Wlɛ̀velesɔ̌n 11:8 - Nyesoaa Kuo Win Jajle

⁸ Uu kokǒ dɛ miǒ blɛblě mɔ̀ bo pɛnma klě dě fòɛǒ moo Jlǔsnɛ wlòmo tà u kɔɔaǒ uu Koɔn pète bɛ̌ tu jleě. Jlǔsnɛ nɛ̀ nynaǒ Sedɔ̀n diě klee Ǐjɛ̀te blǒ pènmo bo.

Wlɛ̀velesɔ̌n 11:8 ပူးပေါင်းရင်းမြစ်များ

Matiɔ̌n 10:15

Tèe jleě nìà Ě tmɛɛ̌ amo, klě blilǐ tù chnɛ̀ jlǒ waě wlòmo deěe sɔ̌nʼǒ moo Sedɔ̀n klee Komolà ii nyopòo dɛ kukǔu tè jɛɛa miǎǒ le tɛ̀nma ɛ miǎǒ nyopòǒ uu tè mǒ sìn.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:4

è nɔ̀ǒ bea wɔ̀ɔn keǒ blǒ mɔ̀. È ɔ wɔ̌na Win Ï dɛ̌a bò ɔɔ je I je, “Sɔ̀ɔ̌, Sɔ̀ɔ̌, mɛ kɔɔ̌n tè tèě kɛ Ně tè mɔ̀?”

Hiblǔ 13:12

Dɛɛ doǒ nɛ̀ kɔn tè Jùsu koǒaě dě fòɛɛ dɔwun jleě keǒ Bɔ nua Ɔɔ nyopò bu ne ngmà je klě Ɔɔ chɛ̀ɛ nymɔ mǒ.

Hiblǔ 6:6

bǔ kplɛɛǒ uu tè wlò popoɛ kɛn, u slě wɔ̀ bu bitǐ uu wlè bo de u mǐ tè wlò le poo lo. Dɛǒ u nuu ɛ wǒ je keà u kɔǒo Nyesoaa Jǔà pète bɛ̌ tu jleě de plě ɛ moo u kpaǒ Ɔ klɔ̀ slè ǔ sà Ɔ kǔ kɛn.

2 Pitɛ̌ 2:6

Nyesoa sùea deě fòee sɔ̌nʼǒ monoo Sedɔ̀n klee Komolà gbè, Ɔ nua na Ɔ̌ siɛna i, i nua pòpo. Ɔ nua deěǒ i mǐa jboo dɛ tù keǒ dɛ miǎa tùɔn kpaba mɔ̀ keǒ nyopòà mɔ̀ ü se Ɔɔ ji.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:7

Bi beě a wlòmo ke deěǒ moo Sedɔ̀n klee Komolà ii nyopò klee deěǒ tbɛɛa ii dǐ ii nyopò seaǒo Nyesoa bo tùtuɛ nu wòje keǒ najiǒpòǒ u nuaa. U nea se wòn mɔ̀ɔ wɛ̀ kmɔ̌ klee jbɛjlu bu pɛn uu bǐì jbɛjlu mɔ̀ kmɔ̌, ii tè Nyesoa nua na ɔ̌ sùea u gbè. Uu dɛǒ nɛ̀ moo ɛɛ jboo dɛ keǒ nyopòà mɔ̀ ü kɔn plɔ miǎě tu kɛn bo maěma klě kmɔ̌ sie na slè.

Wlɛ̀velesɔ̌n 11:13

Klě tǐi doǒ wlòmo, è kpě kɛne blǒ sèkea bea bo, è dě fòɛǒ ɛɛ wakǎ peǎn gbe nɛ̀ wlɛ̀a blǒ mǒ, è nyopòo taslěwɛɛ nyiɛta nù kǒa. Nyopòǒ siaa kmɔ̌, dɛǒ ɛ jaěa uu fě dlǐ, è nùǒ nyea Nyesoa tè jǐ boaboǎ Ɔ̈ kɔnʼɔ jɔkɛn win kwa.

Wlɛ̀velesɔ̌n 11:9

Klě chnɛ̀ jlǒ wěe tan ne bɔ̀tie le wlòmo nyopò miě nyopò slè mǒ sɔnma u mǐ blě kɛn měne sɔn u miě dɔ̌ɔdɔ̌ nyoà pee dɔ̌ɔdɔ̌ win slè měne sɔn plě u mǐ dakwɛ̌ mɔ̀ měne sɔn u mǐ uu fěǒ jěba mu. U jlɛ̌ bu po u pà mǒ, ii tè uǔ wɔɔn ɛ kɛn keǒ bu kpa u bo tùba.

