Wlɛ̀velesɔ̌n 1:9 - Nyesoaa Kuo Win Jajle

⁹ Mǒ Jɔ̀ɔ̌nʼà ɔ̈ moo aa bě Tentǎn Jǔu wǎnpòi, Ě moo aa nenatùmo klě sònwɛ jejeɛ̌ slè klee Nyesoaa deplě klee tǐ jakě jebo nynanyna ï ä klee Jùsu ä jeěǒo tàa do. Ě boɛa Nyesoaa win plě Ě nia Jùsuu sàse dɛ, tèǒ nì kɔn tè Wlǔmɔ nyoo kòngmna kpala lěě blǒ tìeǒ kɛn ɛ̈ ně poěe gbàe mǒ u dɛɛ Pamǒ.

Wlɛ̀velesɔ̌n 1:9 ပူးပေါင်းရင်းမြစ်များ

Matiɔ̌n 20:23

È Ɔ tùa u kɛ̀ɛn Ɔ je, “Kàan tè, a mi ɛ mǒ naema, kɛɛ ɛ se Mǒà ně tba nyu tae ɔ̈ miǎě Něe dilǎ son mɔ̀ bo neema klee nyu tae ɔ̈ miǎě Něe gbàpe son mɔ̀ bo neema. Imo tùnwɛǒ Ně Gbeǐ wɔ̀ i mɔ̀le ǐ neǒ keǒ nyopòǒ ü kɔnʼǒ ii kɛn mɔ̀.”

Mǎkè 10:39

È u tùa Lɔ kɛ̀ɛn u je, “Uuǔn, ä wɔ̀ɔ ɛle.” È kě Jùsu dɛ̌a u je Ɔ je, “Kòo, a mi sònwɛ jejeɛ̌ɛ kàeà mǒ naěma, a mǐě tǐ jakě slè tìe bɛɛ̌ le,

Jɔ̀ɔ̌n 16:33

Ě tmɛɛ̌ a noǎ wùɛǒ lo ɛ̈ di ɛɛ numa a mǐ ně bo wnawna kɔn klěě mǒ. È klě kmɔ̌ wlòmo a mi dɛɛ wan le popa fòfoa jěba, kɛɛ a kɔn kponkpɛ, Ě du kmɔ̌à ɛɛ kpě wan.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:15

Chnɛ̀ jlǒ waě tɛ̀ɛ mɔ̀ uu tàkpɔ̌ ɛ̈ blɛɛa tà wlèe m̀mɔdo mɔ̀ nù bòa le, è Pitɛ̌ nynana bo klě u slè, kě ɔ dɛ̌a ɔ je,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 14:22

keǒ bu poa Jùsuu de na nyoǒ kbě ja le bu kpaea uu tè wlò popoɛ u kɔnaa nya, è u tmɔɔ̌a nu u je, “Ä kɔn bä jě sònwɛ fòfoa plě Nyesoa mǐ ä win kwa kɔn.”

Wlǔmɔ 8:17

Bɛ̌ nu bä moo Ɔɔ jlǔ, è ä ji ɛle tɛɛ tɛɛ ɛ̈ moo Ɔɔ konkɔn noǎ kɔnʼǒ ä mɔ̀. Ä klee Tentǎn Jǔu sɔ̌n ä mǐ ii plɔ bloblɛ kɔn, ke ɛ toon jleě mǒ bo ä klee Tentǎn Jǔ ä jěe sònwɛ. Tèǒ nì kɔn tè ä miǎ tè jǐ boaboǎ kɔnma klě Ɔ mɔ̀.

Wlǔmɔ 8:25

Kɛɛ bɛ̌ nu bä kɔn wlò je kunkuɛn keǒ dɛà ä slě wɔ̀ bä jěe mǒ, è ä dbɛ̌ wlò ä fe ɛ kɛn mǒ.

2 Kwnɛtiɛ̌ 1:7

Ä kuun ɛ je wlò keǒ wlò je kuuan ä kɔnʼɔ keǒ a mɔ̀. Ä ji ɛle ɛ̈ moo keǒ a nii sònwɛ jejeɛ̌ keǒ noǎa doǒ kɔn sònwɛ ä jěe mɔ̀, kě Nyesoa mi a mǒ sɛ̀ɛa numa wòje dɛɛ doǒ Ɔ nu ämoo mǒ.

Flepiɛ̌n 1:7

Baǎje mǒ poo wùlo ɔ̀ɔ̌ mǒ se wùlo poo lo, Ě wɛ̀ɛn kàan tuposàà ɛɛ tè kɛn klee Ě pee ɛ kòo kɛn keǒ nyopò tùu mɔ̀, ɛ wɛɛnʼǒ le keǒ bo nu chǒn keǒ aa tè mɔ̀. Mɛ̌oǒ joo nɛ̀ moo Ě jě ɛ ɛ̈ moo aa wùɛà a klee mǒo sɔ̌n ä moo mɔ̀niapo keǒ konkwa taeà Nyesoa nye mǒo ɛɛ nunuɛ mɔ̀.

