo kǔ sìsii klɔ̀ba nɔ̀ palaě Jùsuu mɔ̀ cheěn nyoo pù tùo sɔ̌nʼǒ u nyuu do mǒ ü dɛɛ Jùdǎse plě ü dɛɛ Esekalìa ke.

Lǔkù 22:31

È kě Jùsu dɛ̌a Ɔ je, “Saemɔ̌, Saemɔ̌, po nɔkǔ bo, Setɛ̀n ɔ̈ moo kǔ ɔ gbà wan fɔ̌ keǒ bɔ tɛ̀nʼě aa wùɛ měne ɛ̈ di ɛɛ numa ɔ mǐ kàan klee kukǔ mɔ̀ sèsae le.

Lǔkù 8:12

È ti jɔ̌ǒ beǒo snǔ mɔ̀ i nynaǒ pènmo bo nyopòà ü wɔ̌nʼɔ Nyesoaa win, kɛɛ kǔ bɔ̌ diě ɔ sɛ̀ lě i u wlò jleě le, ii tè u se winʼǒ ii tè kàan tè po u mǐi gblàe le klě uu kpni kukwǐi plɔɔ tu kɛn bo maěa bobo.

Jɔ̀ɔ̌n 12:31

Ɛ nu tǐ keǒ Nyesoa Bɔ tù kmɔ̌à ɛɛ blilǐ, Ɔ mǐ ɛɛ win kwa kɔn nyu ɔ̈ moo kǔ wan du.

Jɔ̀ɔ̌n 14:30

Kmɔ̌à ɛɛ win kwa kɔn nyu diě le ɔ̌ tɛ̀n ɛ mǒ keǒ bɔ duǔ wan. Ii tè Ě se dɛ pɛ̀tu kɔn Bo tmɔɔ̌ amo. Ɔ se kpě kɔn kěàǎ mɔ̀,

Jɔ̀ɔ̌n 16:11

Tè kɔn tè u wlǎa tè keǒ Nyesoaa tè tùtuɛ jleě mǒ nɛ̀ moo kǔà ɔ̈ kɔnʼɔ kmɔ̌à win kwa Nyesoa jɛɛ ɔ tè le ɛ̌ wɛ̀ mɔ̀le.

Jɔ̀ɔ̌n 8:44

Aa gbeǐ moo kǔ, è dɛ ɔ jlɛ̌ ba nuu nɛ̀ a ni. Sɔɔnʼě ɛɛ wlò tùla mǒ nɔ̀ moo mnùngma bo po nyu, kàan dɛ slě ɔ mǒ ne, nɛ̀ kɔn tè ɔ sěɛlǎ kàan tè boɛ. Ɔ moo sen le tmɔ̌ nyu plě ɔ̌ moo senʼe gbeǐ, ii tè bɛ̌ nu bɔ̌ ke sen tmɛ̌, è dɛǒ ɔ tùaa wlò le nɛ̀ǒ ɔ ni.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:18

mì uu jǐ kna, mì u bo dawlǎ mìě u kwijlě slè sà, mìɔ u pepě mǒ ja plě mìě u Setɛ̀nʼɛ kpě bobo sà ɔ̈ monoo sìsi kukwǐi klɔ̀ba, mìɔ u Nyesoa mɔ̀ ja ɛ̈ di ɛɛ numa u mǐ tè wlò popoɛ kɔn klěě mǒ. Klě ɛmo dɛǒ mǒ uu kpni kukwǐi tè mǐ wlò le poo lo u mǐ tùɔn kɔn klě nyopòǒ Nyesoa nuu jebo siǐn nyo mǒ slè.’

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:3

è kě Pitɛ̌ dɛ̌a ɔ je ɔ je, “Ɛnenaeǎ, mɛ kɔɔ̌n tè sɔ̀ɔ̌n kɛǒ Setɛ̀n ɔ̈ moo kǔ sìsii klɔ̀ba mɔ̀ mǒ ɔ boo loǒ mò, è tmɛɛ̌ něeě Ngmà Je Ne Sùsu sen jele, è tùǔ wlěǒ ii tìe bo ï nè blǒ jěe plě jè nyèe Nyesoa?

Wlǔmɔ 16:18

Nyopò doǒ uǔ nu Tentǎn Jǔu konkwa Ɔ̈ moo äa Koɔn. U ni uu chɛ̀ɛ wlòo ble po dɛ ǔ bee nyopò mǒ klě uu chɛtlǐi boɔboɔ win mǒ klee mǒ boo nynɛ̌ kɛn popoɛ win mǒ.

Wlǔmɔ 16:20

Nyesoaà nye ämoo ně bo wnawna Ɔ mi Setɛ̀n ɔ̈ monoo kǔ sìsii klɔ̀ba le waeba pase klě a bobo. Nɛ äa Koɔn Jùsuu wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀ bɛ muu nya.

