Wlɛ̀velesɔ̌n 1:4 - Nyesoaa Kuo Win Jajle

⁴ Mǒ Jɔ̀ɔ̌nʼà chlě chněedɛ̌à klě Tentǎn Jǔu wǎnʼa tàkpɛ̌ɛ nyiɛtaà mɔ̀ ü neěe Esìa wakǎ kɛn. Wlòo jlajlǎ dɛ ɛ̈ɛ̌ sàa wlò kǔ mǒ klee ně bo wnawna bi neeǒ a mɔ̀ ï sɔn lěe Nyesoa mɔ̀ mǒ Ɔ̈ ɛ tùu klee ɛ tùaa plě Ɔ̈ miěe diba klee ï sɔn lěe sìsii nyiɛtaǒ mɔ̀ mǒ ï nynaǒ Ɔɔ klɔ̀ba gbèsɛɛ jemǒ bo

Wlɛ̀velesɔ̌n 1:4 ပူးပေါင်းရင်းမြစ်များ

Jɔ̀ɔ̌n 1:1

Sɔɔnʼě kmɔ̌ɔ wlò tùla mǒ Nyuà u dɛɛ Win Ɔ nea kɛn tùɔn, Ɔ klee Nyesoa neaǒ tàa do, è Ɔ mooa Nyesoa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 19:10

Ɛmo teeaǒ ɛ kpala jlěe sɔ̌n, dɛǒ nɛ̀ nua nɛ Jùwɛ nyo klee kuodakwɛ̌ wùɛ ü nea lěe Esìa wakǎǒ kɛn ǔ wɔ̌na winʼǒ ï kwɛɛǒo Koɔn Jùsu jleě mǒ bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:9

Ämoà ä sɔn mǒ blěǒ monoo Patìa klee Midìɛ klee Ilàn kɛn, tìe sɔnʼě mǒ blǒ wakěǒ monoo Mɛsepotemìa klee Jùdǐa klee Kapodosìa plě klee Pɔntɔ̀ kɛn. È tìe sɔnʼě mǒ Esìa blǒ kɛn

Wlǔmɔ 1:7

Ě chlě chněedɛ̌à keǒ nyu wùɛ mɔ̀ ɔ̈ neěe dě fòɛǒ moo Wlùun wlòmo ɔ̈à Nyesoa noɛɛ mǒ plě Ɔ daa bɔ̈ moo Ɔɔ nyu. Nɛ äa Gbeǐ Nyesoa klee äa Koɔn Jùsu Tentǎn Jǔ Uu wlòo jlajlǎ dɛ ɛ̈ɛ̌ sà Uu wlò kǔ mǒ klee ně bo wnawna U kɔnʼɔ keǒ a mɔ̀ bi muu nya.

1 Kwnɛtiɛ̌ 1:3

Nɛ bo Nyesoa Ɔ̈ moo äa Gbeǐ klee äa Koɔn Jùsu Tentǎn Jǔ Uu wlòo jlajlǎ dɛ ɛ̈ɛ̌ sà Uu wlò kǔ mǒ bɛ muu nya keǒ a mɔ̀ plě Bu nye a ně bo wnawna.

2 Kwnɛtiɛ̌ 1:2

Nɛ äa Gbeǐ Nyesoa klee Jùsu Tentǎn Jǔ äa Koɔn Bu nye a Uu wlòo jlajlǎ dɛ ɛ̈ɛ̌ sà Uu wlò kǔ mǒ klee ně bo wnawna.

Hiblǔ 13:8

Ke kɔn doà Jùsu Tentǎn Jǔ ne kekɛɛ, kě Ɔ netě plě kě Ɔ mi nema ke ɛ mii jleě mǒ bo tonma.

Jìmǐse 1:17

Kàan klee mɔ̀le snǎ nyee noǎ wùɛ i sonwɛ lě mǒ Nyesoa mɔ̀ Ɔ̈ moo äa Jɔkɛn Gbeǐ Ɔ̈ nuaa pepě ɛ̈ neěe jɔ mǒ plě Ɔ̈ kɔn kmɔ̌ ɛɛ̌ wǒo de le wòje keà wɛnʼɛ sùsu nii.

Wlɛ̀velesɔ̌n 1:1

Chněedɛ̌à ɛ boɛɛ kɛn noǎ Nyesoa nyeaa Jùsu Tentǎn Jǔ Bɔ teeaa Nyesoaa na wien po nyebajle klee nynejlu ï kɔn bi kpalaa tùɔn ï kɔn tǐ seaǒo mɔ̀ tmɔ. Tentǎn Jǔ dboa Ɔɔ najiǒpòi kělɔ mǒ Jɔ̀ɔ̌n mɔ̀ ɔ̈ moo Ɔɔ na wien po nyebajlo Ɔ̌ teeaǎ noǎǒ.

