Wlɛ̀velesɔ̌n 1:2 - Nyesoaa Kuo Win Jajle

² Kělɔ chněedɛ̌ɔ wlòmo Ě sèsae ii tè kɛn le ɛ̈ kwɛɛǒo noǎ wùɛ Ě jěaa jleě mǒ bo. Winʼà i moo Nyesoaa tuposà klee dɛ Tentǎn Jǔ Jùsu tmɔɔ̌a mǒo.

Wlɛ̀velesɔ̌n 1:2 ပူးပေါင်းရင်းမြစ်များ

Jɔ̀ɔ̌n 1:32

È Jɔ̀ɔ̌n sèsɛɛa Jùsuu tè kɛn le klě nyopòǒ mɔ̀, kě ɔ dɛ̌a ɔ je, “Ě jěa Ngmà Je Ne Sùsu Ɛ̈ nea lěe plabaee tǔn wlòmo Ɛ̌ sɔnaě jɔkɛn mǒ Ɛ̌ tèea lě Jùsu ja.

Jɔ̀ɔ̌n 12:17

È diblɛ̌ǒ ü nɛa Ɔɔ de tèǒ nì u gbɛ̀tɛɛa blě kɛn le ke Ɔ nuaa Làesɔ̌ deda klě sɛklɛ bǐtìe wan Ɔ̌ sàlaě ɔɔ kǒla mǒ.

Jɔ̀ɔ̌n 19:35

Nyuà ɔ̈ jěaa dɛǒ ɛ̌ kpalaa tùɔn nɔ̀à sèsɛɛ a wlòmo ɛɛ tè. È ɔ ji ili ɛ̈ moo tèǒ ɔ sèsae amoo wlòmo i moo kàan tè ɛ̈ di ɛɛ numa a mǐ Jùsuu tè kàan tè po ke.

Jɔ̀ɔ̌n 21:24

Ɔɔ mɔ̀ cheěn nyuǒ nɔ̀ moo nyu ɔ̈ tmɛɛ̌ a noǎ wùɛà plě ɔ̈ chlě li. È ä ji ɛle ɛ̈ moo Jùsuu tè moo kàan tè.

Jɔ̀ɔ̌n 3:11

Kàan tèà Ě tmɛɛ̌ mò, ä tmɛɛ̌ amo Jùwɛ nyo noǎ ï kɔn tè ä jii plě ä tmɛɛ̌ a noǎ ï ä jěe ii tè, kɛɛ kaǒ aǎ po lii tè kàan tè.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 22:15

Mò mi sàse dɛ numa keǒ nyopò wùɛ mɔ̀ keǒ dɛà jèe plě wɔ̀nʼɔ ɛɛ tè mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:16

Klě tǐà wlòmo sɔn mǒ nyna nè be jleě bo. Mɛ̌oǒ joo nɛ̀ moo Ě sà Ně chɛ̀ tàmo Ě mǐì tba mò Ně nyebajlo klee sàse dɛ nu keǒ nyopò tùu mɔ̀ keǒ noǎà jleě mǒ ï kpàǒo jleě mɔ̀ klee noǎà Ě mii pepě mǒ poba keǒò mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:20

Ä se nyopò tùu tmɔɔ̌a bɔ̌ba mu keǒ noǎà ä jěaa plě noǎà ä wɔ̌naa ii tè mɔ̀.”

1 Kwnɛtiɛ̌ 1:6

Tuposàà ɛ̈ kwɛɛǒo Tentǎn Jǔ jleě mǒ bo ɛ nyna bo kpankpa klě a slè.

1 Kwnɛtiɛ̌ 2:1

Ně bǐì Tentǎn Jǔu wǎn ane, tà Ě dia lě amoo mɔ̀, Ě tmɔɔ̌a a Nyesoaa je wɛ̌ kàan dɛà ɛɛ tè, Ě seaě wan le dɛkɛa ja plě Ě seaě de jijiɛ fòfoa ja.

1 Jɔ̀ɔ̌n 1:1

Ä chleě a mɔ̀ ɛ̈ kwɛɛǒo Nyuà u dɛɛ Win Ɔɔ tè jleě mǒ bo Ɔ̈ nye ämoo kmɔ̌ sie fònfno. Sɔɔnʼě kmɔ̌ɔ wlò tùla mǒ Ɔ nea kmɔ̌. Äa chɛ̀ ä wɔ̌na Ɔɔ win ä kpalaǒ Ɔ jleě mɔ̀ plě ä jěa Ɔ, ä nua äa sonwe ä tǒa Ɔ le.