Flepiɛ̌n 4:14

Ɛ mooa kàan dɛ keǒ ba mǐaǎ mǒ sɛ̀ɛ le klě ně feanfeǒ noǎa slè.

2 Tɛseloniǎ 3:5

Nɛ bo Koɔn Bɔ nae amo ɛ̈ di ɛɛ numa a mǐ nyopò tùu mǒ noɛɛ ne keǒ Nyesoa nii klee a mǐ wlò dbadbǎ kɔn keǒ nyopò tùu mɔ̀ keǒ Tentǎn Jǔ nii.

2 Timɛtě 1:8

Tèǒ nì kɔn tè nè pe tònwe keǒ bò nu sàse dɛ keǒ nyopò tùu mɔ̀ keǒ Koɔn Jùsu jleě mǒ klee nè pe tònwe keǒ ně tè mɔ̀ keǒ bo moo wùlo po nyu keǒ Ɔɔ konkwaà Ě nii ɛɛ tè mɔ̀. Kɛɛ Nyesoaa kpě nì bò nu miě ɛ wɔ̀ mìǐ kɛn be ä mǐ sònwɛ jě keǒ kàan tuposàà ɛɛ tè mɔ̀.

Hiblǔ 10:36

A kɔn ba kɔn wlò dbadbǎ klě tè wlò popoɛ mǒ ɛ̈ di ɛɛ numa a mǐ Nyesoaa kɛn wɔɔn dɛ nu klee a mǐ dɛ wùɛ Ɔ peeě amoo jě.

1 Pitɛ̌ 5:1

Ě gbɛ̀ɛ ɛ amo Tentǎn Jǔu wǎnʼa bòlibo wan, ně chɛ̀à Ě moo bòlibopoi plě Ě moo Tentǎn Jǔu sàse keǒ Ɔɔ sònwɛ jejeɛ̌ mɔ̀. Tè jǐ boaboǎǒ Nyesoa mii tàmo sàba pase Ě miǒ ɛ wakǎ jleě mǒ kɔnma.

Wlɛ̀velesɔ̌n 1:1

Chněedɛ̌à ɛ boɛɛ kɛn noǎ Nyesoa nyeaa Jùsu Tentǎn Jǔ Bɔ teeaa Nyesoaa na wien po nyebajle klee nynejlu ï kɔn bi kpalaa tùɔn ï kɔn tǐ seaǒo mɔ̀ tmɔ. Tentǎn Jǔ dboa Ɔɔ najiǒpòi kělɔ mǒ Jɔ̀ɔ̌n mɔ̀ ɔ̈ moo Ɔɔ na wien po nyebajlo Ɔ̌ teeaǎ noǎǒ.

Wlɛ̀velesɔ̌n 1:2

Kělɔ chněedɛ̌ɔ wlòmo Ě sèsae ii tè kɛn le ɛ̈ kwɛɛǒo noǎ wùɛ Ě jěaa jleě mǒ bo. Winʼà i moo Nyesoaa tuposà klee dɛ Tentǎn Jǔ Jùsu tmɔɔ̌a mǒo.

Wlɛ̀velesɔ̌n 1:4

Mǒ Jɔ̀ɔ̌nʼà chlě chněedɛ̌à klě Tentǎn Jǔu wǎnʼa tàkpɛ̌ɛ nyiɛtaà mɔ̀ ü neěe Esìa wakǎ kɛn. Wlòo jlajlǎ dɛ ɛ̈ɛ̌ sàa wlò kǔ mǒ klee ně bo wnawna bi neeǒ a mɔ̀ ï sɔn lěe Nyesoa mɔ̀ mǒ Ɔ̈ ɛ tùu klee ɛ tùaa plě Ɔ̈ miěe diba klee ï sɔn lěe sìsii nyiɛtaǒ mɔ̀ mǒ ï nynaǒ Ɔɔ klɔ̀ba gbèsɛɛ jemǒ bo

Wlɛ̀velesɔ̌n 1:6

Ɔ nu ä mǒ klɔ̀bapoo klee bodiɔpò ä mǐ Ɔɔ Nyesoa Ɔ̈ moo Ɔɔ Gbeǐ Ɔɔ konkwa nu. Nɛ bo Tentǎn Jǔ Bɔ kɔn tè jǐ boaboǎ klee kpě ke ɛ mii jleě mǒ bo tonma, kě bɛ ne!

Wlɛ̀velesɔ̌n 11:7

Bɛ̌ nu bǔ wɔ̀ uu sàse dɛǒ mɔ̀, nmi kukǔ fòɛ ɔ̈ miěe bǐtìe fòɛǒ see mɔ̀ kɔn wan mǒ sɔnma, nɔ̀ mi u tùngmaema ɔ̈ mi u ja jǎba, ɔ mi u wan duba ɔ mǐ u dbǎ.

