Wlɛ̀velesɔ̌n 12:10 - Nyesoaa Kuo Win Jajle

¹⁰ È Ě wɔ̌na win ï jɛ̌a lěe klě jɔkɛn, kě i dɛ̌a i je, “Klě tǐà wlòmo Nyesoa diě keǒ Bɔ mǐ Ɔɔ nyopò gblà klee Ɔ mǐ Ɔɔ kpě nyopò tee le plě Ɔ mǐ kmɔ̌à win kwa kɔn. Klě tǐà wlòmo Ɔɔ Tentǎn Jǔ tee Ɔɔ kpě Ɔ kɔnʼɔ no. Kǔǒ ɔ̈ nynanaǒo Nyesoa jemǒ bo ɔ̈ jɛɛa äa bǐì Nyesoa nyo tè tǒn klee chnɛ̀ u sàlaě ɔ jɔkɛn ne.

Wlɛ̀velesɔ̌n 12:10 ပူးပေါင်းရင်းမြစ်များ

Matiɔ̌n 26:64

È Jùsu tùa ɔ kɛ̀ɛn Ɔ je, “Ii teěn nìǒ bòɔ. Tèe jleě nìà Ě tmɛɛ̌ amo, klě kmɔ̌ɔ nya a miǎ Jbɛjuu Jǔà jěba Ɔ mǐǎ lě kpě kɛne Nyesoaa dilǎ son mɔ̀ bo nene klě Ɔ miǎě mǒ sɔɔnma Ɔ miǎě di klě nukpě kɛn wòje keǒ Nyesoaa win dɛ̌ɛ.” (Ps 110.1, Dan 7.13)

Matiɔ̌n 28:18

È Ɔ kèklaeaǒ u gbàa kě Ɔ dɛ̌a u je Ɔ je, “Nyesoa nyeě kpě pɛpɛ wùɛ ï neěe jɔkɛn klee kělɔ kmɔ̌ mɔ̀ keǒ dɛ wùɛ mɔ̀.

Matiɔ̌n 6:10

Nu Nè win kwa konkɔn bɛ kɔn äa kmɔ̌ neneɛ win kwa. È keǒ Nè kɛn wɔɔn dɛ ɛ nii klě jɔkɛn kě bɛ nu kělɔ kmɔ̌ mɔ̀.

Lǔkù 11:2

È kě Ɔ dɛ̌a u je Ɔ je, “Bɛ̌ nu bǎ keě Nyesoa mɔ̀ boɛ kě ba dǎ, ‘Äa Gbeǐ Nyesoa, nɛ bo nyopò bu nyeǒò tùtuɛ wòje Ngmà Je Ne Nyesoa. Nu Nè win kwa konkɔn bɛ kɔn äa kmɔ̌ neneɛ win kwa. È keǒ Nè kɛn wɔɔn dɛ nii klě jɔkɛn kě bɛ nu kělɔ kmɔ̌ mɔ̀.

Lǔkù 22:31

È kě Jùsu dɛ̌a Ɔ je, “Saemɔ̌, Saemɔ̌, po nɔkǔ bo, Setɛ̀n ɔ̈ moo kǔ ɔ gbà wan fɔ̌ keǒ bɔ tɛ̀nʼě aa wùɛ měne ɛ̈ di ɛɛ numa ɔ mǐ kàan klee kukǔ mɔ̀ sèsae le.

1 Kwnɛtiɛ̌ 5:4

Bɛ̌ nu bǎ bò le klě äa Koɔn Jùsu Tentǎn Jǔu nynɛ̌ wlòmo, a nu ɛ wòje keà Ě nee tùɔn kɛn klě a slè. È nyuǒ nii dɛǒ klě äa Koɔn Jùsuu kpě wlòmo, a kɔn ba

2 Kwnɛtiɛ̌ 12:9

kɛɛ Ɔ tmɔɔ̌ mǒ Ɔ je, “Ně wlòo jlajlǎ dɛ ɛ̈ɛ̌ sà Něe wlò kǔ mǒ keǒò mɔ̀ ɛɛ do nɛ̀ moo dɛ sòɛ. Mɛ̌oǒ joo nɛ̀ moo bɛ̌ nu bò wɛ̀ kbě ja le, Ně kpěǒ neě mòo mǒ i ne kɛn kpě chɔɔ.” Tèǒ nì kɔn tè Ě mi wan le poba klě plɔɔ bloblɛ mǒ ɛ̈ kwɛɛǒo něe kbě ja le wɛ̀ tè jleě mǒ bo ɛ̈ di ɛɛ numa Tentǎn Jǔu kpě miěě ja bo ne.

Taetɔ̌ 2:3

Dɛɛ doǒ nɛ̀ bò nu, tee nynekpaklě bu ne kàan kmɔ̌ nyopò miǒ u tùtuɛ nye klee buǔ pe nyopò tùu sen dlǒ le klee buǔ nɛ̌ nmɔ ɛɛ̌ ni nu, kɛɛ bu moo kàan dɛɛ tee nyo

1 Pitɛ̌ 5:8

A wlǎě wlò bo, kɛɛ a gbɛ̀ɛ le. Mɛ̌oǒ joo nɛ̀ moo aa jlae nyuà monoo kǔ ɔ wǒ je jejǎ sà ɔ̈ ngmìi le ɔ̈ pɛ̀nʼɛ nyu le ɔ mǐi di.

Wlɛ̀velesɔ̌n 11:15

Tà najiǒpòo nyiɛta nonɔǒ ɔ bea ɔɔ nokpa, Ě wɔ̌na slɛ̀ ɛ̈ peeaa le klě jɔkɛn, kě ɛ dɛ̌a ɛ je, “Kmɔ̌à ɛɛ win kwa kɔn kpě kɔnʼǒ äa Koɔn Nyesoa klee Ɔɔ Tentǎn Jǔ mɔ̀ plě Nɔ̀ mi ɛ win kwa kɔnma ke ɛ mii kɛ̀ɛ jleě mǒ bo tonma!”

Wlɛ̀velesɔ̌n 2:26

Nyu wùɛ ɔ̈ mii duduɛ kɔnma klee ɔ̈ miǒ Něe kɛn wɔɔn dɛ bo tùba ɛ mǐ ɛɛ kpa kpa ɛ miǎě ɛɛ dlǒ chlɛ̀ɛa mǒ nyni, nɔ̀ Ě miǎ kpě nyema ɔ̈ miǎ dakwɛ̌ win kwa kɔnma

Wlɛ̀velesɔ̌n 7:10

U pnɛ̌a dɛ jleě le, kě u dɛ̌ u je, “Äa wowa dɛ sɔnʼě mǒ äa Nyesoa mɔ̀ Ɔ̈ neǒo klɔ̀ba gbèsɛɛǒ kɛn bo klee klě Blajǔ mɔ̀!”