2 Kwnɛtiɛ̌ 11:14

Iǐ kaen ä wlò le. Kǔu chɛ̀ peě ɔɔ chɛ̀ Nyesoaa najiǒpòii tǔn wlòmo.

2 Kwnɛtiɛ̌ 11:3

Ě pe fano keǒ a mɔ̀ ɛ̈ moo wòje keǒ smɛ ɔ̈ kɔnaa kplakplǒ ɔ nuaa ɔ̌ booaa Ǐfi mǒ, kě u mi a numa klě wakǎ tɛ̀ɛ wlòmo u mi a mǒ booba aǎ dii kɛ̀ tè wlò popoɛ kɔn kpǎkpǎ keǒ Tentǎn Jǔ mɔ̀.

2 Kwnɛtiɛ̌ 12:7

Nyesoa nyeaǎ sònwɛ jejeɛ̌ jakǎ ɛ mǐ ɛ nu ně diě ně chɛ̀ de jaě sùsu ja po dɔ̌ keǒ noǎ fòeǒ teea mǒo je mɔ̀. Kǔu nablewai nɔ̀ tùiǐ sònwɛ ɛ̈ di ɛɛ numa ně diě ně chɛ̀ de jaě le.

2 Kwnɛtiɛ̌ 2:11

ɛ̈ di ɛɛ numa kǔ ɔ̈ moo Setɛ̀n ɔɔ̌ diě ɛ wɔ̀ keǒ bɔ kɔn ä kpě win kwa ɛ̈ kɔn ämo ji ɔɔ ble po dɛ.

2 Kwnɛtiɛ̌ 4:4

Kmɔ̌à ɛɛ dɛ kukǔu nyesoa ɔ̈ moo kǔ ɔ kan uu tè le jbojbɛɛ jǐ kɛn ɛ̈ di ɛɛ numa uǔ di pepěǒ sonwɛ lěe kàan tuposà mǒ jě ɛ̈ kwɛɛǒo Tentǎn Jǔu tè jǐ boaboǎ jleě mǒ bo Ɔ̈ wǒo Nyesoa je teěn teěn, ii tè uǔ po i kàan tè.

Ifisiɛ̌n 4:14

Ii tè äa ka bɛɛ̌ wě je jlǔ klɔkwlěe kɛ̀ üà nyopò mǒ boo nyo booa mǒ ü nii nyopò tùu kplakplǒ kmɔ̌ jele plě ü pe ɛ ble bü po uu kenkan snǔ wan.

2 Tɛseloniǎ 2:3

Ɛmo waěǒ ɛ seǎǒ nynima mu ɛ mǐ ɛ kpa kpa Nyesoaa demǒ bɔɔ̌ tèe le sàea fòɛ miǎ tùɔn kpa klee ɛ mi ɛ kpa kpa nyuǒ moo dɛ kukǔ nuɔ ɔ̈ miěe na slè ɔ miǎ tàmo wǒ, ii tè aǎ sonwɛǒ nyu wùɛ mɔ̀ mǒ ɔɔ̌ gbee a mǒ klě wakǎ wùɛ wlòmo.

1 Timɛtě 2:14

Ɛ se Ɛdɛ̌mo kǔ sea ɔ mǒ boo lo, nynɔǒ nɔ̀ kǔ booa mǒ ɔ̈ wlǎla tè klekle.

2 Timɛtě 3:13

È dɛ kukǔ nu nyo klee nyopò kɛn jlǐ nyo mi uu kmɔ̌ǒ dlǒ mɔ̀ kpaba chɔɔ, u mǐ nyopò mǒ boo lo klee u mǐ uu chɛ̀ mǒ boo lo ke.

Hiblǔ 2:14

Nyesoaa jlǔ kɔn fǒ klee nymɔ, ii tè Jùsu wǒ u je ke Ɔ̌ kɔna tùonyu fǒo doǒ ɛ̈ di ɛɛ numa Ɔɔ kokoɛ̌ Ɔ kǒaa Ɔ mǐa ɛ nu Ɔ mǐa kǔu kpě gbè sùe ɔ̈ kɔnʼɔ kokoɛ̌ kpě win kwa

1 Pitɛ̌ 5:8

A wlǎě wlò bo, kɛɛ a gbɛ̀ɛ le. Mɛ̌oǒ joo nɛ̀ moo aa jlae nyuà monoo kǔ ɔ wǒ je jejǎ sà ɔ̈ ngmìi le ɔ̈ pɛ̀nʼɛ nyu le ɔ mǐi di.

