Wlɛ̀velesɔ̌n 11:3 - Nyesoaa Kuo Win Jajle

³ Ně sàsepo kplěe sɔ̌nʼà Ě mi u kpě nyema, u mi chìnchin dale měne poba u mǐ Ně win wan sà klě jlěe tan ne bɔ̀tie le wlòmo.”

Wlɛ̀velesɔ̌n 11:3 ပူးပေါင်းရင်းမြစ်များ

Matiɔ̌n 11:21

È kě Ɔ dɛ̌a Ɔ je, “Chlǒ keǒ nyopòà mɔ̀ ü neěe Kowlasèn diě wlòmo, chlǒ keǒ nyopòà mɔ̀ ü neěe Bɛsedà diě wlòmo. Mɛ kɔɔ̌n tèǒ joo nɛ̀ moo bɛ̌ nu wlòlekaen noǎà ïà Ě nuɔ amoo slè Boǒ nuu ni klě kpni kukwǐ nyoǒ slè ü neěe deěǒ moo Taè klee Saedɛ̀n wlòmo, u miia uu wlè bo bitǐba u miǐa blɛ̌ wlawlě měne po u miǐa pòpo dlǒ le po seela keǒ bɛ teea lɛ ɛ̈ moo uu wlè bitǐa bo.

Matiɔ̌n 18:16

Kɛɛ bɔ̌ se nè win nɔkǔ jebo po, è bò kpa nyuu do ɔ̀ɔ̌ tàii sɔ̌n ɛ̈ di ɛɛ numa aa sɔ̌nʼǒ ɔ̀ɔ̌ tanʼǒ a mǐ sàse tù a mǐ tèǒ ikòo kɛn poo lo wòje ke Nyesoaa win dɛ̌ɛ. (Deut 19.15)

Lǔkù 10:13

Jùsu kpɛɛa Ɔɔ win nya Ɔ je, “Chlǒ keǒ nyopòà mɔ̀ ü neěe Kowlasèn diě wlòmo, chlǒ keǒ nyopòà mɔ̀ ü neěe Bɛsedà diě wlòmo. Mɛ kɔɔ̌n tèǒ joo nɛ̀ moo bɛ̌ nu wlòlekaen noǎà ïà Ě nuɔ amoo slè Boǒ nuu ni klě kpni kukwǐ nyoǒ neěe deěǒ moo Taè klee Saedɛ̀n slè, u miia uu wlè bo bitǐba klee u miǐa blɛ̌ wlawlě měne po u miǐa pòpo dlǒ le po seela keǒ bɛ teea lɛ ɛ̈ moo uu wlè bitǐa bo.

Lǔkù 24:48

A sèsae nyopò wùɛ wlòmo keǒ noǎà ii tè mɔ̀.

Jɔ̀ɔ̌n 15:27

Sɔɔnʼě Ně konkwaa wlò tùla mǒ a klee Mǒo sɔ̌n ä dǔa nena mǒ no, tèǒ nì kɔn tè a mi aa bǐì wlòmo sèsaeba ke keǒ Ně tè mɔ̀.

Jɔ̀ɔ̌n 3:27

Jɔ̀ɔ̌n tùa u kɛ̀ɛn ɔ je, “Nyu wùɛ nɔ̀ se kpěǒ blě ɛ̀ sìnʼǒ Nyesoa Bɔ̌ nye i ɔ plě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:8

Kɛɛ dɛ ba jii nɛ̀ moo bɛ̌ nu bo Ngmà Je Ne Sùsu Bɛ̌ diě a ja, Ɛ mi a Nyesoaa kpě nyema, è a mi sàse dɛ numa keǒ nyopò tùu mɔ̀ keǒ Ně tè mɔ̀ kělɔ Jlǔsnɛ klee kělɔ Jùdǐa wakǎ wùɛɔ kɛn klee klě Sìmɛ̌lia blǒ wùɛǒ wlòmo ɛ mǐ mu mu ɛ mǐ kmɔ̌ wùɛà dlǒ wɔ̀.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:31

È klě chnɛ̀ jlǒ wě fòfoa wlòmo Ɔɔ nyopòà klee Ɔ̀ nɛ pnɔɔ blě kɛn le sɔɔnʼě Jàlalǐi wakǎ kɛn mǒ bò mu Jlǔsnɛ nù jěa Lɔ. Klě tǐà wlòmo nù moo sàse keǒ Ɔ jleě mǒ keǒ tùonyopo mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:32

Nyesoa Nɔ̀ dǔa Jùsu jemǒ Ɔ̈ sàlaě Ɔ kǒla mǒ, è äa pɛpɛ wùɛ ä moo sàse keǒ ɛ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:15

Nyuà Ɔ̈ moo Fònfnoo Wlò Le Tùtuɛ Nɔ̀ a dbǎla, kɛɛ Nyesoa dǔa Ɔ jemǒ Ɔ̌ sàlaě Ɔ kǒla mǒ, äa wùɛà nɛ̀ kɔn sàse dɛ ä ni.

