Wlɛ̀velesɔ̌n 1:5 - Nyesoaa Kuo Win Jajle

⁵ klee klě Jùsu Tentǎn Jǔ mɔ̀ Ɔ̈ moo wlò kpae Sàse klee klekle Nyu Ɔ̈ sàeěe kǒla mǒ plě Ɔ̈ kɔnʼɔ klɔ̀bapoo wùɛ win kwa ü neɔɔ blǒɔ mɔ̀. Bìsea keǒ Jùsu mɔ̀ keǒ Bɔ di ä mǒ noɛɛ ne Bɔ di ä kpni kukwǐi plɔ tu kɛn bo maěe dbǔ mɔ̀ bɛ̌ ɛ̈ Ɔɔ kokoɛ̌ nuu.

Wlɛ̀velesɔ̌n 1:5 ပူးပေါင်းရင်းမြစ်များ

Matiɔ̌n 20:28

Dɛɛ doǒ nɛ̀ ɛ mono, Mǒ Jbɛjuu Jǔà Ě slě di nyopò mi Ně konkwa nu, kɛɛ Ě diě keǒ Bo mǐ nyopòo konkwa nu plě Ě mǐ kǒ, dɛǒ nɛ̀ mi tùonyopo fòfoa gblàba klě uu kpni kukwǐi plɔɔ tu kɛn bo maěa slè.”

Matiɔ̌n 28:18

È Ɔ kèklaeaǒ u gbàa kě Ɔ dɛ̌a u je Ɔ je, “Nyesoa nyeě kpě pɛpɛ wùɛ ï neěe jɔkɛn klee kělɔ kmɔ̌ mɔ̀ keǒ dɛ wùɛ mɔ̀.

Jɔ̀ɔ̌n 13:1

Plě Dlǒ Mǒ Sìin Didi Dɛɛ de ngmně tǐ mǐaǒ nyni, Jùsu jia ɛle ɛ̈ moo tǐ nyniaǒ no keǒ Bɔ sɔna nɔ kmɔ̌ɔ mɔ̀ mǒ Bɔ mua de klě Ɔɔ Gbeǐ mɔ̀. Ɔ noɛɛa nyopòà neɔɔ kmɔ̌ɔ mɔ̀ mǒ no ü Ɔ kɔnʼɔ Ɔ̌ noɛɛ u mǒ kaǒ ɛ miǎ kmɔ̌ɔ dlǒ chlɛ̀chlɛ kɛn jɛɛ le.

Jɔ̀ɔ̌n 13:34

Tèǒ nì kɔn tè klě tǐà wlòmo tetě jajloà nɛ̀ Ě tmɛɛ̌ amo, a nonoɛɛ měne. Aa měne nonoɛɛ bɛ wǒ je keà Ě nu amoo mǒ noɛɛa.

Jɔ̀ɔ̌n 15:9

Ě noɛɛ a mǒ no wòje keà Ně Gbeǐ nu Mǒo mǒ noɛɛa. A neě Ně mǒ noɛnoɛ mǒ bo.

Jɔ̀ɔ̌n 18:37

È Pàlɛ̌te gbàla Ɔ wan ɔ je, “Ii tè deě Mòo Klɔ̀ba?” È Ɔ tùa lɔ kɛ̀ɛn Ɔ je, “Nìǒ neěè wan ɛ̈ moo Ě moo Klɔ̀ba. Tèà nì kɔn tè Ě kɔɔn no Ě diɔ kmɔ̌ɔ mɔ̀ ɛ̈ di ɛɛ numa Ě mǐ kmɔ̌ɔ nyopò wlòmo sèsae le keǒ Nyesoaa kàan tè mɔ̀. Nyopò wùɛà kɔnʼǒo kàan dɛǒ wakǎ jleě mǒ, u pe Ně win nɔkǔ jebo.”

Jɔ̀ɔ̌n 3:11

Kàan tèà Ě tmɛɛ̌ mò, ä tmɛɛ̌ amo Jùwɛ nyo noǎ ï kɔn tè ä jii plě ä tmɛɛ̌ a noǎ ï ä jěe ii tè, kɛɛ kaǒ aǎ po lii tè kàan tè.