1 Jɔ̀ɔ̌n 5:19

Ä ji ɛle ɛ̈ moo ä moo Nyesoaa jlǔ, è kmɔ̌ wùɛà ɛ neě kǔu win kwa konkɔn bobo.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:9

Kɛɛ tǐǒ jleě Nyesoaa najiǒpòi fòɛǒ u dɛɛ Maekɔ̌ ɔ klee kǔ peeaa Mɔ̀sěe kokǒ fǒ slɛ̀ kɛn, ɔ sea ɛ mǒ tɛ̀nʼɛ chɛ̀ keǒ bɔ bɛ̌a kǔ kokǒ wun kɛn klee bɔ cheaěa ɔ le. Dɛɛ do ɔ boɔlaa kǔǒ je nɛ̀ moo, “Nɛ bo Koɔn Nyesoa Bɔ maěǒ nè plɔ tu kɛn bo!”

Wlɛ̀velesɔ̌n 12:12

Tèǒ nì kɔn tè jɔkɛn klee nyopò wùɛǒ neěe a nu chǒn le! Kɛɛ chlǒ keǒ blǒ klee jbǒ mɔ̀. Mɛ̌oǒ joo nɛ̀ moo klě a mɔ̀ wɔ̀ɔn klě kǔǒ ɔ diě. Ɔ ji ɛle ɔɔ tǐ see kɛ̀ jleě mǒ bo tmɔ, ii tè ɔ pe jlo ɛ̌ sìnʼǒ le.”

Wlɛ̀velesɔ̌n 12:3

È jboo dɛ tɛ̀ɛ nɛ̀ beaě jɔkɛn. Ɛ mooa dɔsmɛ chǒ fòɛ ɔ̈ neaa dlěe nyiɛta je klee ngmèe pù dlǒ. Klɔ̀ba fleǎa nyiɛta nì ɔ tùa dlǒ.

Wlɛ̀velesɔ̌n 12:7

È to tòala le klě jɔkɛn, Maekɔ̌ ɔ̈ moo najiǒpòi fòɛ klee ɔɔ najiǒpò nù tùngmaea dɔsmɛǒ mɔ̀ wònwɔn. È dɔsmɛǒ ɔ klee ɔɔ nablewa u wɛ̀na u mɔ̀ ke,

Wlɛ̀velesɔ̌n 12:8

kɛɛ dɔsmɛǒ ɔ klee ɔɔ nablewa sea kpě mǒ ne, ii tè ǔ dua u wan ǔ plùa u mɔ̀le klě jɔkɛn.

Wlɛ̀velesɔ̌n 13:14

Nɔ̀ booa nyopò wùɛ ü nea nɔɔ blǒɔ mɔ̀ keǒ ɔɔ wlòlekaen noǎ ɔ niaa mɔ̀ ï u sɔnaǒ ɔɔ mɔ̀ mǒ bɔ nuaa keǒ klekle nmiǒ pènmo. Ɔ tmɔɔ̌a nu bu nua klekle nmiǒ ɔɔ sùsu tu bɛ nynanaǒ ɔ pènmo bo keǒ ɔɔ tùtuɛ mɔ̀ ɔ̈ u nuaa pan u tbalaa dɛ, kɛɛ ɔ̈ neěa jèe kmɔ̌.

Wlɛ̀velesɔ̌n 16:14

I moo kǔ sìsi ï niaa wlòlekaen noǎ, nì nɛa blě kɛn le ï gbèa klɔ̀bapoo le keǒ to mɔ̀ ɛ̈ miaa tùɔn kpaba klě kpě kɛne Nyesoaa chnɛ̀ jlǒ waě fòɛǒ Ɔ mǐa lěe jaba mɔ̀.

Wlɛ̀velesɔ̌n 18:2

Ɔ pnǎna dɛ jleě klě kpě kɛne win wlòmo, kě ɔ dǎla ɔ je, “Babòlɔn fòɛ wlɛ mǒ blǒ! Ɛ monoo kɛ̀ tùɔnʼà kɔn kɛn kǔ sìsi neěe klee se wòn le wɛ̀ sìsi plě noeà see sìnɛ wɛ̀ klee ä faen nee.

Wlɛ̀velesɔ̌n 18:23

Nǎpeaa pepeǎ seǎa kɛ̀ fonfɔn kɔn de. Nyu seě tǐnma nynɔ klee ɔɔ jbee win wɔ̌nma mu. Babòlɔnʼɔ noǎ plo nyo nù moo pnɔ kpě kɛne nyo kělɔ blǒɔ mɔ̀ plě ɛɛ nyopò ni sàlesa ǔ gbee dakwɛ̌ wùɛ mǒ.

