Wlɛ̀velesɔ̌n 11:17 - Nyesoaa Kuo Win Jajle

¹⁷ kě u dɛ̌a u je, “Kpě kɛne Koɔn Nyesoa Ɔ̈ ɛ tùu plě ɛ tùaa, ä peè tàto keǒ Bò di Nè kpě fòe nu bi di kmɔ̌ wùɛà win kwa kɔn.

Wlɛ̀velesɔ̌n 11:17 ပူးပေါင်းရင်းမြစ်များ

Matiɔ̌n 11:25

È kě Jùsu dɛ̌a Ɔɔ Gbeǐ je Ɔ je, “Ně Gbeǐ Ɔ̈ kɔnʼɔ jɔkɛn klee kmɔ̌ win kwa, Ě peè tàto keǒ noǎǒ Bò di li kmɔ̌ɔ tɔ̀n kɔn nyo klee de ji nyo jǐ kɛn wɛ̌ɛ le plě Bò dì li pepě mǒ po keǒ nyopòà see de ji mɔ̀.

Lǔkù 10:21

Klě tǐǒ wlòmo Ngmà Je Ne Sùsu nua Jùsuu plɔ ɛ̌ bloa, kě Ɔ dɛ̌a Ɔ je, “Ně Gbeǐ Ɔ̈ kɔnʼɔ jɔkɛn klee kmɔ̌ win kwa, Ě peè tàto keǒ noǎǒ Bò di li kmɔ̌ɔ tɔ̀n kɔn nyo klee de ji nyo jǐ kɛn wɛ̌ɛ le plě Bò dì li pepě mǒ po keǒ nyopòà see dɛ ji mɔ̀. Kòo, Ně Gbeǐ, ɛmo dɛǒ nɛ̀ moo Nè kɛn wɔɔn dɛ.”

Jɔ̀ɔ̌n 11:41

Ii tè ǔ sàlaǒ seɔ̌ǒ keǒ bǐtìeǒ wien. È Jùsu chèaě jɔ mǒ bo, kě Ɔ dɛ̌a Ɔ je, “Ně Gbeǐ, Ě peè tàto Bò di Ně win wɔ̌n tǐ wùɛ mɔ̀.

2 Kwnɛtiɛ̌ 2:14

Ä pe Nyesoa tàto tǐ wùɛ mɔ̀ Ɔ̈ nɛɛ ämoo klě Ɔɔ dudu kpě mǒ ï neěe Jùsu Tentǎn Jǔ mǒ plě Ɔ̈ ni ämoo ä gbɛ̀tɛɛ Ɔɔ win blě kɛne wòje dɛà pee sonsnǒ.

2 Kwnɛtiɛ̌ 9:15

Ä pe Nyesoa tàto keǒ Nyee Dɛà Ɔ nye ämoo mɔ̀ Ɛ̈ kɔn tè boǎa jǐ Ɛ̈ moo Ɔɔ chɛ̀ɛ Jǔ Ɔ nye ämoo.

1 Timɛtě 1:12

Ě pe Tentǎn Jǔ Jùsu tàto Ɔ̈ moo äa Koɔn Ɔ̈ nye mǒo kbě keǒ Bɔ miǐ jě ɛ̈ moo Ě blɛɛ ɛ je keǒ Bɔ tba mǒ boǒ nu Ɔɔ konkwa.

Wlɛ̀velesɔ̌n 1:4

Mǒ Jɔ̀ɔ̌nʼà chlě chněedɛ̌à klě Tentǎn Jǔu wǎnʼa tàkpɛ̌ɛ nyiɛtaà mɔ̀ ü neěe Esìa wakǎ kɛn. Wlòo jlajlǎ dɛ ɛ̈ɛ̌ sàa wlò kǔ mǒ klee ně bo wnawna bi neeǒ a mɔ̀ ï sɔn lěe Nyesoa mɔ̀ mǒ Ɔ̈ ɛ tùu klee ɛ tùaa plě Ɔ̈ miěe diba klee ï sɔn lěe sìsii nyiɛtaǒ mɔ̀ mǒ ï nynaǒ Ɔɔ klɔ̀ba gbèsɛɛ jemǒ bo

Wlɛ̀velesɔ̌n 1:8

Kpě kɛne Koɔn Nyesoa Ɔ̈ ɛ tùaa klee ɛ tùu plě Ɔ̈ miěe diba, kě Ɔ dɛ̌ Ɔ je, “Mǒà Mǒ moo Ɛɛ Wlò Tùla Mǒ klee Ɛɛ Dlǒ Chlɛ̀ɛa.”