Jɔ̀ɔ̌n 3:16

È nè wan gbà dɛǒ ɛɛ kɛ̀ɛn tùtuɛ nɛ̀ moo Nyesoa noɛɛ kmɔ̌ɔ nyopòà mǒ no chɔɔ dɔ̌, tèǒ nì kɔn tè Ɔ nyee Ɔɔ Jǔu do keǒ Bɔ moo äa kpni kukwǐi chɔ̀no ɛ̈ di ɛɛ numa nyu wùɛ ɔ̈ mi Ɔɔ tè kàan tè poba ɔɔ̌ di kǒ, kɛɛ ɔ miǎ kmɔ̌ sie fònfno kɔn.

Jɔ̀ɔ̌n 3:32

Ɔ tmɛɛ̌ nyopò tùu noǎ Ɔ wɛ̌nʼɛ plě Ɔ jěe klě Nyesoa mɔ̀, kɛɛ dɛǒ Ɔ boɛɛ nyu wùɛ nɔ̀ ɔɔ̌ po Ɔɔ tè kàan tè.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:28

A tù aa chɛ̀ jǐ mɔ̀ a mǐ aa bǐì Tentǎn Jǔu wǎn jǐ mɔ̀ tù ü Ngmà Ne Je Sùsu poě amoo kwete mǒ ba tùu jǐ mɔ̀. Ba moo jǐ mɔ̀ tù nyo keǒ Tentǎn Jǔu wǎn mɔ̀ ü Nyesoa nu Ɔɔ chɛ̀ɛ nyopò mǒ keǒ Ɔɔ Jǔu kokoɛ̌ kɛn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:23

ɛ̈ moo Tentǎn Jǔ mia sònwɛ jěba plě Nɔ̀ mia klekle Nyu tùba Ɔ miaě kǒla mǒ sɔnma plě Ɔ mǐa wowa dɛɛ pepěe sàe po klě Jùwɛ nyo klee kuodakwɛ̌ mɔ̀.”

Wlǔmɔ 3:25

Jùsu Nɔ̀ Nyesoa tba Bɔ̈ nu ɛ, ɛ miě ɛ wɔ̀ uu kpni kukwǐi tè mi wlò le poo lo klě uu tè wlò popoɛ mǒ ɛ̈ u kɔnʼɔ klě Ɔɔ kokoɛ̌ mǒ. Dɛǒ nɛ̀ tee ɛ ɛ̈ moo Nyesoa moo kàan. Klě ɛɛ nunuɛ wlòmo nɛ̀ nu ɛ Ɔ̌ seǒ äa plɔ tu kɛn bo maě ne keǒ äa kpni kukwǐ ä nuaa mɔ̀.

Wlǔmɔ 8:37

Kɛɛ Nyuà noɛɛ ämoo mǒ Ɔ miǒ ä mɔ̀ mǎma ä mǐ duduɛ kɔn kpǎkpǎ keǒ sònwɛ jejeɛ̌ wùɛà mɔ̀.

1 Kwnɛtiɛ̌ 6:11

Aa tìe tùu kmɔ̌ǒ nɛ̀ a ne pnɔě slè plě ǎ bitǐ aa wlè bo, kɛɛ äa Koɔn Jùsu Tentǎn Jǔ klee Nyesoaa Sùsu nì jla amo klě kpni kukwǐ slè nɛ̀ nu a ngmà je ne nyo klee jebo siǐn nyo mǒ klě Nyesoa jǐ kɛn.

Kalesiɛ̌n 2:20

dɛǒ nɛ̀ nu ɛ ně ne kmɔ̌ ke Ě ni ɛɛ jlajlǎ, kɛɛ Tentǎn Jǔu kmɔ̌ nɛ̀ neěě mǒ. Tà Ě neɔ kmɔ̌ɔ mɔ̀ Ě kɔn kmɔ̌ sie fònfno ɛ̈ ně tè wlò popoɛ Ě kɔnʼɔ klě Nyesoaa Jǔ mǒ nye mǒo Ɔ̈ noɛɛ mǒo mǒ plě Ɔ̈ kǒo keǒǒ mɔ̀.

Ifisiɛ̌n 2:4

Kɛɛ Nyesoa kɔn wɔle je jbojbɛ chɔɔ plě Ɔ̌ noɛɛ ä mǒ chɔɔ dɔ̌,

Ifisiɛ̌n 5:2

È a nɛ mǒ noɛnoɛ bɛ kɔn aa kmɔ̌ neneɛ win kwa wòje dɛɛ doǒ Tentǎn Jǔ nuu Ɔ̌ noɛɛ ämoo mǒ ii tè Ɔ̌ kǒo keǒ äa tè mɔ̀ wòje keà wan nmɔ nyee dɛ ɛ̈ pee sonsnǒ klee chɔ̀no ɛ̈ pie lee Nyesoa je.

