Wlɛ̀velesɔ̌n 12:1 - Nyesoaa Kuo Win Jajle

¹ È Ě jěa jboo dɛ fòɛ tɛ̀ɛ nɛ̀ beaě jɔkɛn, ɛ mooa nynɔ tɔ̀ɔ ɔ̈ peaa wɛn mǒ wòje keà nyu pee wlawlǒ mǒ. Sòbae neaě ɔ bobo plě ɔ̌ tùa klɔ̀ba flɛ̌ dlǒ ɛ̈ u nuua jɔtnèe pù tùo sɔ̌n.

Wlɛ̀velesɔ̌n 12:1 ပူးပေါင်းရင်းမြစ်များ

Matiɔ̌n 12:38

È Fɛlesǐi wǎn klee teteǎ tee nyoo tìe nù tmɛɛ̌a Jùsu u je, “Tee Nyuǒ, ä jlɛ̌ Bò te ä jboo dɛ je ä mǐ ɛ ji ɛ̈ moo sɔ̀nʼě mǒ Nyesoa mɔ̀.”

Matiɔ̌n 24:30

È plě Jbɛjuu Jǔu de didiɛ ɛɛ jboo dɛ miǎa kɛ lě jɔkɛn be. Nyopò miǎ Ɔɔ sònwɛ chìnma. È dakɔ̌pò dakɔ̌pò wùɛ miǎ Jbɛjuu Jǔà jěba Ɔ miǎě nukpě kɛn dii li klee klě Ɔɔ kpě klee tè jǐ boaboǎ fòɛ wlòmo keǒ Nyesoaa win dǎa. (Dan 7.13-14)

Mǎkè 13:25

Jɔtnè miǎě jɔ měne bloba, è noǎǒ kɔnʼɔ kpě klě jɔ mǒ i miǎ tùɔn měne wǒba.

Lǔkù 21:11

Blǒ bɛ sèke sèke bɛ beě bo ii noǎ fòe nì miǎ tùɔn kpaba klě tà wùɛ, è dodopà klee jǐlenymi kweǎ miǎ kmɔ̌à kɛn bo wlɛ̀ba. Wan bo kàe dɔ̌ noǎa klee mǒ bo kètee noǎ miǎě jɔ měne sɔnma.

Lǔkù 21:25

Jùsu kpɛɛa win nya Ɔ je, “Wan bo kàe noǎa nì miǎ tùɔn kpaba keǒ wɛn klee sòbae klee jɔtnè jleě mǒ. Dakwɛ̌ wùɛà neɔɔ kmɔ̌ɔ mɔ̀ fano miǎ u numa. Mɛ̌oǒ joo nɛ̀ moo u seǎ tà u miǎǒo jbodoěe klukwlɛ je plùua kɔnma mu.

Jɔ̀ɔ̌n 3:29

Nynejajloǒ ɔ kɔnʼǒ ɔɔ jbe mɔ̀, è jbeǒ ɔɔ nenawai nynaǒ u gbàa bo ɔ̌ pe ɔɔ win nɔkǔ jebo, è ɔɔ plɔ ble le bɔ̌ ke ɔɔ win wɛ̌n. Dɛɛ doǒ nɛ̀ ɛ mono, mǒà ně plɔ blo lo klě tǐà wlòmo. Mɛ̌oǒ joo nɛ̀ moo Ě ji ɛle Nɔ̀ moo Nyesoaa Tentǎn Jǔ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:19

Ě miǎ wlòlekaen noǎ numa klě jɔ mǒ klee kělɔ blǒ mɔ̀, jà nymɔ klee na klee mǒ kpoklǒ nǎno.

Wlǔmɔ 13:14

kɛɛ dɛ ba nuu nɛ̀ moo a poě aa chɛ̀ Koɔn Jùsu Tentǎn Jǔ kwete mǒ, a bɔ̌ dɛ kukǔu dlǒ le sìɛnsiɛn tǐ wùɛ mɔ̀.

Wlǔmɔ 3:22

Nyesoaa jebo siǐan keǒ ä mɔ̀ ɛ diiě äa tè wlò popoɛ mǒ ɛ̈ ä kɔnʼɔ klě Jùsu Tentǎn Jǔ mǒ. Ɛ neǒ no keǒ nyu wùɛ mɔ̀ ɔ̈ po lii kàan tè. Mɔ̀le bebɛ̌ seǒ Jùwɛ nyo klee kuodakwɛ̌ pǎnpe ne.