Wlɛ̀velesɔ̌n 12:11

Blajǔu nymɔ klee Nyesoaa win ï u tmɛɛ̌aa nyopò tùu nì u nua ǔ dua lɔ. U pooa uu chɛ̀ɛ fònfno kla kɛn keǒ winʼǒ ii boɔboɔ tè mɔ̀.

Wlɛ̀velesɔ̌n 12:17

È dɔsmɛ nɔ̀ǒ bea jlo měne chɔɔ keǒ nynɔǒ mɔ̀, ii tè ɔ mua ɔ̌ tòala to keǒ nynɔǒ ɔɔ jlǔu jlǔ tùu mɔ̀ ü tùiǒo dɛà Nyesoa tmɛɛ̌ uu bo klee ü nii Jùsuu sàse dɛ keǒ nyopò tùu mɔ̀.

Wlɛ̀velesɔ̌n 13:10

Nyu wùɛ Nyesoa Bɔ̌ sàǒ keǒ bɔ̈ moo wùlo poɔ̌, ɔ mi wùlo poɔ̌ mooma. Nyu wùɛ Nyesoa Bɔ̌ sàǒ keǒ bɔ̈ koǒ pan jleě, ɔ mi pan jleě dbaěba. Dɛǒ nɛ̀ kɔn tè Nyesoaa nyopò kɔn bu nyna ɛ jebo klě tè wlò popoɛ mǒ.

Wlɛ̀velesɔ̌n 14:12

Dɛǒ nɛ̀ kɔn tè Nyesoaa nyopòà ü tùiǒ Ɔɔ teteǎ ble plě ü kɔnʼɔ tè wlò popoɛ klě Jùsu mǒ u kɔn bu nyna ɛ jebo ɛ̈ di ɛɛ numa uǔ diǒ ɛ jleě mǒ kplɛɛ le plě Ɔɔ̌ se lu ù kɛn po keǒ plɔɔ tu kɛn bo maěa mɔ̀.

Wlɛ̀velesɔ̌n 19:10

È nɔ̀ǒ Ě kɔaǒ kwne jemǒ bo Ě mǐa ɔɔ wɛ̀ sà, kɛɛ kě ɔ dǎlaǎ je ɔ je, “Bɔ̌ ɛ nunuɛ! Ě moo Nyesoaa nyebajlo wòje keǒ mò klee bìì Tentǎn Jǔu wǎn aa ka nee je ü tmɛɛ̌ nee Jùsuu tè nyopò tùu. Sà Nyesoaa wɛ̀, nè sɛ̀ ně wɛ̀. Dɛ kɔn tè wnɔsà winʼà i sàa lee wan nɛ̀ moo keǒ bo Jùsuu tè bi mǒ nyopò tmɔɔ̌ no.”

Wlɛ̀velesɔ̌n 20:4

È Ě jěa klɔ̀ba gbèsɛi ï nyopò neaa kɛn ble ü kpě nyeea bü tùaa blilǐ. Ě jěa nyopòà uu sìsi ü u bɛ̌aa dlě jele keǒ Jùsuu sàse dɛ nunuɛ tè mɔ̀ klee Nyesoaa win boɔboɔ tè. U sea nmiǒ ɔ klee ɔɔ sùsu tuu wɛ̀ sà plě u sea ɔɔ mǎkpee blě keǒ uu jigbàa gblee wnana mǒ klee keǒ uu son kɛn. Nù sɔnaě kǒla mǒ ü klee Tentǎn Jǔ kɔna win kwa klě jlěe taslěwaeǒ wlòmo.

Wlɛ̀velesɔ̌n 3:10

Ke ɛ toon jleě mǒ bo ǎ tùǒ Něe win bo keǒ ba nynaa tǐ jakě jebo, bo tǐ jakěe tǐ bǐ diě, Ě mi ɛ numa dɛ se a le tǒba mu. Imo tǐ jakěǒ i diě le keǒ kmɔ̌ wùɛà mɔ̀ i miě nyopòà neɔ ɛɛ mɔ̀ měne tɛ̀n.

Wlɛ̀velesɔ̌n 6:9

Tà Blajǔ sàlaǒo sluu kpɛɛ m̀m nenɛǒ, è Ě jěa nyopòo sìsi ü u dbǎlaa keǒ Nyesoaa win boɔboɔ tè mɔ̀ klee Ɔɔ sàse dɛ nunuɛ mɔ̀, nù neaě chɔ̀no tògbee kǒngmà bobo

Wlɛ̀velesɔ̌n 7:14

Ě tùa ɔ kɛ̀ɛn Ě je, “Kunkunyɔò, Ě se ɛ ji.” È ɔ tmɔɔ̌a mǒ ɔ je, “Nyopòà sɔn lěe tǐ jakě fòeà slè mǒ nùǒò ü jla uu wlawlě klě Blajǔu nymɔ slè i mǐi plɛ̌.