Klasɔ̌n 1:18

Nɔ̀ moo Ɔɔ wǎnʼa dlǒ jleě ne Nyu ü moo Ɔɔ fǒ, Nɔ̀ moo wǎnʼǒ ɛɛ wlò le tù Nyu plě Nɔ̀ moo klekle Nyesoa dǔa jemǒ Ɔ sàlaě kǒla mǒ ɛ̈ di ɛɛ numa Ɔ mǐ nyane Nyu tù keǒ dɛ wùɛ mɔ̀.

1 Timɛtě 6:13

Ě nyeè snǒ keǒ Nyesoa jemǒ Ɔ̈ nyee dɛ wùɛ fònfno klee keǒ Tentǎn Jǔ Jùsu jemǒ Ɔ̈ sèsaeaa kàan dɛɛ tè kɛn le keǒ Pɔntìɔ Pàlɛ̌te jemǒ,

1 Timɛtě 6:15

Nyesoaà kɔnʼɔ win kwa Ɔ̈ kɔn do mɔ̀ äa de bìsea kɔnʼǒo klee Ɔ̈ moo Klɔ̀ba Ɔ̈ neǒo klɔ̀bapoo wùɛɛ dlǒ mǒ klee Ɔ̈ moo Koɔn Ɔ̈ neěe koɔnpò wùɛɛ dlǒ mǒ, Nɔ̀ miǎě ɛmo waěǒ jaba klě ɛɛ tɛɛ tǐ wlòmo.

Hiblǔ 10:29

È nyuà ɔɔ plɔɔ tu kɛn bo maěaǒ blɛɛ ɔɔ je ɛ miǒ le sìnma, ɔ̈à sɛ̀ɛǒo Nyesoaa Jǔà Ɔɔ tè le klee ɔ̈ ni Ɔɔ nymɔǒ kwɛɛǒo kuo win jleě mǒ bo ɛ̌ wǒo dɛ see ngmà je ne, ɛmo nymɔɔ doǒ nu ɔmoo nyuǒ ɔ̌ nee ngmà je plě ɔ̈ cheɛɛ̌ lee Ngmà Je Ne Sùsu le Ɛ̈ kɔnʼɔ wlòo jlajlǎ dɛ ɛ̈ɛ̌ sà Ɛɛ wlò kǔ mǒ keǒ ɔ mɔ̀.

Hiblǔ 9:14

Kɛɛ Tentǎn Jǔu kokoɛ̌ nu dɛ fòɛ keǒ ä mɔ̀ ɛ̌ sìnʼǒ i mǒ. Kmɔ̌ sie Sùsu Nɛ̀ nu Tentǎn Jǔ Ɔ̌ wɔ̀le ɛ keǒ Bɔ nyee Ɔɔ chɛ̀ Nyesoa keǒ Bɔ moo Chɔ̀no Ɛ̈ snǎ lěe mɔ̀le kpǎkpǎ. Ɛmo Chɔ̀noǒ Nɛ̀ snǎě ä mɔ̀le ɛ̈ di ɛɛ numa ä bɔ̌ noǎà nunuɛ ï miě ämoo kmɔ̌ sie kǒla mǒ kpaba, ä mǐ kmɔ̌ ne Nyesoaa konkwa nu.

1 Pitɛ̌ 1:19

kɛɛ Ɔ nua Tentǎn Jǔu nymɔ Ɔ̈ snǎ lěe mɔ̀le wòje blajǔ u dbɛ̌ɛ keǒ Dlǒ Mǒ Sìin Didi Dɛɛ de ngmnengmnɛ̌ mɔ̀ ɔ̈ kɔɔ̌ dɛ klee kɛɛ seǒo jleě mǒ ne.

1 Jɔ̀ɔ̌n 1:7

Kɛɛ bɛ̌ nu bä neě pepě mǒ wòje keǒ Ɔ nuu, è äa wùɛ ä nɛǒ tàa do. Ɔɔ Jǔ Jùsu Tentǎn Jǔu nymɔǒ nɛ̀ jla ä le ɛ̈ sà ä kpni kukwǐ wùɛ fǒ měne.

1 Jɔ̀ɔ̌n 4:10

Mǒ noɛnoɛǒ neě ɛɛ mǒ ɛ se bä noɛɛ Nyesoa mǒ, kɛɛ ɛ moo Nyesoa Ɔ̌ noɛɛ ä mǒ, ii tè Ɔ dbo Ɔɔ Jǔ keǒ Bɔ moo äa kpni kukwǐi Chɔ̀no.