Wlɛ̀velesɔ̌n 14:20

Klě tòuǒ wan klě u duuaě kwlepòǒ klě dě fòɛǒ ɛɛ ngmì demǒ. Nymɔ sɔnaě tòuǒ wan mǒ ɛ̈ chlìaa le, nymɔǒ ɛɛ de chlìchlɛ dɛ ɛ nanaa kɛn ɛ nua patěe taslěwae ne le hɔ̀ndlowɛɛ m̀mɔdo (1600), è ɛɛ mǒ tmɔtmɔ nua bewee m̀m.

Wlɛ̀velesɔ̌n 14:8

È sɔ̌n nonɔ najiǒpòiǒ kɛnaǒ ɔɔ mɔ̀, kě ɔ dɛ̌a ɔ je, “Babòlɔn nyoo blǒ wlɛ wɔ̀ɔn! Babòlɔn fòɛ wlɛ mǒ blǒ ü nii dakwɛ̌ wùɛ ǔ nɛ̌ nɔɔ nmɔ ɛ̈ moo wlawle nu kmɔ̌, Nyesoa miǒ uu plɔ tu kɛn bo maěma!”

Wlɛ̀velesɔ̌n 16:19

Dě fòɛǒ u dɛɛ Babòlɔn ɛ klǎla mǒ ɛ̌ nua peěnʼe tan, è deě fòe wùɛ ï nee blě kɛn le ï sùea gbè. Nyesoa sea Babòlɔn nyoo kpni kukwǐi tè snù, Ɔ nua nu ǔ nǎna Ɔɔ jloo nmɔ kàe waě ɛ̈ jǐa lěe.

Wlɛ̀velesɔ̌n 17:1

È najiǒpòǒ blěaa fuii nyiɛtaǒ u nyuu do nɔ̀ dia lěě mɔ̀, kě ɔ dɛ̌aǎ je ɔ je, “Diě, Ě mǐì plɔɔ tu kɛn bo maěa fòɛǒ tee le keǒ gblà nynɔǒ mɔ̀ ɔ̈ neǒo neǎ sakaǐ fòfoaǒ kɛn.

Wlɛ̀velesɔ̌n 17:18

Nynɔǒ jèe ɔ nynaǒ pènmo bo dě fòɛ ɛ̈ kɔnʼɔ klɔ̀bapoo wùɛ win kwa ü neɔɔ kmɔ̌ɔ mɔ̀.”

Wlɛ̀velesɔ̌n 17:5

Ɛ kɔna je wɛ̌ nynɛ̌ ɛ̈ chleěaa keǒ ɔɔ jigbàa gblee wnana mǒ, nɛ̀ dɛ̌a bò ɛ̈ moo, “Babòlɔn fòɛ, mòo gblà nynoo naǎ plě kmɔ̌ɔ noǎ sòen wùɛ nì neɔɔ̀ kɛn.”

Wlɛ̀velesɔ̌n 18:10

U mi ɔɔ sònwɛ jejeɛ̌ fano peba, ii tè u miě nya bo nynama u mǐ bo dǎ, ‘Chlǒ, chlǒ keǒ dě fòɛǒ moo Babòlɔn mɔ̀ ɛ̈ monoo kpě kɛne diě! Nè plɔ tu kɛn bo maěa diě klě àwɔɔ do sosǒ wlòmo!’

Wlɛ̀velesɔ̌n 18:18

Bɛ̌ nu bǔ jě ɛɛ sinsin noǎa nǎno, è kě u mi dǎba, ‘À diě tae kɔn kunkuɛn jɛɛ leě kɛ Babòlɔn kɛn?’

Wlɛ̀velesɔ̌n 18:2

Ɔ pnǎna dɛ jleě klě kpě kɛne win wlòmo, kě ɔ dǎla ɔ je, “Babòlɔn fòɛ wlɛ mǒ blǒ! Ɛ monoo kɛ̀ tùɔnʼà kɔn kɛn kǔ sìsi neěe klee se wòn le wɛ̀ sìsi plě noeà see sìnɛ wɛ̀ klee ä faen nee.

Wlɛ̀velesɔ̌n 18:21

È Ě jěa kpě kɛne najiǒpòi tɔ̀ɔ ɔ̌ dǔa seɔ̌ fòɛ mǒ ɛ̈ klee kèuseɔ fòɛ boa lee nɛ̀ ɔ tuǔnʼaě jbǒ mɔ̀, kě ɔ dǎla ɔ je, “Dě fòɛǒ ke u mi ɛɛ kwa jakě kpaea numaò, Babòlɔn mi blǒ mǒ wlɛba, è nyu see kɛ̀ ɛ jejeɛ̌ kɔnma mu de.

Wlɛ̀velesɔ̌n 18:24

Nyesoaa nyopò klee Ɔɔ wnɔsàɔpoo nymɔ klě ɛ neě Babòlɔn wlòmo. Nyopò wùɛà u dbǎa chɛ̀ kělɔ blǒɔ mɔ̀ uu nymɔ neě ɛ wlòmo.”