Wlɛ̀velesɔ̌n 1:18 - Nyesoaa Kuo Win Jajle

¹⁸ plě Ɔ̈ moo Kmɔ̌ Ne Nyu. Ě kǒa le, kɛɛ tanàle, Ě ne kmɔ̌ ke ɛ mii jleě mǒ bo tonma plě Mǒ kɔn kokoɛ̌ klee na slè mumuɛ win kwa.

Wlɛ̀velesɔ̌n 1:18 ပူးပေါင်းရင်းမြစ်များ

Matiɔ̌n 11:23

È amo Kapanìa nyo, Nyesoa miǎ kɛě a jɔkɛn kpaba le? Òooǒn, Ɔ miǎě a na slè poba. Mɛ̌oǒ joo nɛ̀ moo bɛ̌ nu wlòlekaen noǎà Ě nuɔ amoo slè Boǒ nuua ni klě kpni kukwǐ nyoǒ nea lěe diěǒ moo Sedɔ̀n wlòmo ɛ mii kmɔ̌ nema kekɛɛà.

Matiɔ̌n 16:19

Ii tè Nyesoaa win kwa konkɔn ɛɛ gbàanoǎ nì Ě miì nyema ɛ̈ di ɛɛ numa dɛ wùɛ mìǒo wun mɔ̀ sàba kělɔ kmɔ̌ɔ mɔ̀ nɛ̀ miǒ wun mɔ̀ sàeba klě jɔkɛn, è dɛ wùɛ sèǒ wun mɔ̀ sàba mu kělɔ kmɔ̌ɔ mɔ̀ nɛ̀ seǒ wun mɔ̀ sàeba mu klě jɔkɛn.”

Lǔkù 24:5

È kètekee bea u wan bo ǔ poa dlě wlò le keǒ blǒ mɔ̀. È tàii sɔ̌nʼǒ ù gbɛ̀a nynoǒ wan u je, “Mɛ kɔɔ̌n tè a pɛ̀ɛ̌n kɛ Nyuà nee kmɔ̌ le klě kokǒ nyo slè?

Jɔ̀ɔ̌n 11:25

È Jùsu tùa ɔ kɛ̀ɛn Ɔ je, “Mǒà Mǒ moo jeměne duduɛ̌ klee kmɔ̌ sie fònfno ii Mǎ. Kàan tè nyu wùɛ miǎ kǒba, kɛɛ nyuǒ mi Něe tè kàan tè poba ɔ miǎ jemǒ dǔba ɔ miǎ kmɔ̌ ne.

Jɔ̀ɔ̌n 14:19

Ɛ slě mɔ̀ tmɔ kpni kukwǐ nyo see kɛ̀ɛ̌ jěba mu de, kɛɛ amo miǐ jěba. È ke ɛ toon jleě mǒ bo Ě nee kmɔ̌, a mi kmɔ̌ nema ke.

Wlǔmɔ 6:9

Ɛ̈ kɔn ämo ji lii ɛ̈ moo Nyesoa dǔ Tentǎn Jǔ Jùsu jemǒ Ɔ̌ sàě Ɔ kǒla mǒ, Ɔ see kɛ̀ kokoɛ̌ kɔn, ɛ̈ sɛ̀nʼɛ nynɛ̌ kokoɛ̌ see kɛ̀ Ɔ win kwa kɔn de.

2 Kwnɛtiɛ̌ 13:4

I moo kàan tè tǐǒ u kɔaǒ Ɔɔ pète bɛ̌ tu jleě Ɔɔ fǒ sea kbě blě, kɛɛ klě Nyesoaa kpě wlòmo Ɔ ne kekɛɛ kmɔ̌. Keǒ Ɔɔ fǒ nuu ɛ̌ seaa kbě blě, kě äa fǒà ɛ nu. Kɛɛ Nyesoaa kpě mi ɛ numa ä klee Tentǎn Jǔu ä miě a slè ne.

