Wlɛ̀velesɔ̌n 10:1 - Nyesoaa Kuo Win Jajle

¹ È Ě jěa kpě kɛne najiǒpòi tɔ̀ɔ ɔ̈ sonwɛa lěe jɔkɛn mǒ ɔ̈ dia lɔɔ wɔ̀ɔn, nukpǎ nɛ̀ mooa ɔɔ wlawlǒ ɔ pea mǒ plě pànjbo tbɛɛa ɔɔ dlǒ dǐ. Ɔɔ jigbà wnea wòje wɛn, ɔɔ be wǒa napèpɛloo tiblǐ fòe.

Wlɛ̀velesɔ̌n 10:1 ပူးပေါင်းရင်းမြစ်များ

Matiɔ̌n 17:2

Ɔ̌ sàea keǒ u jemǒ, Ɔɔ jigbà wnea wòje wɛn, è Ɔɔ dale plɛ̌a pɔpɔ wòje wɛnʼɛ pepě.

Lǔkù 21:27

È nyopò wùɛ miǎ Jbɛjuu Jǔà jěba Ɔ miǎě nukpě kɛn dii li klee klě Ɔɔ kpě fòe klee tè jǐ boaboǎ wlòmo keǒ Nyesoaa win dɛ̌ɛ. (Dan 7.13)

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:13

Blǒo dlǒ le wlaeɔ̌ò, klě tǐà ɛ blɛɛa wɛnʼɛ blǒ mǒ wuleea mɔ̀, klě chnɛ̀ jlǒ waěǒ wlòmo Ě kea ɛmo snǔǒ mɔ̀ nɛ, è keà nyu kɛpǒo jǐ Ě jěa pepě ɛ̈ sɔnaěe jɔkɛn mǒ ɛ̈ kɔn plɛplɛ̌ sìnʼaǒo wɛn mǒ, nɛ̀ fɛɛnʼa mǒ klee ně nyopòǒ nɛaa dlǒ.

Wlɛ̀velesɔ̌n 1:7

A tanà le, Tentǎn Jǔ miǎě nukpě kɛn diiba! Nyopò wùɛ miǎǒ Ɔ jleě mɔ̀ kpaba, jà nyopòo chɛ̀ǒ dbǎla Ɔɔ. Dakwɛ̌ wùɛà neɔɔ kmɔ̌ɔ mɔ̀ u mi Ɔɔ sònwɛ chìnma. Imo tèà nì moo kàan tè, kě bɛ ne.

Wlɛ̀velesɔ̌n 18:1

Tà dɛǒ ɛ sìnʼaa, Ě jěa najiǒpòi tɔ̀ɔ ɔ̌ sonwɛaě jɔ mǒ ɔ̌ diaɔ wɔ̀ɔn. Ɔ kɔna win kwa kɔn kpě fòe, ɔɔ tè jǐ boaboǎa pepě fɛnʼa kělɔ blǒ mɔ̀.

Wlɛ̀velesɔ̌n 18:21

È Ě jěa kpě kɛne najiǒpòi tɔ̀ɔ ɔ̌ dǔa seɔ̌ fòɛ mǒ ɛ̈ klee kèuseɔ fòɛ boa lee nɛ̀ ɔ tuǔnʼaě jbǒ mɔ̀, kě ɔ dǎla ɔ je, “Dě fòɛǒ ke u mi ɛɛ kwa jakě kpaea numaò, Babòlɔn mi blǒ mǒ wlɛba, è nyu see kɛ̀ ɛ jejeɛ̌ kɔnma mu de.

Wlɛ̀velesɔ̌n 20:1

È Ě jěa najiǒpòi tɔ̀ɔ ɔ̌ sonwɛaě jɔkɛn mǒ, ɔ blěa bǐtìe fòɛǒ see mɔ̀ kɔn ɛɛ gbàadɛ̌ kwa, chěen fòe neaě ɔ kwete mǒ.

Wlɛ̀velesɔ̌n 4:3

Nyuǒ neaǒ ɛɛ kɛn bo Ɔɔ wnewne wǒa je jǐlenmɔ seɔ̌ u dɛɛ jɛsèpa klee seɔ̌ chǒ u dɛɛ kanilìɛ plě pànjboà wǒaa jǐlenmɔ kwlǎ jajle seɔ̌ u dɛɛ ɛmɔwlà ɛ̌ plɛɛa klɔ̀ba gbèsɛɛǒ.

Wlɛ̀velesɔ̌n 5:2

Plě Ě jěa kpě kɛne najiǒpòi ɔ̌ pea sàe ɔ je, “Mɔ blɛɛ leě kɛ je keǒ bò sàǎ chněedɛ̌à sluuà jele?”

Wlɛ̀velesɔ̌n 8:13

Ě keaǒ le tɛn, è Ě wɔ̌na kee wonwan klě jɔtùwle mǒ ɔ̌ pnɛ̌a le ɔ je, “Bo najiǒpòo tanʼǒ siǒo bǔ be u blěe nokpeǒ, a jě ke ɛ mii jǐlenymi dɛ tùtu numa ne keǒ nyopòà neɔɔ kmɔ̌ mɔ̀. Ɛ mi jǐlenymi dɛ tùba keǒ u mɔ̀!”