Wlɛ̀velesɔ̌n 1:11

kě i dɛ̌a i je, “Chlě dɛǒ jèe klě chněedɛ̌ wlòmo mì ɛ dbo klě Tentǎn Jǔu wǎnʼa tàkpɛ̌ɛ nyiɛtaǒ mɔ̀ ü neěe deě fòeà monoo Ɛfèse kɛn klee Smanà klee Pɔkemɔ̀ klee Taetawlà klee Sɔdè klee Feledɛfìa plě klee Lodisìa!”

Wlɛ̀velesɔ̌n 1:17

Tà Ě jěa Lɔɔ, Ě pɛnaǒ Ɔ be wɔ̀ɔn bo keà nyu kǒo. È Ɔɔ dilǎ son nɛ̀ Ɔ mǎnaǎ kɛn bo, kě Ɔ dɛ̌a Ɔ je, “Fano bɛ bɔ̌ɔ̀ nunuɛ, Mǒ moo Klekle Nyu klee Demǒ Bɔɔ̌ Nyu

Wlɛ̀velesɔ̌n 1:20

Jɔtnèe nyiɛtaǒ jèe ï neɔ Mǒo dilǎ son mǒ klee nǎpea tii nyiɛtaǒ, dɛ i sɛ̀nʼɛ nynɛ̌ nɛ̀ moo jɔtnèe nyiɛtaǒ nì nynaǒ pènmo bo najiǒpòo nyiɛta ü nynaǒo Tentǎn Jǔu wǎn kpɛɛ nyiɛta pènmo bo. È nǎpea tii nyiɛtaǒ nì nynaǒ pènmo bo Tentǎn Jǔu wǎn kpɛɛ nyiɛtaǒ.”

Wlɛ̀velesɔ̌n 1:8

Kpě kɛne Koɔn Nyesoa Ɔ̈ ɛ tùaa klee ɛ tùu plě Ɔ̈ miěe diba, kě Ɔ dɛ̌ Ɔ je, “Mǒà Mǒ moo Ɛɛ Wlò Tùla Mǒ klee Ɛɛ Dlǒ Chlɛ̀ɛa.”

Wlɛ̀velesɔ̌n 1:9

Mǒ Jɔ̀ɔ̌nʼà ɔ̈ moo aa bě Tentǎn Jǔu wǎnpòi, Ě moo aa nenatùmo klě sònwɛ jejeɛ̌ slè klee Nyesoaa deplě klee tǐ jakě jebo nynanyna ï ä klee Jùsu ä jeěǒo tàa do. Ě boɛa Nyesoaa win plě Ě nia Jùsuu sàse dɛ, tèǒ nì kɔn tè Wlǔmɔ nyoo kòngmna kpala lěě blǒ tìeǒ kɛn ɛ̈ ně poěe gbàe mǒ u dɛɛ Pamǒ.

Wlɛ̀velesɔ̌n 16:5

Ě wɔ̌na najiǒpòiǒ ɔɔ win ɔ̈ neǎa kpě nea lěe kwete mǒ ɔ je, “Ngmà Je Ne Nyesoa Ɔ̈ ɛ tùaa plě ɛ tùu, Nè wlòo ble po dɛà ɛ slɛɛ̌ mǒ no keǒ dɛà nùu kɛn.

Wlɛ̀velesɔ̌n 2:12

Jùsu kpɛɛa Ɔɔ win nya kě Ɔ dɛ̌a Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Pakemɔ̀ kɛn, kě bò dǎ ɔ je u je, ‘Tuposàà nɛ̀ sɔnʼě Nyuà mɔ̀ mǒ Ɔ̈ kɔnʼɔ wonwɛ̌n pan ɛ̈ kɔnʼɔ jǐi sɔ̌n.

Wlɛ̀velesɔ̌n 2:18

È Jùsu tmɔɔ̌aǎ ne de Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Taetawlà wlòmo, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyesoaa Jǔ Ɔ̈ kɔn jǐ wnee wòje napèpɛlo klee Ɔ̈ kɔn be nee wlekě wlekě ï wnee wòje kanwɛɛ ɛ̈ u sonwaa fǒ měne.

Wlɛ̀velesɔ̌n 2:8

È kě Jùsu dǎlaǎ je Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Smanà wlòmo, kě bò dǎ ɔ je u je, ‘Tuposàà ɛ sɔnʼě mǒ mɔ̀ Nyuà monoo Klekle Nyu klee Demǒ Bɔɔ̌ Nyu Ɔ̈ kǒaa plě Ɔ̈ nee kmɔ̌ de.

