Wlɛ̀velesɔ̌n 1:7 - Nyesoaa Kuo Win Jajle

⁷ A tanà le, Tentǎn Jǔ miǎě nukpě kɛn diiba! Nyopò wùɛ miǎǒ Ɔ jleě mɔ̀ kpaba, jà nyopòo chɛ̀ǒ dbǎla Ɔɔ. Dakwɛ̌ wùɛà neɔɔ kmɔ̌ɔ mɔ̀ u mi Ɔɔ sònwɛ chìnma. Imo tèà nì moo kàan tè, kě bɛ ne.

Wlɛ̀velesɔ̌n 1:7 ပူးပေါင်းရင်းမြစ်များ

Matiɔ̌n 16:27

Jbɛjuu Jǔà Ɔ klee najiǒpòo tǐ mǎ bo je keǒ bu diě klě Ɔɔ Gbeǐi tè jǐ boaboǎ wlòmo. È Ɔ mi nyu wùɛ snǒ sàba ke ɔɔ nunu dɛ nee.

Matiɔ̌n 16:28

È tèe jleě nìà Ě tmɛɛ̌ amo, tà ä nynanàa bo ɛ kɔn nyopò tùu ü neàa ü see kǒba mu u mǐǎ Mǒ Jbɛjuu Jǔà jě Ě mǐǎě Ně win kwa konkɔn wlòmo dii li.”

Matiɔ̌n 24:30

È plě Jbɛjuu Jǔu de didiɛ ɛɛ jboo dɛ miǎa kɛ lě jɔkɛn be. Nyopò miǎ Ɔɔ sònwɛ chìnma. È dakɔ̌pò dakɔ̌pò wùɛ miǎ Jbɛjuu Jǔà jěba Ɔ miǎě nukpě kɛn dii li klee klě Ɔɔ kpě klee tè jǐ boaboǎ fòɛ wlòmo keǒ Nyesoaa win dǎa. (Dan 7.13-14)

Matiɔ̌n 25:31

È Jùsu kpɛɛa Ɔ win nya Ɔ je, “Tà Jbɛjuu Jǔà Ɔ miǎ lěe diba klě Ɔɔ tè jǐ boaboǎ wlòmo Ɔ klee Ɔɔ najiǒpò wùɛ, Ɔ miǎǒ Ɔɔ tè jǐ boaboǎ gbèsɛɛ kɛn bo nema.

Matiɔ̌n 26:64

È Jùsu tùa ɔ kɛ̀ɛn Ɔ je, “Ii teěn nìǒ bòɔ. Tèe jleě nìà Ě tmɛɛ̌ amo, klě kmɔ̌ɔ nya a miǎ Jbɛjuu Jǔà jěba Ɔ mǐǎ lě kpě kɛne Nyesoaa dilǎ son mɔ̀ bo nene klě Ɔ miǎě mǒ sɔɔnma Ɔ miǎě di klě nukpě kɛn wòje keǒ Nyesoaa win dɛ̌ɛ.” (Ps 110.1, Dan 7.13)

Mǎkè 13:26

Klě tǐǒ wlòmo nyopò miǎ Jbɛjuu Jǔà jěba Ɔ mǐǎǒ nukpě kɛn dii li klee klě Ɔɔ kpě klee tè jǐ boaboǎ fòɛ wlòmo wòje keǒ Nyesoaa win dɛ̌ɛ. (Dan 7.13-14)

Mǎkè 14:62

È Jùsu tùa ɔ kɛ̀ɛn Ɔ je, “Mǒà Mǒ ɛ tù. Aa wùɛ a miǎ Jbɛjuu Jǔà jěba Ɔ miǎ lě kpě kɛne Nyesoaa dilǎ son mɔ̀ bo nene, klě Ɔ miǎě mǒ sɔɔnma Ɔ miǎě di klě nukpě kɛn wòje ke Nyesoaa win dɛ̌ɛ.” (Ps 110.1, Dan 7.13)

Lǔkù 21:27

È nyopò wùɛ miǎ Jbɛjuu Jǔà jěba Ɔ miǎě nukpě kɛn dii li klee klě Ɔɔ kpě fòe klee tè jǐ boaboǎ wlòmo keǒ Nyesoaa win dɛ̌ɛ. (Dan 7.13)

Jɔ̀ɔ̌n 19:34

Kɛɛ tabɔpoii do nɔ̀ dǔa ɔɔ dǐ mǒ nɛ̀ ɔ pooaǒ Jùsu wakǎ mǒ, è tǐi doo tǐ jleě nymɔ klee ně sonwɛaě Ɔ fǒ mǒ.