1 Jɔ̀ɔ̌n 4:14

Äa chɛ̀ ä jě Nyesoaa Jǔǒ lo plě ä moo sàsepo keǒ nyopò tùu mɔ̀ ɛ̈ moo Nyesoa Ɔ̈ moo äa Gbeǐ Ɔ dbo Ɔɔ Jǔ Ɔ mǐ tùonyopo gblà klě uu kpni kukwǐi plɔ tu kɛn bo maěa bobo.

3 Jɔ̀ɔ̌n 1:12

Nyu wùɛ nɔ̀ boɛ Demitlìa kàan nynɛ̌, Nyesoaa kàan dɛà ɛ boɛ ɔɔ kàan nynɛ̌ɛ chɛ̀. Ä moo ɛɛ sàsepo ɛ̈ moo ɔ moo kàan nyu plě jì ɛle ɛ̈ moo tèà ä boɛɛ i moo kàan tè.

Wlɛ̀velesɔ̌n 1:11

kě i dɛ̌a i je, “Chlě dɛǒ jèe klě chněedɛ̌ wlòmo mì ɛ dbo klě Tentǎn Jǔu wǎnʼa tàkpɛ̌ɛ nyiɛtaǒ mɔ̀ ü neěe deě fòeà monoo Ɛfèse kɛn klee Smanà klee Pɔkemɔ̀ klee Taetawlà klee Sɔdè klee Feledɛfìa plě klee Lodisìa!”

Wlɛ̀velesɔ̌n 1:19

Tèǒ nì kɔn tè chlě noǎà jèe ii tè, jà noǎà jèe klě tǐà wlòmo klee noǎ tìi mìǎa jěba.

Wlɛ̀velesɔ̌n 1:9

Mǒ Jɔ̀ɔ̌nʼà ɔ̈ moo aa bě Tentǎn Jǔu wǎnpòi, Ě moo aa nenatùmo klě sònwɛ jejeɛ̌ slè klee Nyesoaa deplě klee tǐ jakě jebo nynanyna ï ä klee Jùsu ä jeěǒo tàa do. Ě boɛa Nyesoaa win plě Ě nia Jùsuu sàse dɛ, tèǒ nì kɔn tè Wlǔmɔ nyoo kòngmna kpala lěě blǒ tìeǒ kɛn ɛ̈ ně poěe gbàe mǒ u dɛɛ Pamǒ.

Wlɛ̀velesɔ̌n 12:11

Blajǔu nymɔ klee Nyesoaa win ï u tmɛɛ̌aa nyopò tùu nì u nua ǔ dua lɔ. U pooa uu chɛ̀ɛ fònfno kla kɛn keǒ winʼǒ ii boɔboɔ tè mɔ̀.

Wlɛ̀velesɔ̌n 12:17

È dɔsmɛ nɔ̀ǒ bea jlo měne chɔɔ keǒ nynɔǒ mɔ̀, ii tè ɔ mua ɔ̌ tòala to keǒ nynɔǒ ɔɔ jlǔu jlǔ tùu mɔ̀ ü tùiǒo dɛà Nyesoa tmɛɛ̌ uu bo klee ü nii Jùsuu sàse dɛ keǒ nyopò tùu mɔ̀.

Wlɛ̀velesɔ̌n 20:4

È Ě jěa klɔ̀ba gbèsɛi ï nyopò neaa kɛn ble ü kpě nyeea bü tùaa blilǐ. Ě jěa nyopòà uu sìsi ü u bɛ̌aa dlě jele keǒ Jùsuu sàse dɛ nunuɛ tè mɔ̀ klee Nyesoaa win boɔboɔ tè. U sea nmiǒ ɔ klee ɔɔ sùsu tuu wɛ̀ sà plě u sea ɔɔ mǎkpee blě keǒ uu jigbàa gblee wnana mǒ klee keǒ uu son kɛn. Nù sɔnaě kǒla mǒ ü klee Tentǎn Jǔ kɔna win kwa klě jlěe taslěwaeǒ wlòmo.

Wlɛ̀velesɔ̌n 22:21

Nɛ bo Koɔn Jùsuu wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ aa wùɛ mɔ̀ bɛ muu nya, kě bɛ ne!

Wlɛ̀velesɔ̌n 6:9

Tà Blajǔ sàlaǒo sluu kpɛɛ m̀m nenɛǒ, è Ě jěa nyopòo sìsi ü u dbǎlaa keǒ Nyesoaa win boɔboɔ tè mɔ̀ klee Ɔɔ sàse dɛ nunuɛ mɔ̀, nù neaě chɔ̀no tògbee kǒngmà bobo