2 Kwnɛtiɛ̌ 11:2

Ě kɔn chea keǒ a mɔ̀ wòje keǒ Nyesoa nuu. Ě jlɛ̌ ba nye aa chɛ̀ Tentǎn Jǔ sosǒ wòje keǒ nynejuà ɔ̈ see jbɛju tè ji ɔ̈ tùiǒ ɔɔ chɛ̀ bo keǒ jbɛjuu do sosǒ mɔ̀ ɔ̈ miǎ nɔɔ tǐn koǔ bo paeba.

Kalesiɛ̌n 3:27

Bɛ̌ nu aa nyu bɔ̌ po ně dlǒ keǒ ɔ klee Tentǎn Jǔ bu moo dɛɛ do, Tentǎn Jǔu kmɔ̌ nɛ̀ beě ɔ mǒ.

Kalesiɛ̌n 4:26

Kɛɛ Selɔ̌ nynaǒ pènmo bo sɔ̌n nenɛ kuo winʼǒ ï sàa nyopò dbǐ mǒ klě Nyesoaa teteǎa win kwa konkɔn bobo, nɔ̀ nynaǒ Jlǔsnɛǒ neěe jɔkɛn pènmo bo. Kuo winʼǒ nì ä neě bobo.

Kalesiɛ̌n 6:14

Kɛɛ dɛɛ do kɔn tè Ě mii wun fòɛ le poba nɛ̀ moo äa Koɔn Jùsu Tentǎn Jǔu kokǒ tè. Nɔ̀ nu ɛ kmɔ̌ɔ noǎ see kɛ̀ǒ ně tè mɔ̀ kɔn plě Ě see kɛ̀ǒ ii tè mɔ̀ kɔn.

Ifisiɛ̌n 5:32

Imo winʼǒ noǎ fòfoa neě i wlòmo, kɛɛ Ě je i kwɛǒ jleě mǒ bo Tentǎn Jǔ klee Ɔɔ wǎn

Wlɛ̀velesɔ̌n 1:20

Jɔtnèe nyiɛtaǒ jèe ï neɔ Mǒo dilǎ son mǒ klee nǎpea tii nyiɛtaǒ, dɛ i sɛ̀nʼɛ nynɛ̌ nɛ̀ moo jɔtnèe nyiɛtaǒ nì nynaǒ pènmo bo najiǒpòo nyiɛta ü nynaǒo Tentǎn Jǔu wǎn kpɛɛ nyiɛta pènmo bo. È nǎpea tii nyiɛtaǒ nì nynaǒ pènmo bo Tentǎn Jǔu wǎn kpɛɛ nyiɛtaǒ.”

Wlɛ̀velesɔ̌n 11:19

È Nyesoaa kǎ fòɛǒ neěe jɔkɛn ɛ knana ne, è Nyesoaa ngmà je ne blɔ̀kunʼǒ Ɔɔ kuo win neěe wlòmo ï neǒo Ɔ klee tùonyopo pǎnpe ɛ̀ jeěa le klě Ɔɔ kǎ fòɛǒ bo. È tɛ̀n ngmněa ne ɛ̌ kwlia ɛ̌ bea ble plě blǒ sèkea klee chɛn kpěn fòee pìpia dia le.

Wlɛ̀velesɔ̌n 12:3

È jboo dɛ tɛ̀ɛ nɛ̀ beaě jɔkɛn. Ɛ mooa dɔsmɛ chǒ fòɛ ɔ̈ neaa dlěe nyiɛta je klee ngmèe pù dlǒ. Klɔ̀ba fleǎa nyiɛta nì ɔ tùa dlǒ.

Wlɛ̀velesɔ̌n 15:1

Ě jěa wlòlekaen je te dɛ fòɛ tɛ̀ɛ de klě jɔkɛn, ɛ mooa najiǒpòo nyiɛta ü blěaa demǒ bɔɔ̌ sònwɛ jěe noǎa nyiɛta kwa, nù kɔn dɛ bɛ wɛ̀aǒo le, è Nyesoaa jlo nɛ̀ǒ sieaǒ.

Wlɛ̀velesɔ̌n 21:14

Dě fòɛǒ ɛɛ ngmì nynanaǒ kɛn bo kǎngmà ɛ̈ nuuaa seɛ̌ fòee pù tùo sɔ̌n, è kǎngmàǒ ɛɛ seɔ̌ɔ do wùɛ kɛn keǒ u chlěaǒ Blajǔu tuposà kpa nyoo pù tùo sɔ̌nʼǒ uu nyneǎ.

Wlɛ̀velesɔ̌n 21:23

Dě fòɛǒ ɛ sea wɛn klee sòbae sòa keǒ bi fɔna klě ɛ wlòmo. Nyesoaa tè jǐ boaboǎ nɛ̀ fɛna klě ɛ wlòmo plě Blajǔ Nɔ̀ mooa Nǎpe keǒ ɛ mɔ̀.