Wlɛ̀velesɔ̌n 19:20

Klě toǒ kɛn nmiǒ ɔ kmeea ne, dɛɛ doǒ nɛ̀ mooa sen le tmɔ̌ wnɔsàɔǒ ke ɔ̈ niaa wlòlekaen noǎ keǒ nmiǒ mɔ̀ ï booa nyopò mǒ ü kɔnaa nmiǒ ɔɔ mǎkpee plě ü sɛ̀a ɔɔ sùsu tuu wɛ̀. Nmiǒ ɔ klee sen le tmɔ̌ wnɔsàɔǒ u kɛ̀na kmɔ̌ bo ǔ tuǔnʼaě u naa wulǒ mǒ ɛ̈ wnewne seɛ̌ jǐaa je.

Wlɛ̀velesɔ̌n 2:13

Ě ji tà a neǒo no, tàa teěnʼǒ Setɛ̀nʼɛ klɔ̀ba gbèsɛɛ neǒo keǒ a neǒ. Kɛɛ kaǒ a kɔn wlò kpaea klěě mǒ. Ɛntèpa ɔ̈ mooa Ně sàsepoi ɔ kɔna wlò kpaea klěě mǒ. Tà ɔ nua Něe konkwa klě aa diě wlòmo, tàà Setɛ̀n tǐnʼěe, u dbǎla ɔ lo, kɛɛ aa tè wlò popoɛ a kɔnʼɔ klěě mǒ a sea ɛ mǎ.

Wlɛ̀velesɔ̌n 2:24

Kɛɛ tèà nì Ě boɛ aa wùɛǒ je ü neěe Taetawlà üǔ blěǒo Jesèbɛɛ teea mɔ̀ kwa klee ü see dɛ u dɛɛ Setɛ̀nʼɛ je wɛ̌ dɛ ji, Ě see kɛ̀ a dɛ tɛ̀ɛ nyema mu keǒ ba nu,

Wlɛ̀velesɔ̌n 2:9

Ě ji ɛle ɛ̈ moo a jě sònwɛ plě sònwɛ ni amo, kɛɛ a pàn ne klě wakǎ tɛ̀ɛ wlòmo. Ě ji ɛle ɛ̈ moo nyopòǒ dɛ uu chɛ̀ Jùwɛ nyo, kɛɛ ü moo Setɛ̀nʼɛ nyopò ɔ̈ moo kǔ sìsii klɔ̀ba, noǎǒ kɔn tè u wǒ amoo le i moo sen.

Wlɛ̀velesɔ̌n 20:10

È kǔǒ boo uu mǒ ɔ miě na wulǒ mǒ pooba ɛ̈ jǐi wnewne seɛ̌ jele, klě tàa doǒ nmiǒ ɔ klee sen le tmɔ̌ wnɔsàɔǒ u pooa lěe. Klě u miě nema u mǐ tu kɛn tùu lu tǒn klee chnɛ̀ ke ɛ mii jleě mǒ bo tonma.

Wlɛ̀velesɔ̌n 20:8

ɔ mǐ mu ɔ mǐ dakwɛ̌ mǒ boo lo klě kmɔ̌ wùɛà mɔ̀, jà deě fòee sɔ̌nʼǒ moo Kɔɔ̀ klee Makɔɔ̀. Ɔ mi u le bòba keǒ to kɛn mumuɛ mɔ̀, u mi fòba, u slě slèslɛ wɔ̀ba mu wòje jbǒo mǐsiɔ̌ ɛ̈ neǒo jbǒ wien.

Wlɛ̀velesɔ̌n 3:9

A tanàle, Ě mi Setɛ̀nʼɛ wǎn numa u miǒ a jemǒ bo chlì keǒ aa be wɔ̀ɔn u mǐ ɛ boɔ ɛ̈ moo Ě noɛɛ a mǒ no. U je u moo Jùwɛ nyo, kɛɛ u moo sen le tmɔ̌ nyo, u se Jùwɛ nyo sɛjesɛ.

Wlɛ̀velesɔ̌n 9:1

Tà m̀m nonɔ najiǒpòiǒ ɔ bea ɔɔ nokpaǒ, Ě jěa jɔtnàe ɛ̈ bloaěe jɔ mǒ ɛ̈ bea lɔɔ kmɔ̌ mɔ̀, bǐtìee gbàadɛ̌ nɛ̀ nyeea ɔ no ɛ̈ u dɛɛ bǐtìeà see mɔ̀ kɔn.

Wlɛ̀velesɔ̌n 9:20

Nyopòo tìeǒ siaǒo tǐ jakě seaa dbǎ, kaǒ uǔ wɔɔnʼa ɛ kɛn keǒ bu tbɛa noǎ uu chɛ̀ nuaa kɛn, uǔ bɔ̌a uu nǔkpuǐǒ ii wɛ̀ sèsa kaǒ ï u nuuaa klò klee sěbla klee kanwɛɛ klee seɛ̌ plě ti ï slěe wɔ̀ bï jěe dɛ klee bï wɔ̌nʼɔ tè plě bï naa.