Wlɛ̀velesɔ̌n 10:5 - Nyesoaa Kuo Win Jajle

⁵ È najiǒpòiǒ Ě jěaa ɔ̈ kɔlaěe bo jbǒ kɛn bo klee kělɔ blǒ kɛn, ɔ dǔa ɔɔ dilǎ son jemǒ klě jɔkɛn.

Wlɛ̀velesɔ̌n 10:5 ပူးပေါင်းရင်းမြစ်များ

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 14:15

kě u dɛ̌a u je u je, “Amo nyopòà, mɛ kɔɔ̌n kɛ tè a niǐ dɛà? Ämoà ä moo tùonyopo sosǒ wòje keà aa ka nee je! Ä diě ä mǐ a Nyesoaa kàan tuposàà je po ɛ̈ di ɛɛ numa noǎà see konkwa kɔn a mǐ i kɛn tbɛ a mǐ kmɔ̌ sie Nyesoa ja chè Ɔ̈ nuu jɔ klee blǒ klee jbǒ plě klee noǎ wùɛ ï neɔ ii wlòmo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:23

Ě kea le nɛ Ě jěa tùnwɛǒ kɔn kɛn a sɛ̀ɛǒo aa nyesoee wɛ̀. Ě jěa chɔ̀no tògbee ke ï kɔn jleě mǒ a chlěǒo dɛà ɛ̈ moo, ‘Keǒ Se Ji Po Nyesoa Mɔ̀.’ Nyesoaǒ Ɔ̈ kɔn wɛ̀ a sɛ̀ɛ Ɔ̈ a see ji Nɔ̀ kɔn tèà Ě dǔa boɔboɔ mǒ klě a mɔ̀.

Wlǔmɔ 1:20

Sɔɔnʼaě tǐǒ jleě mǒ Nyesoa nuaa kmɔ̌à, nɛ̀ u jii noǎ keǒ Ɔ jleě mǒ. Bǔ tanʼǒ noǎ Ɔ nuu mɔ̀le, nì pe ɛ pepě mǒ ɛ̈ moo Ɔmoà Ɔ blě kmɔ̌ sie kpě plě è Nɔ̀ moo Nyesoa. Tèǒ nì kɔn tè uu dɛ kukǔǒ u nii kanfinǎ seǒ ɛ kɛn ne.

Hiblǔ 6:13

Tà Nyesoa peaa win tànma mǒ klě Eblɛ̌hɛ̀mo mɔ̀, nyu tɔ̀ɔ tè sea kun i seaǒ Nyesoa mǒ sìn ɔ̈ Ɔ mǐaǒo jemǒ bo nyna Ɔ mǐa Ɔɔ chɛ̀ win kɛne po. Ii tè Ɔ poa Ɔɔ chɛ̀ win kɛne keǒ Ɔɔ chɛ̀ mɔ̀,

Wlɛ̀velesɔ̌n 1:18

plě Ɔ̈ moo Kmɔ̌ Ne Nyu. Ě kǒa le, kɛɛ tanàle, Ě ne kmɔ̌ ke ɛ mii jleě mǒ bo tonma plě Mǒ kɔn kokoɛ̌ klee na slè mumuɛ win kwa.

Wlɛ̀velesɔ̌n 10:2

Ɔ blěa plaplǎ chněedɛ̌ chěnchaě kwa ɛ̈ jlèeaa mǒ. Ɔɔ dilǎ bo nɛ̀ ɔ tbalaě jbǒ kɛn bo, è ɔɔ gbàpe bo nɛ̀ neaɔ blǒ kɛn.

Wlɛ̀velesɔ̌n 14:7

Ɔ jɛɛ̌aě win ɔ̌ boɛa, kě ɔ dɛ̌a ɔ je, “A nyeǒ Nyesoa tùtuɛ, a nye Ɔ tè jǐ boaboǎ. Dɛ ɛ nuu nɛ̀ moo tǐ nyniǒ no keǒ Bɔ tù nyopò wùɛɛ blilǐ. Sà Nyesoaa wɛ̀ Ɔ̈ nuu jɔkɛn klee blǒà plě jbǒ klee neǎa chlolǎi.”

Wlɛ̀velesɔ̌n 16:17

È najiǒpòo nyiɛta nonɔǒ ɔ̀ wlǎla ɔɔ fuo bo klě jɔ mǒ, è win jɛ̌a le ï sɔnaěe klɔ̀ba gbèsɛɛǒ mɔ̀ mǒ ɛ̈ nea lěe Nyesoaa kǎ fòɛ bo, kě i dɛ̌a i je, “Ɛ wɛ̀ mɔ̀ no!”

Wlɛ̀velesɔ̌n 4:11

“Äa Koɔn Ɔ̈ moo äa Nyesoa! Mò nu noǎ wùɛ plě Nè kɛn wɔɔan nɛ̀ nua nɛ ii wùɛ ǐ ne kmɔ̌, ii tè Mò blɛɛ ɛ je keǒ Bɔ kɔn tè jǐ boaboǎ klee tùtuɛ klee kpě!”

Wlɛ̀velesɔ̌n 4:9

Tǐ wùɛ mɔ̀ soaǒ bǐ ke kmɔ̌ sie Nyuǒ neǒo klɔ̀ba gbèsɛɛǒ kɛn bo tè jǐ boaboǎ nye klee bo tùtuɛ klee bǐ ke Ɔ tàto pe,