Jɔ̀ɔ̌n 19:37

Klě Nyesoa winʼi wakǎ tɛ̀ɛ mɔ̀ kě i dɛ̌ de i je, “U miǎ Nyuǒ jěba Ɔ̈ u nynǎa dǐ mǒ.” (Zech 12.10)

1 Tɛseloniǎ 1:10

U tmɛɛ̌ äne ke a ni Ɔɔ Jǔ Jùsu kɛn mǒ fofoɛ Bɔ sɔn lěe jɔkɛn mǒ Ɔ̈ Nyesoa dǔaa jemǒ Ɔ sàla lěe kǒla mǒ plě Ɔ̈ gblà ämoo klě Nyesoaa jlo bobo ɛ̈ diěe keǒ nyopòo kpni kukwǐ mɔ̀.

1 Tɛseloniǎ 4:17

È ämoà neě jèe kmɔ̌ ä miǎ jemǒ duǔba ä miǎě nukpǎ kɛn kpae le ä klee nyopòǒ kǒaa, ä miǎ äa Koɔn nya bɛ̌ba mu klě jɔ mǒ. È ä miǎě Ɔ mɔ̀ nema ke ɛ mii jleě mǒ bo tonma.

Hiblǔ 10:29

È nyuà ɔɔ plɔɔ tu kɛn bo maěaǒ blɛɛ ɔɔ je ɛ miǒ le sìnma, ɔ̈à sɛ̀ɛǒo Nyesoaa Jǔà Ɔɔ tè le klee ɔ̈ ni Ɔɔ nymɔǒ kwɛɛǒo kuo win jleě mǒ bo ɛ̌ wǒo dɛ see ngmà je ne, ɛmo nymɔɔ doǒ nu ɔmoo nyuǒ ɔ̌ nee ngmà je plě ɔ̈ cheɛɛ̌ lee Ngmà Je Ne Sùsu le Ɛ̈ kɔnʼɔ wlòo jlajlǎ dɛ ɛ̈ɛ̌ sà Ɛɛ wlò kǔ mǒ keǒ ɔ mɔ̀.

Hiblǔ 6:6

bǔ kplɛɛǒ uu tè wlò popoɛ kɛn, u slě wɔ̀ bu bitǐ uu wlè bo de u mǐ tè wlò le poo lo. Dɛǒ u nuu ɛ wǒ je keà u kɔǒo Nyesoaa Jǔà pète bɛ̌ tu jleě de plě ɛ moo u kpaǒ Ɔ klɔ̀ slè ǔ sà Ɔ kǔ kɛn.

1 Jɔ̀ɔ̌n 3:2

Ně mǒ noɛɛ nyopò ane, klě tǐà wlòmo ä moo Nyesoaa jlǔ plě Ɔ sěɛ ɛ pepě mǒ pe keǒ ä mɔ̀ ke tae ä miǎa nema, kɛɛ ä ji ɛle ɛ̈ moo bɛ̌ nu bo Tentǎn Jǔ Bɔ̌ tbaeǎ je, ä miǎ Ɔ jěba wòje tǔnʼǒ Ɔ neěe wlòmo, tèǒ nì kɔn tè ä miǎ Ɔ je wǒba.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:14

Tà Ɛdɛ̌mo kǒaa, Inɔ̌ke nɔ̀ mooa gbeǐpòo nyiɛta nonɔ ɔ̈ sàla ɛɛ wan keǒ u jleě mǒ, kě ɔ dǎla ɔ je, “A tanà le, Koɔn Nyesoa diě le Ɔ klee Ɔɔ ngmà je ne najiǒpòo taslěwɛ fòfoa

Wlɛ̀velesɔ̌n 22:20

Jùsuà te imo noǎà ämo je, kě Ɔ dǎ Ɔ je, “Sɛjesɛ, Ě miě diba pase!” Koɔn Jùsu diě, kě bɛ ne.

Wlɛ̀velesɔ̌n 22:4

U mi Nyesoaa jigbà jěba, è Ɔɔ nynɛ̌ mi chleěba keǒ uu jigbèe gblee wnana mǒ.