1 Kwnɛtiɛ̌ 12:28

Nyesoa po aa do do tùnwɛ jleě le klě Tentǎn Jǔu wǎn slè. Klekle nyo nù moo Ɔɔ tuposà kpa nyo, è sɔ̌n nunu nyo moo Ɔɔ wnɔsàɔpo, è tan nunu nyo moo tee nyo plě nyopòà nii wlòlekaen noǎ klee nyopòà Ɔ nyee nyopò peanpeanʼa kbě klee mǒ sɛ̀ɛ nyo klee kàan je si nyo plě klee nyopòà wɔ̀le ɛɛ bü poo dɔ̌ɔdɔ̌ win.

2 Kwnɛtiɛ̌ 13:1

Wěe tan nenɛà keǒ boǒ di a jebo chèba. Kě Nyesoaa win dɛ̌ i je, “Tùtu tè wùɛ kɔn bi kɔn sàsepoo sɔ̌n ɔ̀ɔ̌ tan.” (Deut 19.15)

Ifisiɛ̌n 4:11

È Ɔ nye tìe tùu Nyesoaa Sùsuu nyee dɛ ɛ̈ moo Ɔɔ tuposàà ɛɛ kpokpa, Ɔ̌ nye tìe Nyesoaa win wan sèsa Ɔ̌ nye tìe Nyesoaa win blě kɛne naea Ɔ̌ nye tìe Nyesoaa tè boɔboɔ Ɔ̌ nye tìe Nyesoaa win teea.

Wlɛ̀velesɔ̌n 1:5

klee klě Jùsu Tentǎn Jǔ mɔ̀ Ɔ̈ moo wlò kpae Sàse klee klekle Nyu Ɔ̈ sàeěe kǒla mǒ plě Ɔ̈ kɔnʼɔ klɔ̀bapoo wùɛ win kwa ü neɔɔ blǒɔ mɔ̀. Bìsea keǒ Jùsu mɔ̀ keǒ Bɔ di ä mǒ noɛɛ ne Bɔ di ä kpni kukwǐi plɔ tu kɛn bo maěe dbǔ mɔ̀ bɛ̌ ɛ̈ Ɔɔ kokoɛ̌ nuu.

Wlɛ̀velesɔ̌n 11:2

Kɛɛ kǎ fòɛǒ ɛɛ pàntoǒ ɛ kɔnʼǒ kuodakwɛ̌ mɔ̀ ü mii ngmà je ne diěà batě kɛn ble tùba klě jlěe tan ne bɔ̀tie le wlòmo, tèǒ nì kɔn tè nè dbe ɛ.

Wlɛ̀velesɔ̌n 11:6

Tǐǒ jleě sàsepoo sɔ̌nʼǒ u mii Nyesoaa win wan sàba, u kɔn kpě keǒ bu kan nǔ je klě jɔ mǒ ɛɛ̌ di dba plě u kɔn kpě ke keǒ bu bitǐ ně bo bɛ nu nymɔ plě u kɔn kpě bu poɔ dɛ kukǔ jakǎ wùɛ kělɔ kmɔ̌ɔ mɔ̀ ke u mi ɛɛ sòasoa numa.

Wlɛ̀velesɔ̌n 12:6

È nynɔǒ ɔ kpalaě kpatekpǎ blǒ kɛn plùplɛ klě tùɔnʼà Nyesoa wɔ̀laa mɔ̀le kɛn, tà ɔ miaǒo nema Nyesoa mǐaě ɔɔ tè mɔ̀ kɔn klě jlěe tan ne bɔ̀tie le wlòmo.

Wlɛ̀velesɔ̌n 13:5

Nmiǒ ɔ sɔɔnʼaǒ mɔ̀ mǒ ɔ̌ pea wun fòɛ le keǒ ɔɔ chɛ̀ mɔ̀ ɔ̌ pea Nyesoa fla wan ɔ̌ nia dɛ wùɛ ɔ jlɛ̌ bɔ nuaa klě jlěe tan ne bɔ̀tie le wlòmo.

Wlɛ̀velesɔ̌n 19:10

È nɔ̀ǒ Ě kɔaǒ kwne jemǒ bo Ě mǐa ɔɔ wɛ̀ sà, kɛɛ kě ɔ dǎlaǎ je ɔ je, “Bɔ̌ ɛ nunuɛ! Ě moo Nyesoaa nyebajlo wòje keǒ mò klee bìì Tentǎn Jǔu wǎn aa ka nee je ü tmɛɛ̌ nee Jùsuu tè nyopò tùu. Sà Nyesoaa wɛ̀, nè sɛ̀ ně wɛ̀. Dɛ kɔn tè wnɔsà winʼà i sàa lee wan nɛ̀ moo keǒ bo Jùsuu tè bi mǒ nyopò tmɔɔ̌ no.”

Wlɛ̀velesɔ̌n 20:4

È Ě jěa klɔ̀ba gbèsɛi ï nyopò neaa kɛn ble ü kpě nyeea bü tùaa blilǐ. Ě jěa nyopòà uu sìsi ü u bɛ̌aa dlě jele keǒ Jùsuu sàse dɛ nunuɛ tè mɔ̀ klee Nyesoaa win boɔboɔ tè. U sea nmiǒ ɔ klee ɔɔ sùsu tuu wɛ̀ sà plě u sea ɔɔ mǎkpee blě keǒ uu jigbàa gblee wnana mǒ klee keǒ uu son kɛn. Nù sɔnaě kǒla mǒ ü klee Tentǎn Jǔ kɔna win kwa klě jlěe taslěwaeǒ wlòmo.