Kalesiɛ̌n 2:20

dɛǒ nɛ̀ nu ɛ ně ne kmɔ̌ ke Ě ni ɛɛ jlajlǎ, kɛɛ Tentǎn Jǔu kmɔ̌ nɛ̀ neěě mǒ. Tà Ě neɔ kmɔ̌ɔ mɔ̀ Ě kɔn kmɔ̌ sie fònfno ɛ̈ ně tè wlò popoɛ Ě kɔnʼɔ klě Nyesoaa Jǔ mǒ nye mǒo Ɔ̈ noɛɛ mǒo mǒ plě Ɔ̈ kǒo keǒǒ mɔ̀.

Klasɔ̌n 3:3

Mɛ kɔɔ̌n tèǒ joo nɛ̀ moo a bɔ̌ dɛ kukǔ kmɔ̌ neea ne, è Tentǎn Jǔǒ Ɔ̈ neěe Nyesoa gbàa bo Nɔ̀ blě kmɔ̌ sie fònfno keǒ a mɔ̀ ɛ̈ nyu wùɛ slě wɔ̀ bɔ jlǐi.

Hiblǔ 1:3

Nɔ̀ moo Nyu Ɔ̈ tee ɛɛ ɛ̈ moo Nyesoa ne kɛn tùɔn plě Nyesoaa kmɔ̌ nɛ̀ neě Ɔ ja teěn. Nɔ̀ ni kmɔ̌à ɛ̌ neǒ klě Ɔɔ kpě kɛne win wlòmo. Tà Ɔ nu ɛɛ ɛ wɔ̀le ɛɛ keǒ tùonyugbee dɛ kukǔu tè bi poo loo wlò le, è Ɔ ne bo klě jɔkɛn klě Ja Tmɔ Nyesoaa dilǎ son mɔ̀ keǒ tùɔnʼǒ kɔnʼǒo tùtuɛ fòɛ kɛn.

Hiblǔ 12:2

A nɛ bä mǎǒ Jùsu jleě mǒ bo Ɔ̈ nɛɛ ämoo klě äa tè wlò popoɛ mǒ plě Ɔ̈ nu ɛɛ ɛ̌ wɛ̀ lee jele. Tǐǒ jleě Ɔ jěaa sònwɛ keǒ pète bɛ̌ tu jleě, Ɔ kɔna wlò dbadbǎ Ɔ̌ sàla tònwe dɛǒ jleě mɔ̀ keǒ plɔɔ bloblɛ Ɔ miaa kɔnma klě kmɔ̌ɔ nya ɛɛ tè mɔ̀. Sɔɔnʼaě tǐǒ wlòmo Ɔ neě Ɔɔ Gbeǐ Nyesoaa klɔ̀ba gbèsɛɛ dilǎ son mɔ̀ bo ɛ̈ moo tùɔn ɛ̈ kɔnʼǒo tùtuɛ fòɛ.

Hiblǔ 7:16

Nyesoa sea Jùsu bodiɔ dɛ mǒ po keǒ dakɔ̌ǒ uu tè mɔ̀ ü Ɔ sɔna lěe slè mǒ, kɛɛ keǒ kpě Ɔ kɔnʼɔ mɔ̀ ï nyee nyopò kmɔ̌ sie fònfno.

Hiblǔ 7:25

Dɛǒ nɛ̀ kɔn tè Ɔ wɔ̀le ɛ keǒ Bɔ gblà nyu wùɛ ɔ̈ miɔɔ Nyesoa mɔ̀ diiba klě tè wlò popoɛ ɔ kɔnʼɔ mǒ klě Ɔ mǒ. Mɛ kɔɔ̌n tèǒ joo nɛ̀ moo tǐ wùɛ mɔ̀ Ɔ ne kmɔ̌ Ɔ̌ bɛ̀te Nyesoa keǒ uu tè mɔ̀.

Wlɛ̀velesɔ̌n 10:6

È ɔ poa ɔɔ chɛ̀ win kɛn le keǒ Nyesoa mɔ̀ Ɔ̈ nee kmɔ̌ ke ɛ mii jleě mǒ bo tonma, Ɔ̈ nuu jɔ klee noǎ wùɛ neě ɛɛ wlòmo plě Ɔ̈ nuu blǒ klee noǎ wùɛ ï neɔɔ ɛɛ mɔ̀ plě Ɔ̈ nuu jbǒ klee noǎ wùɛ neě ɛɛ mɔ̀, kě ɔ dǎla ɔ je, “Tǐi de le kpokpa tɛ̀ɛ see kɛ̀ǒ nema mu!