Wlɛ̀velesɔ̌n 11:15

Tà najiǒpòo nyiɛta nonɔǒ ɔ bea ɔɔ nokpa, Ě wɔ̌na slɛ̀ ɛ̈ peeaa le klě jɔkɛn, kě ɛ dɛ̌a ɛ je, “Kmɔ̌à ɛɛ win kwa kɔn kpě kɔnʼǒ äa Koɔn Nyesoa klee Ɔɔ Tentǎn Jǔ mɔ̀ plě Nɔ̀ mi ɛ win kwa kɔnma ke ɛ mii kɛ̀ɛ jleě mǒ bo tonma!”

Wlɛ̀velesɔ̌n 11:3

Ně sàsepo kplěe sɔ̌nʼà Ě mi u kpě nyema, u mi chìnchin dale měne poba u mǐ Ně win wan sà klě jlěe tan ne bɔ̀tie le wlòmo.”

Wlɛ̀velesɔ̌n 17:14

U mi Blajǔ to mɔ̀ kpaba Ɔ klee Ɔɔ nyopò Ɔ sà lěe Ɔ daa bü na Ɔɔ de plě ü ma lěe sèn bo keǒ Ɔ mɔ̀. U mi nyopòǒ duba. Mɛ̌oǒ joo nɛ̀ moo Blajǔǒ Nɔ̀ moo koɔnpòo Koɔn plě Nɔ̀ moo klɔ̀bapoo Klɔ̀ba.”

Wlɛ̀velesɔ̌n 19:11

È Ě jěa jɔkɛn ɛ̌ knana je, klě jǐi kapǒ tǐ wlòmo Ě jěa sòko plǔ ɔ̌ sɔnaě jɔkɛn mǒ, Nyuǒ nɛɛa ɔɔ kɛn u dɛɛa Ɔ Tè Wlò Popoɛ klee Kàan Tè. Ɔ tùi nyopò blilǐ mɔ̀ plě tèǒ kɔn tè Ɔ wɛ̀nʼaa to ǐ mooa mǒ slɛɛ̌ tè.

Wlɛ̀velesɔ̌n 19:16

Ɛ kɔn nynɛ̌ chleěaa klě Ɔɔ wlawlǒ pɛ̀tuǒ kɛn klee keǒ Ɔɔ ponwɔ̌ kɛn, ɛmo nynɛ̌ǒ nɛ̀ moo Klɔ̀ba Ɔ̈ neǒo klɔ̀bapoo dlǒ mǒ klee Koɔn Ɔ̈ neǒo koɔnpòo dlǒ mǒ.

Wlɛ̀velesɔ̌n 2:13

Ě ji tà a neǒo no, tàa teěnʼǒ Setɛ̀nʼɛ klɔ̀ba gbèsɛɛ neǒo keǒ a neǒ. Kɛɛ kaǒ a kɔn wlò kpaea klěě mǒ. Ɛntèpa ɔ̈ mooa Ně sàsepoi ɔ kɔna wlò kpaea klěě mǒ. Tà ɔ nua Něe konkwa klě aa diě wlòmo, tàà Setɛ̀n tǐnʼěe, u dbǎla ɔ lo, kɛɛ aa tè wlò popoɛ a kɔnʼɔ klěě mǒ a sea ɛ mǎ.

Wlɛ̀velesɔ̌n 3:14

Jùsu kpɛɛa Ɔɔ win nya Ɔ je, “Chleě najiǒpòià mɔ̀ ɔ̈ nynaǒo Tentǎn Jǔu wǎn pènmo bo ü neěe dě fòɛǒ moo Lodisìa kɛn, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyuà u dɛɛ Kě Bɛ Ne Ɔ̈ moo Wlò Kpae Nyu plě Ɔ̈ moo Kàan Sàse Ɔ̈ kɔnʼɔ Nyesoaa noǎà Ɔ nuu win kwa.

Wlɛ̀velesɔ̌n 7:14

Ě tùa ɔ kɛ̀ɛn Ě je, “Kunkunyɔò, Ě se ɛ ji.” È ɔ tmɔɔ̌a mǒ ɔ je, “Nyopòà sɔn lěe tǐ jakě fòeà slè mǒ nùǒò ü jla uu wlawlě klě Blajǔu nymɔ slè i mǐi plɛ̌.