Wlɛ̀velesɔ̌n 1:6 - Nyesoaa Kuo Win Jajle

⁶ Ɔ nu ä mǒ klɔ̀bapoo klee bodiɔpò ä mǐ Ɔɔ Nyesoa Ɔ̈ moo Ɔɔ Gbeǐ Ɔɔ konkwa nu. Nɛ bo Tentǎn Jǔ Bɔ kɔn tè jǐ boaboǎ klee kpě ke ɛ mii jleě mǒ bo tonma, kě bɛ ne!

Wlɛ̀velesɔ̌n 1:6 ပူးပေါင်းရင်းမြစ်များ

Matiɔ̌n 6:13

È Nè kpɛě ä měne tèntɛn slè, kɛɛ gblàě ä dɛ kukǔ slè. Mɛ̌oǒ joo nɛ̀ moo Mòà Mò moo Klɔ̀ba Ɔ̈ kɔn win kwa klě kpě klee tè jǐ boaboǎ wlòmo tǐ wùɛ mɔ̀, kě bɛ ne.’ ”

Jɔ̀ɔ̌n 5:23

ɛ̈ di ɛɛ numa nyu wùɛ miǒ Jǔà tù keǒ u nii ǔ tùiǒo Nyesoa Ɔ̈ monoo Gbeǐ. È nyu wùɛ ɔ̈ seǒo Jǔ tù, ɔ seǒ Gbeǐ tù ke Ɔ̈ dboo Jǔà.

Wlǔmɔ 11:36

Noǎ wùɛ klě i sonwɛě Ɔ mɔ̀ mǒ, Nɔ̀ nu ni plě nɔ̀ kɔn ni. Nɛ Ɔɔ nynɛ̌ bɛ poo le tǐ wùɛ mɔ̀, kě bɛ ne.

Wlǔmɔ 15:6

ɛ̈ di ɛɛ numa aa wùɛ aa win mǐ dɛɛ do da a mǐ Nyesoa de bìse Ɔ̈ monoo Gbeǐ keǒ äa Koɔn Jùsu Tentǎn Jǔ mɔ̀.

Flepiɛ̌n 2:11

è nyu wùɛ kɔn bɔ boɔ lɛ ɛ̈ moo Jùsu Tentǎn Jǔ moo Koɔn ɛ̈ di ɛɛ numa Nyesoaǒ monoo Gbeǐ Ɔ mǐ tè jǐ boaboǎ kɔn.

1 Timɛtě 6:16

Nyesoaa do sosǒ Nɔ̀ se kokoɛ̌ kɔn plě Nɔ̀ neě pepě slè ɛ̈ fɛnʼɛ chɔɔ nyu wùɛ seǒo gbàa nyninynɛ wɔ̀. Nyu wùɛ nɔ̀ sěɛlǎ Nyesoa jě plě nɔ̀ slě wɔ̀ bɔ̈ jě Ɔ. Nɛ Bɔ kɔnʼǒ bo tùtuɛ klee Bɔ kɔn kpě tǐ wùɛ mɔ̀, kě bɛ ne.

Hiblǔ 13:21

Nɛ bo Nyesoa Bɔ nye a kàan noǎ wùɛ ɛ̈ di ɛɛ numa a miě ɛ wɔ̀ a mǐ Ɔɔ kɛn wɔɔn dɛ nu plě Bɔ nu dɛǒ blee Ɔɔ plɔ klě ä mǒ ɛ̈ diiě Jùsu Tentǎn Jǔ mǒ. Nɛ Tentǎn Jǔ Bɔ kɔn tè jǐ boaboǎ ke ɛ mii jleě mǒ bo tonma, kě bɛ ne.

1 Pitɛ̌ 4:11

Nyu wùɛ bɔ̈ ke win boɛ, bɔ boɔ Nyesoaa win. Nyu wùɛ bɔ̈ ke nyopò tùu konkwa mɔ̀ nii ni, bɔ nu ɛmo konkwaǒ klě kbě Nyesoa nye ɔɔ mǒ ɛ̈ di ɛɛ numa dɛ wùɛ ɔ mii numa klě ɛ mǒ Nyesoa mǐ baea jě ɛ̈ diiě Jùsu Tentǎn Jǔ mǒ. Nɛ bo tè jǐ boaboǎ klee kpě bi kɔnʼǒ Tentǎn Jǔ mɔ̀ ke ɛ mii jleě mǒ bo tonma, kě bɛ ne.

1 Pitɛ̌ 5:11

Nɛ bo Ɔɔ kpě bi sie kmɔ̌ tǐ wùɛ mɔ̀, kě bɛ ne.

2 Pitɛ̌ 3:18

Kɛɛ a muu nya, a kun klě äa Koɔn Jùsu Tentǎn Jǔu wlòo jlajlǎ dɛ mǒ ɛ̈ɛ̌ sà Ɔɔ wlò kǔ mǒ keǒ a mɔ̀ klee klě Ɔɔ de jijiɛ mǒ. Nɛ Bɔ kɔn de bìsea klě tǐà wlòmo plě ke kmɔ̌ mii jleě mǒ bo tonma, kě bɛ ne.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:25

Ɔɔ doǒ Nɔ̀ moo äa Gblàgbla Nyu ɛ̈ Ɔ nuuě äa Koɔn Tentǎn Jǔ Jùsu mǒ. Nɛ bo Ɔɔ tè jǐ boaboǎ klee Ɔɔ tèe kunkuɛn klee kbě klee win kwa kɔn kpě ï Ɔ kɔnaa klee Ɔ kɔnʼɔ klě tǐà wlòmo bi muu nya ke ɛ mii jleě mǒ bo tonma, kě bɛ ne.

Wlɛ̀velesɔ̌n 1:9

Mǒ Jɔ̀ɔ̌nʼà ɔ̈ moo aa bě Tentǎn Jǔu wǎnpòi, Ě moo aa nenatùmo klě sònwɛ jejeɛ̌ slè klee Nyesoaa deplě klee tǐ jakě jebo nynanyna ï ä klee Jùsu ä jeěǒo tàa do. Ě boɛa Nyesoaa win plě Ě nia Jùsuu sàse dɛ, tèǒ nì kɔn tè Wlǔmɔ nyoo kòngmna kpala lěě blǒ tìeǒ kɛn ɛ̈ ně poěe gbàe mǒ u dɛɛ Pamǒ.

Wlɛ̀velesɔ̌n 20:6

Nyopòǒ miěe klekle je měne duduɛ̌ wakǎ jleě mǒ kɔnma u kɔn ngmna plě ǔ ne ngmà je. Sɔ̌n nenɛ kokoɛ̌ seǒ u kpě dlǒ mǒ kɔn. Nù mi Nyesoa klee Tentǎn Jǔu kpatòapoo mooma plě u klee Tentǎn Jǔ miǒ tàa do win kwa kɔnʼɔ no klě jlěe taslěwaeǒ wlòmo.

Wlɛ̀velesɔ̌n 4:11

“Äa Koɔn Ɔ̈ moo äa Nyesoa! Mò nu noǎ wùɛ plě Nè kɛn wɔɔan nɛ̀ nua nɛ ii wùɛ ǐ ne kmɔ̌, ii tè Mò blɛɛ ɛ je keǒ Bɔ kɔn tè jǐ boaboǎ klee tùtuɛ klee kpě!”

Wlɛ̀velesɔ̌n 5:10

Plě È nu u klɔ̀bapoo mǒ klee bodiɔpò keǒ bu nu äa Nyesoaa konkwa bu kɔn kmɔ̌à win kwa.”