Wlɛ̀velesɔ̌n 11:15

Tà najiǒpòo nyiɛta nonɔǒ ɔ bea ɔɔ nokpa, Ě wɔ̌na slɛ̀ ɛ̈ peeaa le klě jɔkɛn, kě ɛ dɛ̌a ɛ je, “Kmɔ̌à ɛɛ win kwa kɔn kpě kɔnʼǒ äa Koɔn Nyesoa klee Ɔɔ Tentǎn Jǔ mɔ̀ plě Nɔ̀ mi ɛ win kwa kɔnma ke ɛ mii kɛ̀ɛ jleě mǒ bo tonma!”

Wlɛ̀velesɔ̌n 15:3

U blea Nyesoaa nyebajlo Mɔ̀sěe wlɛ̌ plě klee Blajǔu wlɛ̌, kě uu bleble win dɛ̌a i je, “Kpě kɛne Koɔn Nyesoa, dɛà nìi ɛ kun nu plě ɛ̌ moo wan bo kàe dɛ! Dakɔ̌ wùɛɛ Klɔ̀ba, Nè kmɔ̌ slɛɛ̌ mǒ no plě ɛ̌ nu kàan.

Wlɛ̀velesɔ̌n 16:14

I moo kǔ sìsi ï niaa wlòlekaen noǎ, nì nɛa blě kɛn le ï gbèa klɔ̀bapoo le keǒ to mɔ̀ ɛ̈ miaa tùɔn kpaba klě kpě kɛne Nyesoaa chnɛ̀ jlǒ waě fòɛǒ Ɔ mǐa lěe jaba mɔ̀.

Wlɛ̀velesɔ̌n 16:5

Ě wɔ̌na najiǒpòiǒ ɔɔ win ɔ̈ neǎa kpě nea lěe kwete mǒ ɔ je, “Ngmà Je Ne Nyesoa Ɔ̈ ɛ tùaa plě ɛ tùu, Nè wlòo ble po dɛà ɛ slɛɛ̌ mǒ no keǒ dɛà nùu kɛn.

Wlɛ̀velesɔ̌n 16:7

È Ě wɔ̌na chɔ̀no tògbee kǒngmàa win, kě ɛ dɛ̌a ɛ je, “Kòo, kpě kɛne Koɔn Nyesoa, Nè wlòo ble po dɛ nu kàan plě ɛ̌ slɛɛ̌ mǒ.”

Wlɛ̀velesɔ̌n 18:8

Keǒ dɛǒ ɔ nii ɛɛ tè tà, nɛ̀ kɔn tè sònwɛ jěe kweǎ klee sònwɛ chìnchiɛn klee dodopà, ii wùɛ i mi ɔ dlǒ beba klě chnɛ̀ jlǒ waěe do wlòmo. Koɔn Ɔ̈ moo kpě kɛne Nyesoa Ɔ bɛ̌ ɔ kɛn kokǒ wun, ii tè na mi ɔ siɛnma.

Wlɛ̀velesɔ̌n 19:11

È Ě jěa jɔkɛn ɛ̌ knana je, klě jǐi kapǒ tǐ wlòmo Ě jěa sòko plǔ ɔ̌ sɔnaě jɔkɛn mǒ, Nyuǒ nɛɛa ɔɔ kɛn u dɛɛa Ɔ Tè Wlò Popoɛ klee Kàan Tè. Ɔ tùi nyopò blilǐ mɔ̀ plě tèǒ kɔn tè Ɔ wɛ̀nʼaa to ǐ mooa mǒ slɛɛ̌ tè.

Wlɛ̀velesɔ̌n 19:6

Ě wɔ̌na dɛ tɛ̀ɛ ɛ̈ wǒaa win mǒ nyopò fòfoaa win klee klèe klukwlɛ klee tɛ̀nʼɛ pnapnǎ, kě i dɛ̌ i je, “Hehejoo! Äa kpě kɛne Koɔn Nɔ̀ kɔn win kwa!