Wlɛ̀velesɔ̌n 15:7

È soa fòee hɛ̀nʼǒ i dɛɛ do nyea najiǒpòǒ fuii nyiɛta ï jǐaa kmɔ̌ ne Nyesoaa jlo je Ɔ̈ nee kmɔ̌ ke ɛ mii jleě mǒ bo tonma.

Wlɛ̀velesɔ̌n 2:8

È kě Jùsu dǎlaǎ je Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Smanà wlòmo, kě bò dǎ ɔ je u je, ‘Tuposàà ɛ sɔnʼě mǒ mɔ̀ Nyuà monoo Klekle Nyu klee Demǒ Bɔɔ̌ Nyu Ɔ̈ kǒaa plě Ɔ̈ nee kmɔ̌ de.

Wlɛ̀velesɔ̌n 20:13

Jbǒ sàla ɛ blěe kokǒ nyo tàmo ü koǒaě ɛɛ mɔ̀, Kokoɛ̌ klee kokǒ nyoo blǒ ü dɛɛ Hedì i sàla i blěe kokǒ nyo tàmo. È u pea uu do do ǔ tùia u blilǐ wòje dɛ uu nyu wùɛ nuaa.

Wlɛ̀velesɔ̌n 20:14

Dɛ tɛ̀ɛ kɛnaǒo nɛ̀ moo Kokoɛ̌ klee Hedì pooaě na wulǒ mǒ. Wulǒǒ nɛ̀ nynaǒ sɔ̌n nenɛ kokoɛ̌ pènmo bo.

Wlɛ̀velesɔ̌n 3:7

È kě Jùsu dɛ̌aǎ je Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Feledɛfìa kɛn, kě bò dǎ ɔ je u je, ‘Tuposàà ɛ sɔnʼě mǒ mɔ̀ Nyuà Ɔ̈ nee Ngmà Je klee Ɔ̈ moo Wlò Kpae Nyu Ɔ̈ blěe klɔ̀ba Dèběsee gbàadɛ̌. Dɛà Ɔ knaa je nyu slě wɔ̀ bɔ kan ɛ je, è dɛà ɔ kanʼa je nyu slě wɔ̀ bɔ kna ɛ je.

Wlɛ̀velesɔ̌n 4:9

Tǐ wùɛ mɔ̀ soaǒ bǐ ke kmɔ̌ sie Nyuǒ neǒo klɔ̀ba gbèsɛɛǒ kɛn bo tè jǐ boaboǎ nye klee bo tùtuɛ klee bǐ ke Ɔ tàto pe,

Wlɛ̀velesɔ̌n 5:14

È soaa hɛ̀nʼǒ kě i dǎla i je, “Kě bɛ ne!” È kunkunyoo wlò tùo hɛ̀nʼǒ u kɔla kwne bo ǔ sàla Blajǔu wɛ̀ klee Nyuǒ neaǒo gbèsɛɛǒ kɛn bo.

Wlɛ̀velesɔ̌n 6:8

Ě keaǒ le tɛn, è Ě jěa sòko keà dɛ kplɔɔ, nyuǒ nɛɛa ɔɔ kɛn nɔ̀ kɔn nynɛ̌ mooa Kokoɛ̌ plě nyuǒ moo Hedì ɔ̌ nɛa ɔ de, Hedì sɛ̀n nynɛ̌ Kokǒ Nyoo Blǒ. U nyea u kpě keǒ kmɔ̌ɔ wakǎ gbe mɔ̀ keǒ bu kpala nyopò to mɔ̀ bu dbǎla u klee bu nua dodopà klee kweǎ klee kwlǎ slè soa kukwǐ ï neɔɔ blǒɔ mɔ̀ bu dbǎla u.

Wlɛ̀velesɔ̌n 9:1

Tà m̀m nonɔ najiǒpòiǒ ɔ bea ɔɔ nokpaǒ, Ě jěa jɔtnàe ɛ̈ bloaěe jɔ mǒ ɛ̈ bea lɔɔ kmɔ̌ mɔ̀, bǐtìee gbàadɛ̌ nɛ̀ nyeea ɔ no ɛ̈ u dɛɛ bǐtìeà see mɔ̀ kɔn.