Wlɛ̀velesɔ̌n 22:16

Mǒ Jùsu Mǒà dbo Ně najiǒpòi bɔ tmɔɔ̌ amo noǎ wùɛà ii tè keǒ Tentǎn Jǔu wǎnʼa kàan dɛ mɔ̀. Mǒ moo Klɔ̀ba Dèběsee jlǔu Jǔ Ɔ̈ u dɛ lee Dɛɛ Mǎ klee Kènta Jɔtnàe Ɛ̈ fɛnʼɛ.”

Wlɛ̀velesɔ̌n 22:8

Mǒ Jɔ̀ɔ̌nʼà mǒ wɔ̌na imo noǎà ii tè plě ɔ̈ jěa li. Tà Ě wɔ̌na nii plě Ě jěa lii, è Ě kɔa kwne bo keǒ najiǒpòiǒ jemǒ Ě mǐa ɔɔ wɛ̀ sà ɔ̈ teea mǒo noǎǒ.

Wlɛ̀velesɔ̌n 3:1

Jùsu kpɛɛa Ɔɔ win nya Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Sɔdè wlòmo, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyuà kɔnʼɔ Nyesoaa Sìsii nyiɛta klee jɔtnèe nyiɛta. Ě ji dɛ a nii ni. Nyesoa dɛɛ nynɛ̌ nɛ̀ neǒ a kɛn a nee kmɔ̌, kɛɛ a moo kokǒ nyo.

Wlɛ̀velesɔ̌n 3:14

Jùsu kpɛɛa Ɔɔ win nya Ɔ je, “Chleě najiǒpòià mɔ̀ ɔ̈ nynaǒo Tentǎn Jǔu wǎn pènmo bo ü neěe dě fòɛǒ moo Lodisìa kɛn, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyuà u dɛɛ Kě Bɛ Ne Ɔ̈ moo Wlò Kpae Nyu plě Ɔ̈ moo Kàan Sàse Ɔ̈ kɔnʼɔ Nyesoaa noǎà Ɔ nuu win kwa.

Wlɛ̀velesɔ̌n 3:7

È kě Jùsu dɛ̌aǎ je Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Feledɛfìa kɛn, kě bò dǎ ɔ je u je, ‘Tuposàà ɛ sɔnʼě mǒ mɔ̀ Nyuà Ɔ̈ nee Ngmà Je klee Ɔ̈ moo Wlò Kpae Nyu Ɔ̈ blěe klɔ̀ba Dèběsee gbàadɛ̌. Dɛà Ɔ knaa je nyu slě wɔ̀ bɔ kan ɛ je, è dɛà ɔ kanʼa je nyu slě wɔ̀ bɔ kna ɛ je.

Wlɛ̀velesɔ̌n 4:5

Tɛ̀nʼɛ ngmnengmnɛ̌ klee ɛɛ klukwlɛ klě win fòe mǒ klee ɛɛ de pnapnǎ nì sonwɛaě klɔ̀ba gbèsɛɛǒ mɔ̀ mǒ. Keǒ gbèsɛɛǒ nya keǒ wnewne nǎpea tii nyiɛta nynanaǒ bo ï nynanaǒo Nyesoaa Sìsii nyiɛta pènmo bo.

Wlɛ̀velesɔ̌n 4:8

Imo kmɔ̌ ne soaa hɛ̀nʼǒ ii do do nea kɛn le kpakpeaa m̀mɔdo, jǐ wɔ̀la ii fě wùɛ dlǒ, jǐ neaě ii kpakpea boboo chɛ̀. Tǒn klee chnɛ̀ iǐ poa kpee keǒ bleblɛ mɔ̀, kě ii bleble win dɛ̌, “Kpě kɛne Koɔn Nyesoa ne je ngmà, Ɔ ne je ngmà, Ɔ ne je ngmà! Nɔ̀ ɛ tùa klee ɛ tù plě Ɔ̈ miě diba.”

Wlɛ̀velesɔ̌n 5:6

È Ě jěa Blajǔ Ɔ̈ wǒ dɛ u dbǎlaa, Nɔ̀ nynanaǒ klɔ̀ba gbèsɛɛǒ ɛɛ slè bo ɛ̈ kmɔ̌ ne soaa hɛ̀n klee kunkunyoǒ u tbɛɛa dǐ. Ngmèe nyiɛta nì neaǒ Ɛ dlǒ klee jǐi nyiɛta ï nynanaǒo Nyesoaa Sìsii nyiɛta pènmo bo ï Ɔ dboo kělɔ kmɔ̌ wùɛɔ mɔ̀,

Wlɛ̀velesɔ̌n 8:2

È Ě jěa najiǒpòo nyiɛta ǔ nynanaǒ Nyesoa jemǒ bo ǔ nyea u nokpee nyiɛta.